ماكينة تعبئة اللبن البودرة من شركة المهندس منسى
ماكينة تعبئة اللبن البودرة من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : والله كنت بسأل على العلب الـ إتش دي بي إيه، اللي هي تنفع لتعبئة لو عندي لبن بودرة أو ويبر تي حاجات كده
المهندس منسى : آه
العميل : كنت عايز أعرف لو في إمكانية لتصنيع العلب دي ولا لأ اللي هي تشيل كميات كيلو
المهندس منسى : إن شاء الله
العميل : ممكن أعرف سعر مبدئي تقريباً ممكن تبقى كام؟
المهندس منسى : صعب التكهن ب لسبب بسيط، لأنه العبوات اللتر دي مثلاً لما نيجي نقول نوزنها وهي فاضية، هي بتتحسب بناء على وزنها وهي فاضية
العميل : تمام
المهندس منسى : لما تيجي تقول وزنها وهي فاضية مثلاً 40 جرام ـ ممكن 50 ـ ممكن 80 ـ ممكن 120 ـ ممكن 150…. فأنا هديلك سعر بناء على إيه؟
العميل : آه فاهم قصدك، طيب إنت محتاجني أحددلك الأول تقريباً الوزن اللي أنا محتاجه أد إيه؟
المهندس منسى : آه
العميل : طيب في حاجة تانية غير الوزن محتاجها أقولها لك
المهندس منسى : إنت نفسك ممكن تحدد سعر العبوات بتاعتك إزاي؟؟ شوف الوزن النهاردة كام جرام، مثلاً طلع 100 جرام، تقوم تقول 100 جرام شوف سعر الخامة، الخامة النهاردة بكام وبعد ما تشوف سعر الخامة النهاردة بكام تضرب الخامة بسعرها كذا والمصنعية كذا
العميل : عظيم… عظيم… يعني حضرتك اللي محتاجه مني المعلومة الأولانية الكمية اللي جوه أد إيه؟ وهي تقريباً كيلو، والمعلومة التانية أنا محتاج العلبة وهي فاضية وزنها كام صح؟
المهندس منسى : عملية العبوة أد إيه جوه دي مش فارقة معانا كتير، وزن العبوة بس وهي فاضية دي اللي تفرق معانا، أما العبوة سعتها كام دي مش فارقة معانا
العميل : إزاي مش فارقة معاكم، أمال هتعملي حجمها على أساس إيه؟
المهندس منسى : يا أخي بقولك بناء على تقدير
العميل : آه…
المهندس منسى : بناء على تقدير دي مش فارقة معانا كتير، لأنه هوه إحنا بنتكلم قطعة البلاستيك اللي إحنا هنحطها كام جرام
العميل : آه
المهندس منسى : أما عملية العبوة سعتها كام دي لتصنيع الاسطمبة مش لتقدير
العميل : أيوه.. أيوه.. تمام، آه بالضبط فاهم قصدك، بس كده كده اللي أنا محتاجه الأول أقولك تقريباً الوزن كام عشان تقولي تقريباً هيبقى كام
المهندس منسى : إن شاء الله
العميل : عظيم… إديني كده على بكرة أكلمك أقولك، معلش مين معايا؟
المهندس منسى : المهندس منسي
العميل : معاك المهندس يوسف طمبول، أهلاً وسهلاً اتشرفنا بيك يا فندم
المهندس منسى : اهلا بيك