ماكينه تعبئة اللب من شركة المهندس منسي
ماكينه تعبئة اللب من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : المهندس منسي معايا
المهندس منسي : أيوه معاك اتفضل
العميل : معاك مدحت عوض من أبو كبير شرقية
المهندس منسي : أهلاً وسهلاً
العميل : كان كلمك الباش مهندس بتاع مركز بسيون في طنطا على مكن التعبئة بتاع اللب
المهندس منسي : آه..
العميل : موجود عندك؟
المهندس منسي : موجود إن شاء الله
العميل : طب ما إحنا كنا عايزين نقابلك عشان إحنا هنا عندك قدام الشركة والشركة قافله
المهندس منسي : ما هو النهاردة الجمعة
العميل : طب وبعدين
المهندس منسي : أنا باجي كده على المغرب
العميل : مفيش حد يصرفنا ولا كده
المهندس منسي : ممكن أبعتلك دلوقتي تليفون واحد كلمه كدا وابعتله علي الواتس ممكن ينزلك عم حامد
العميل : هوه المخازن بتاعتك بعيدة عن المكتب نفسه
المهندس منسي : آه.. في عندنا حدائق القبة، مدينة نصر، وفي 6 أكتوبر وفي العبور
العميل : إنت عارف المكنة اللي هي بتعبي جرامات دي
المهندس منسي : آه… آه.. آه
العميل : دي سعرها كام يا باش مهندس؟
المهندس منسي : عامله 35
العميل : أنا تاجر يا بيه، أنا تاجر كنت باخد من الحاج شادي في طنطا لو تسمع عنه
المهندس منسي : ماعرفوش
العميل : ماشي وإبراهيم الشامي في طنطا برده وحماده حبيشي
المهندس منسي : آه….
العميل : واخد بالك وبنصنع برده بعمل شغل وحاجات من ديت، آه اديني سعر ناخد كاش
المهندس منسي : عنيا حاضر
العميل : إنت عارف ممكن آخد منك 5 ـ6 مكنات وأركنهم عبال ما يتصرفوا وكده
المهندس منسي : إنت هتخدم خدمة ما بعد البيع؟
العميل : نعم..؟؟
المهندس منسي : هتتحمل خدمة ما بعد البيع؟
العميل : يا باشا سيبها على الله، إحنا إذا كان مضبوط ما بنخافش منه، واخد بالك يعني اللي أنا واخده من عند شادي…
المهندس منسي : يا بيه إنت بتتكلم في إيه، إنت بتتكلم في المهندس منسي
العميل : يا باشا…
المهندس منسي : أنا عندي فرع بيبيع المكن في الصين، وعندي فرع بيبيع المكن في هونج كونج، وعندنا 7 فروع في جمهورية مصر العربية
العميل : يا باش مهندس شرف ليا كبير قوي إن أنا أتعامل معاك
المهندس منسي : الله يبارلك.. الله يبارلك
العميل : بس إنت طبعاً شوكتك أغلى من شوكة
المهندس منسي : يا عمي إنت بكره يعني المهندس منسي كان بدايته إيه؟؟ كان بدايته بياخد مكنتين من عند القاضي ويبيعهم، يعني….
العميل : ده تواضع منك برده
المهندس منسي : الله يبارلك ده شرف
العميل : ربنا يخليك إنت بس أقف جنبنا وأنا هجيبلك شغل كويس في الشرقية والله، ماشي
المهندس منسي : عنينا يا غالي عنينا
العميل : لأنه مافيش حد في الشرقية إلا العبد لله برده، مدحت عوض واخد بالك، توزيع وصيانة وكده، ماشي وأنا كنت بجيب من….
المهندس منسي : تقطيع وصيانة؟؟؟
العميل : آه والله، ماشي وطبعاً المكن ده لما شفته اللي هوه جديد في الميكانيكا الحديثة ديت عجبني خالص
المهندس منسي : آه…
العميل : واخد بالك… فقلنا نتعامل معاك…
المهندس منسي : آه.. عندك حاجة النموذج القديم؟
العميل : عندي والله، عندي كتير
المهندس منسي : عندك مستعمل
العميل : مستعمل عند ناس مش عندي أنا، واخد بالك بعدله أنا على البلتة الحديثة دي، اللي هو العمود نازل بطول المكنة من تحت واخد بالك، ومعمول عليه 4 بلتات كده، جميلة.. جميلة
المهندس منسي : لا يا عم ده إنت كده مش مورد ده كده أستاذنا….
العميل : لا عيب عليك يا باش مهندس
المهندس منسي : لا تحت أمرك يا عم مدحت
العميل : ربنا يخليك، آه لو إحتاجنا منك الشاشة بقى يا باش مهندس منسي…
المهندس منسي : آه طبعاً موجودة
العميل : الشاشة لوحدها الدرايف لوحده والفيدر لوحده
المهندس منسي : ده أنا كلي تحت أمرك
العميل : الحاجات ديت بالنسبة للكرفاتات برده
المهندس منسي : آه… عندنا كل قطع الغيار آه كلها موجودة عندنا
العميل : طيب عايزين حد يقابلنا النهاردة الجمعة وللأسف إحنا سافرنا وكنت جاي آخد بساتم هوا وحاجات زي كده، وقلنا نعدي على الباش مهندس نجيب منه مكنة…
ما هوه أنا الوحيد اللي هتلاقيني بنزل النهاردة همه كلهم أجازة، إنما هبعتلك دلوقتي عم حامد هوه الوحيد اللي ممكن ينزلك النهاردة، الباقي بقى هيقعد يقولك مش المهندس منسي : النهاردة أجازة.. إنما عم حامد ممكن ينزلك النهاردة
العميل : طب شوف حد كده وإحنا هنراضيه برده
المهندس منسي : إنما أنا باجي على الساعة 5
العميل : لا 5 بعيد خالص
المهندس منسي : أقربلك المسافة شويه وتراضيني
العميل : يا باشا أنا عينيا ليك أنا أتمنى إني أنا أشوفك بس
المهندس منسي : الله يبارلك يا غالي…
العميل : والله
المهندس منسي : طب استنا خليك معايا كده أشوف…
العميل : طب ماشي…
المهندس منسي : نفس الأسعار اللي حضرتك هتشوفها مع خصم 10%
العميل : باش مهندس منسي أنا عايز أقولك أنا مدحت عوض ماشي، أنا عايزك إنت ماشي وهنساعد بعض
المهندس منسي : عيني يا عم عوض
العميل : أنا على فكرة مش كبير في السن ولا حاجة، أنا 37 سنة واخد بالك والدنيا كده إيه ضبطت معايا، إحنا يعني تضبط، فالباش مهندس منسي رقمه معايا بقالي فترة، والله أقسم بالله ماشي، ما خلعت إيدي من شادي إلا لما لقيته هوه نزع نفسه مني، قالي أنا معنديش مكن حالياً قلتله طب أنا في موسم وعايز شغل وكده
المهندس منسي : آه.. لا تحت أمرك
العميل : ماشي.. فأنا مش هقصر معاك والله
المهندس منسي : هوه 10% وحش؟؟؟!!!
العميل : ما هوه 10% دي ممكن تعملها مع عميل جاي ياخد مكنة
المهندس منسي : لا استحالة.. ابعت عميل كده وشوف، إحنا أسعارنا نهائية دايماً، وشغالين ببونص وشغالين بكل حاجة، نجرب بعض…
العميل : معلش أنا راجل ريفي يعني بس معرفش أتكلم زي حضرتك يعني
المهندس منسي : أنا جنبك من ميت غمر
العميل : لا والله من ميت غمر
المهندس منسي : آه
العميل : طب يا عم اللهم صلي على النبي ده أنا كده سعيد خالص والله
المهندس منسي : آه ده أنا من بلد جنبك اسمها ميت مسعود تبع ميت غمر
العميل : بس من ميت غمر نفسيها يعني؟
المهندس منسي : لأ من قرية ريفية اسمها ميت مسعود
العميل : آه.. آه… أنا حسيت من أسلوبك معايا إنك زينا يعني
المهندس منسي : آه… آه…
العميل : يعني مش رجل مدينة يعني وعايش الزهوة وحوارات وكده
المهندس منسي : وولادي ولاد مدينة
العميل : ولادي برده عايز أعملهم كده، بس يبقوا زيي برده في يعني يبقى ولاد أصول يعني
المهندس منسي : خليهم ولاد ريف أحسن
العميل : والله إحنا عايزنهم يعرفوا ربنا وخلاص
المهندس منسي : هوه أهم حاجة يبقوا ولاد أصول
العميل : أيوه فعلاً
المهندس منسي : إنما خليهم ولاد ريف أحسن
العميل : ما هوه اللي بيسألني يقولي إنت من أبو كبير أقوله أنا من أبو كبير ومش مستعر من كده يعني بتقولي هنحسبها إيه؟
المهندس منسي : هنحسبلك في البداية 10% إن شاء الله
العميل : يا باشا أنا فعلاً واخد المكنة ديت لزبون بس…
المهندس منسي : وحد الله…
العميل : بس المكن اللي هاجي أشيله بعد كده يهركب يعني ده موسم اللي جاي ده مش هيكمل يعني
المهندس منسي : ما أنا جايلك أهوه، يا هنتعرف على بعض ونجرب بعض وإن شاء الله تبقى موزع محترم وتبقى سايد في السوق، وإن شاء الله هتبقى رقم واحد في السوق إنت عارف يا عم مدحت يعلم ربنا 80% من مبيعاتنا لمنافسينا، الحمد لله وبفضل من عنده، اسأل من ورايا كده وقولهم إيه الوضع إيه… ودنيته إيه
العميل : إنت راجل محترم، ربنا يعزك ويبارك فيك
المهندس منسي : الحمد لله وبفضل من ربنا
العميل : أنا عايز أعرف سعر الشاشة، هكتبها معايا في النوته أهوه، سعر الشاشة بالـ بي إل سي بتاعها، وبيبقى بينزل عليها البرنامج طبعاً
المهندس منسي : آه….أديلك سعر زبون ولا سعر موزع؟
العميل : باش مهندس منسي أبوس على إيدك….
المهندس منسي : ما أنا جايلك أهوه أديلك سعر الزبون وإنت على خصم 10%، يعني إنت تعمل موزع مع نفسك، يعني تبقى عارف سعر الزبون كذا
العميل : طيب الكرافته بداية من 16سم لحد 38 سم تعملها في حدود ألف كده يعني
دي الكرافته…. يا راجل…
المهندس منسي : الكرافته أنهي، ما هي كرافته دي في سايد وفي سنتر فيلينج وفي فور سايز، أنهي كرافته تقصدها؟
العميل : أنا عايز التيوب اللي بيركب على المكنة الصيني دي اللي هوه القمع ده
المهندس منسي : آه… ده أنا أعرفك على واحد يعملهولك بسعر رخيص قوي
العميل : بس مش هتيجي زي اللي جايه من الصين
المهندس منسي : آه…
العميل : أنا اللي بجيبها من شادي واخد بالك الله الوكيل العيل الصغير يحط الكرافته المكنة مافيش خلفي سحب ولا شمال ولا يمين ولا بره، مافيش ولا أي حاجة خالص
المهندس منسي : آه.. أصل هوه كل مقاس هتلاقيه بسعر، فإنت إيه مش متذكر دلوقتي الأسعار….
العميل : أنا عارف كتير…
المهندس منسي : آه…
العميل : بس أكيد إنت عارف سعر الشاشة واخد بالك…
المهندس منسي : آه.. سعرها
العميل : ماشي وشيل 10% يعني قول مثلاً 350 جنيه ، يعني 3000 مثلاً
المهندس منسي : يعني 3150
العميل : الـ يا باشا
المهندس منسي : ما هوه إحنا شركة مش فرد، يعني مش تاجر، يعني إحنا شركة هتلاقينا عندنا قائمة أسعار مش في مصر، خصم كذا في المية….
العميل : والله يا باش مهندس منسي واخد بالك إنت هتجربني ومن خلال التعامل هتبقيلي فلوس معايا خالص
المهندس منسي : أهي الوحيدة اللي مش هقدر أعملها
العميل : وأنا مش عايزك تعملها أنا فلوسي حاضرة
المهندس منسي : لأ مش على فلوسك إحنا نظامنا مع الدنيا كلها، مع أي حد، يعني أحلفلك بالله يعلم ربنا مرجع مستورد عشان 500 جنيه، يعمل ربنا رجع
العميل : مبدئكم فلوس يعني
المهندس منسي : لأ مبدئنا كاش، وعمل إن هوه آل إيه زعلان مننا مش هيشتري مننا تاني، وفي الآخر بعت واحد يشتري بالنيابة عنه، ما إنت كده الخسران، ما هوه خسران العمولة
العميل : آه.. طب المعارض بتاعتك فين، المكتب كده شكله شقة ومقابلة عميل بس، لكن أنا عايز أتفرج وأشوف عندك إيه تاني
المهندس منسي : إحنا عندنا حدائق القبة، مدينة نصر هبعتلك الـ 2 في رسالة حالاً
العميل : ماشي إدينا رقم صاحبنا ده أشوفه…
المهندس منسي : هبعتلك رقمه في رسالة حالاً علي الواتس برضوا
العميل : طيب ماشي
المهندس منسي : ماشي يا غالي
العميل : ماشي اتفضل يا باش مهندس سلام عليكم