ماكينة تعبئة وتغليف الكوفي ميكس من شركة المهندس منسي

ماكينة تعبئة وتغليف الكوفي ميكس من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس منسي معايا

مهندس منسي : أيوه

العميل : أنا بكلمك من إسكندرية

مهندس منسي : أهلاً وسهلاً اتفضل

العميل : الله يخليك، باش مهندس أنا كنت واخد مكنة من عندكم من فترة جامدة على أساس إن هي بتعمل بدرة، طلعت المكنة بعد…. الكوفي مكس خفيفة قوي زي الدقيق كده

مهندس منسي : آه….

العميل : فأنا جيت المكنة طلعت مش هي المكنة

مهندس منسي : لأ هي مش عملية مش هي، ما هو أنا بصيت على الحاجة لقيت الخامة نفسها عايزة تتغير، إنت جايب خامة تقيلة علشان خاطر تشتغل الخامة دي عايزه تبقى خفيفة

العميل : أنا جيبت الخامة قبل ما أعملها…

مهندس منسي : مافيش حاجة اسمها أنا جبت الخامة قبل ما أعملها، اللي بيبعلك ده بيبعلك مكنة مش بيبيع خامة، فلازم يمسك التكنيك، يعني بتوع الخامة غير بتوع المكنة

العميل : ماشي المشكلة دي المكنة…

مهندس منسي : ولا حاجة ما تغير الخامة يا بيه، غير الخامة، ولو الخامة مش مضبوطة رجع المكنة، أنا مش بهرب منك

العميل : لا ما هو أنا جيه الباش مهندس مصطفى مرتين عندي وجيبت 2 تاني من عند حضرتك….

مهندس منسي : يا سيدي أنا بقول لحضرتك أهوه، غير الخامة

العميل : ما هو أنا غيرت الخامة، وخدت الخامة بتاعتي شغلتها على مكنة تانية اشتغلت، المشكلة مش في الخامة، الخامة على المكنة بتشتغل، تيجي تحط البودرة المكنة بتقفل على البدرة

مهندس منسي : آه.. هوه مين اللي جالك؟

العميل : جولي 4 أنفار لحد دلوقتي، قالولي مش هي دي المكنة، أنا قعدت…

مهندس منسي : ولا حاجة نبص على المكنة ونشوفها ومن العين دي قبل العين دي حاضر

العميل : ده أنا بقالي النهاردة 7 ـ 8 شهور، جه بص على المكنة غيرنا… قالي ده عيب كرافته، جيبت كرافتتين طلع في الآخر مش هي دي بتاعتها خالص

مهندس منسي : طب مين…. مصطفى، الـ 4 مش فاكر أساميهم؟

العميل : لأ باش مهندس مصطفى جالي مرتين، هوه عارف القصة كلها

مهندس منسي : طب أنا هقعد مع مصطفى وأشوف الموضوع ده، طب مافيش حد غير مصطفى؟

العميل : أنا مش فاكر، في واحد اسمه محمد وأحمد تبع السوري جالي كذا واحد وقالولي مش هي دي المكنة

مهندس منسي : طب إنت مقتنع بمين فيهم؟

العميل : كلهم قالولي مش هي دي المكنة

مهندس منسي : طب خلاص أنا هكلم مصطفى… مين اللي طلعهالك على أساس إن هي دي المكنة؟

العميل : أ/ زكريا طلعهالي على أساس هي دي المكنة، لما رحت لزكريا القاهرة قلتله إنت أعطتهالي ليه لما إنت عارف مش هي دي الخامة، قالي أنا ورتها للباش مهندس منسي قالي هي دي، قالي أنا ما أعرفش إنك هتعمل البدرة دي خفيفة، قلتله إزاي ده أنا جايبلك البودرة وجايبلك…

مهندس منسي : من العين دي قبل العين دي ما تقلقش خالص

العميل : النهاردة شهرين و3 شهور قالي المكنة جايه من الصين، وأنا كلمت الباش مهندس منسي قالي جايبهالك في الكونتر اللي جاي

مهندس منسي : آه والكونتر واقف، وماحدش كلمني وما أعرفش الموضوع ده إلا من حضرتك دلوقتي

العميل : ما تعرفش الموضوع غير من حضرتي دلوقتي؟

مهندس منسي : آه

العميل : ده قالي ده أنا متابع… كل شويه أقوله ما كلمتش الباش مهندس منسي، قالي حاضر

مهندس منسي : أنا هراجع معاهم وأشوف الموضوع ده إزاي بيتكلموا على إيه، حاضر

العميل : طيب يا باش مهندس

مهندس منسي : ماشي يا غالي، هراجع الموضوع ده حاضر وهشوف إزاي يتكلموا على اسمي

العميل : أنا مش سامع عشان مافيش شبكة

مهندس منسي : ماشي هشوفلك الموضوع ده حاضر

العميل : ماشي يا باش مهندس