ماكينة تعبئة وتغليف السكر والرز الواحد كيلو من شركة المهندس منسي

ماكينة تعبئة وتغليف السكر والرز الواحد كيلو من شركة المهندس منسي

العميل : الباش مهندس أحمد حسن

المهندس منسي : المهندس منسي معاك

العميل : يا أهلاً وسهلاً يا باش مهندس إزي صحتك

المهندس منسي : الحمد لله

العميل : ربنا يخليك يا باش مهندس، أنا كنت بسأل على ماكينة تعبئة وتغليف السكر والرز الواحد كيلو، فلقيت حضرتك حاطط عليها سعر

المهندس منسي : آه نزلنا

العميل : تمام.. طب معلش سؤال بقى من واحد طبعاً أنا ما عنديش معلومات زي حضرتك، الفرق ما بينها وبين ماكينات تشغيل تانية حاطين عليها أسعار قليلة، إيه القدرة الإنتاجية.. إيه الفرق عنها؟ المكن التغليف… أصل أنا شفت في مكن تعبئة برده عامله 85 و 90 الفرق…

المهندس منسي : عندنا إحنا؟

العميل : لا مش عند حضرتك، فحضرتك مميز جداً أو فارق في …

المهندس منسي : أنا مميز في كل حاجة، يعني مميز في …

العميل : ما شاء الله

المهندس منسي : لا صدقني، طب هقول لحضرتك على حاجة، يعني أنا رحت عرضت في قلب الصين

العميل : تمام

المهندس منسي : اكتب كده المهندس منسي في الصين

العميل : تمام

المهندس منسي : فمعنى كده إن أنا… يعني رايح أنافس في الصين، هوه في حد بينافس في الصين؟؟

العميل : الله أكبر ما شاء الله، دي صناعتك إنت يا باش مهندس صح؟ ده شغل حضرتك؟

المهندس منسي : آه طبعاً ده ديزانتنا، وتصميمنا، والـ بي إل سي بتاع المهندس منسي، يعني مش بي إل سي جايبه بتاع شنيجر ولا فليبس ولا إل جي، قلت أنا شنيجر مش أحسن مني، عملت بي إل سي مخصوص ليا أنا، والستوبر بتاعي أنا، بتاع شركتنا يعني، وكل حاجة ماركتنا إحنا، بتاعتنا إحنا، يعني معناها اللي هيحتاج حاجة هيجيلك التكنيكال هيبقى فاهم في الـ بي إل سي، هيخش على الـ بي إل سي بالنسبة له هيبقى سهل جداً لأنه 12 أوبشن بس مش 0 أوبشن

العميل : تمام… تفرق كتير طبعاً.. تمام

المهندس منسي : آه.. آه.. فهنا النهاردة اللي جاي فاهم بيعمل إيه، التكنيكال على أد ما هو بسيط المعلومة ولكن هيخش على المكنة مهندس فيها، هيبقى فاهم بيعمل إيه، وحضرتك براهن عليك في خلال 6 أشهر تبقى مهندس مكنتك

العميل : يا راجل، إنت كده بترفع من روحي المعنوية يا باش مهندس في ظل الواحد نفسيته…

المهندس منسي : لا هي دي البساطة، إنك تبسط الأشياء، إن أنا ببسط الدنيا يعني معناها إن بدي الحاجة بسيطة وسهلة للناس عشان الناس تبدأ تشتغل، مش أبدأ أمصمص في دمه

العميل : آه هي الفكرة والله إن أنا عايز أبدأ كويس وأنا مش عاوز أبدأ إن أنا ألحم يدوي والكلام ده كله، أنا عايز أعمل حاجة محترمة تبقى كويسة عشان تبقى نقطة بداية بالنسبة لي، فأنا قلت إن أنا أبدأ بجودة كويسة

المهندس منسي : لا تحت أمرك

العميل : ربنا يبارك في عمرك، طب على سعر الدولار إيه يا باش مهندس، ولا على حسب اليوم اللي…

المهندس منسي : سعر 12.5

العميل : تمام يا باش مهندس، أضرب 12.5 ×

المهندس منسي : آه

العميل : تمام يا باش مهندس، هي متوفرة يا باش مهندس أول ما نسدد الفلوس نرفعها

المهندس منسي : آه.. آه.. موجودة بضاعة حاضرة

العميل : متشكر جداً أنا آسف تعبت حضرتك جداً معايا

المهندس منسي : لا ولا يهمك يا غالي

العميل : معلش يا باش مهندس حضرتك فين في باب الشعرية؟

المهندس منسي : هبعتلك العنوان في رسالة حالاً

العميل : متشكر جداً يا باش مهندس، ألف شكر

المهندس منسي : العفو، مع السلامة

العميل : سلام عليكم