ماكينة تعبئة رز نص اتوماتيك من شركة المهندس منسى
ماكينة تعبئة رز نص اتوماتيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: عاوزين نستفسر عن مكنة تعبئة الرز، وتعمل أوزان كام…
المهندس منسى: عايز تستفسر عن إيه؟
العميل: عن مكنة تعبئة الأرز
المهندس منسى: آه
العميل: سعتها كام؟ وسعرها…
المهندس منسى: نعم؟؟
العميل: سعتها كام؟؟؟ يعني مثلاً بتاخد رز أد إيه وبتغلف مثلاً رز أد إيه؟
المهندس منسى: مش فاهم بتغلف رز عادي؟
العميل: يعني بتغلف أد إيه مثلاً في الساعة؟
المهندس منسى: آه في حدود… إنت عايز نص أتوماتيك ولا أتوماتيك؟
العميل: لا عايز نص أتوماتيك
المهندس منسى: تعمل في حدود 800-900 كيلو في الساعة لغاية طن، حسب شطارة اللي واقف عليها
العميل: طيب بتستهلك كهربا كتير ولا…
المهندس منسى: نعم؟؟؟
العميل: استهلاك الكهربا
المهندس منسى: آه الكهربا كهربا البيوت العادية
العميل: 220 فولت
المهندس منسى: آه عادي آه
العميل: طيب سعرها كام؟
المهندس منسى: ، يعني
العميل: طيب مين بيقوم بالتركيب بتاعها بقى؟
المهندس منسى: إحنا بنركبها لك وبنعملك كل حاجة، إحنا بنسلمك كل حاجة وبندربك عليها وبنعلمك إزاي تشغلها، العملية بسيطة قوي ما تشغلش بالك، سهلة
العميل: بقولك تحتاج مكان أد إيه مثلاً
المهندس منسى: هي نفسها متر × متر × ارتفاع 1.25 متر
العميل: يعني أد مكتب كده
المهندس منسى: أد المكتب اللي كنا بنذاكر عليه وإحنا طلبة
العميل: يعني العنوان اللي على الموقع..
المهندس منسى: آه العنوان بتاعنا هبعتهولك في رسالة،يستحسن لو جيت شرفتنا بالزيارة اتفرجت عليها على الطبيعة، ليه؟؟؟ لأنه الفرجة على الطبيعة أفضل مليون مرة من الكلام عن بعد
العميل: أيوه ماشي أنا عاوز آجي، إنت دلوقتي العنوان اللي هوه باب الشعرية
المهندس منسى: آه إحنا عندنا حدائق القبة، مدينة نصر، باب الشعرية، 6 أكتوبر
العميل: آه… يعني هوه ده مشروع أنا بعمله يعني هوه ممكن يبقى كويس
المهندس منسى: نعم؟؟؟
العميل: بقولك ده مشروع بعمله يبقى كويس ولا ؟؟؟
المهندس منسى: هوه كويس أي حد النهاردة بيشتغل يبقى كويس، النهاردة الناس مش عايزه تشتغل، إنما لو اشتغلت وعبيت ونزلت بما يرضي الله، أهم حاجة إنك تنزل حاجتك بما يرضي الله، هتلاقي نفسك يوم عن يوم بتتقدم
العميل: يعني تمام اتوكل على الله
المهندس منسى: ان شاء الله
العميل: طيب على العموم أنا هاجي على العنوان ده خلال يومين 3 كده هكون عندك
المهندس منسى: إن شاء الله
العميل: هبعتلك تليفون المبيعات في رسالة وإنت تابع معاهم
المهندس منسى: يا ريت وماله ابعتهولي على رسالة ماشي
العميل: ماشي مع السلامة