ماكينة تعبئة و تغليف أكياس المبيدات الحشرية من شركة الهندس منسي

ماكينة تعبئة و تغليف أكياس المبيدات الحشرية من شركة الهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : أيوه

العميل : معاك وائل احمد من شركة المتحدة

مهندس منسي : أهلاً بيك

العميل : أهلاً بيك يا فندم، كنت بسأل بس على خط إنتاج مبيدات حشرية

مهندس منسي : خط إنتاج زي إيه؟

العميل : لأ هي المعلومة اللي جايالي كده، خط إنتاج مبيدات حشرية

مهندس منسي : خط إنتاج مبيدات حشرية دوت مثلاً في أكياس، في عبوات، مش عارف إيه؟؟؟ عايزين إيه فيه؟

العميل : تعبئة ماشي

مهندس منسي : يعني عايزين إيه فيه؟؟ إيه الوحدات اللي عايزنها فيه؟؟؟ ما هو خط إنتاج دوت عبارة عن مجموعة ماكينات، مش مكنة واحدة، كلمة خط إنتاج يعني مجموعة ماكينات، يعني عايزين إيه في خط الإنتاج؟

العميل : طب أسأله على إيه بالضبط عشان خاطر يبقى المعلومة كاملة؟

مهندس منسي : إيه المكن بالتحديد؟ خط إنتاج مبيدات حشرية، إيه المكن اللي محتاجينه بالتحديد، ولا همه عايزين من أول الخلطة، إيه المبيد نفسه؟

العميل : مش عارف إيه المبيد صراحة

مهندس منسي : آه… هوه جاب كلمة وقالك اسأل عليها

العميل : آه قال الكلمة وقالي اسأل عليها آه ما وضحهاش يعني

مهندس منسي : ماشي يا غالي

العميل : أبلغه بإيه؟

مهندس منسي : قوله بس المبيد نفسه إيه سائل ولا بودرة ولا شكله إيه؟ حبيبات، الشكل الطبيعي بتاعه إيه؟ وهيعبيه في أكياس ولا عبوات؟ وعايزه نص أتوماتيك ولا أتوماتيك كامل؟

العميل : ماشي… تمام، في حاجة تانية أسأله عليها ولا دول بس؟

مهندس منسي : استفتح بدول وبعد كده ربنا يسهل

العميل : طيب يا مسهل الحال، خلاص ماشي شكراً، مع السلامة