ماكينات تعبئة السكر من شركة المهندس منسي
ماكينات تعبئة السكر من شركة المهندس منسي
العميل : سلام عليكم
المهندس منسي :عليكم السلام ورحمة الله وبركاته
العميل : ألو..إزيك يا باش مهندس
المهندس منسي :أهلاً بيك
العميل : الباش مهندس منسي
المهندس منسي :أيوه
العميل : اتشرفنا بحضرتك يا باش مهندس
المهندس منسي :الله يباركلك
العميل : سعيد معاك
المهندس منسي :أهلاً وسهلاً
العميل : حبيب قلبي عايز أسأل حضرتك على ماكينات تعبئة السكر
المهندس منسي :آه
العميل : أقصى طاقة إنتاجية كام حضرتك عندك؟
المهندس منسي :هي العملية مش أقصى طاقة إنتاجية لسبب بسيط، لأن المكنة بتبدأ من ماتور، الماتور ده بـ 1440 لفة، فإنت هتعدله لغاية ما يوصل لكام، عادي ممكن أوصلهالك لغاية 1440 لفة في الدقيقة، بس المشكلة بتكمن في الكيس نفسه اللي إنت هتلحمه
العميل : آه…
المهندس منسي :هو إنت عايز أرقام وبس ولا الكيس نفسه…
العميل : لأ أنا عايز طاقة إنتاجية، أنا محتاج بمعدل 5 طن في الساعة
المهندس منسي : 5طن في الساعة يلزمك مكنتين عشان يبقى إنت شغال مضبوط
العميل : آه…
المهندس منسي :يبقى إنت شغال بحرية، المكنة لو أنا زودتلك السرعة على الآخر ممكن أخليهالك تعمل لغاية 5000 في الساعة، ولكن ولا كيس هيطلع ملحوم، فهمتني
العميل : تمام…
المهندس منسي :بص في معادلات بتترتب على بعضها في الآخر تديلك نتيجة
العميل : تمام..
المهندس منسي :يعني المفروض حرارة + لحام كيس = إنتاجية في الساعة
العميل : تمام…
المهندس منسي :هوه اللي بيوقف الإنتاجية إيه؟؟ خامة الكيس
العميل : تمام يا باشا
المهندس منسي :مش المكنة، المكنة عندها استعداد تعملك 120 كيس في الساعة، في الدقيقة سوري، طب ما هو الأكياس هتتلحم على 120 كيس في الدقيقة، يعني معناه إن الكيس هيتلحم في نص ثانية
فهي العملية الطاقة الإنتاجية المعقولة في الكيلو المفروض تكون 2500 كيس في الساعة
العميل : تمام حضرتك، بكام الطاقة دي….
المهندس منسي :يعني دلوقتي عربيتك مثلاً لسه راكبها بتلاقي العداد 240 كيلو في الساعة
العميل : تمام…
المهندس منسي :هل إنت قادر تمشي على 220 ولا 240؟؟؟ ما هو في الآخر هتروح فين في العربية؟
العميل : لأ طبعاً مش هقدر
المهندس منسي :زيادة مساطر زيادة… زيادة…
العميل : طيب الـ 2500 كيس في الساعة دي تمنها كام دي حضرتك
المهندس منسي : 6
العميل : تعمل كام بالمصري؟
المهندس منسي :أنا بدور أهو على آلة حاسبة عشان أحسبهالك 550
العميل : دي صناعة إيه حضرتك؟
المهندس منسي :لا دي ماركة، ماركة، مش تجارة، إحنا مش تجار، إحنا مصنعين، يعني إحنا بنعمل إيه بنصنع قطع الغيار بره وات إيفر، في أي بلد في العالم، ما تفرقش معانا، وبعد كده بنجمع المكن عندنا هنا في مصر
العميل : أصل أنا حد قالي إن حضرتك اللي بتصنع، فحضرتك قولتلي مستوردة
المهندس منسي :ما هو مستوردة عشان قطع الغيار النهاردة السياسة العالمية الجديدة في التصنيع، شوف صلي على النبي هي العملية إيه في نوعين 2 من الشغل، في ناس تصنع الاسبير بارت بره وتجمعه هنا في مصر، وفي ناس تروح تشتري من الصين وتانها جايه تبيع، فهمتني إزاي ودول الغالبية العظمى
العميل : تمام
المهندس منسي :فإحنا خدنا السياسة بتاعتنا إن إحنا بنصنع قطع الغيار بره مصر، زي إتش بي، زي إل جي، والسامسونج…. كل دول الماركات اللي إنت حضرتك شايفها
العميل : آه
المهندس منسي :إحنا مسئولين عن قطع الغيار اللي إحنا عملناها، ومسئولين عن البرنامج الكهربي اللي إحنا عملناه، ومسئولين عن شاشة الكمبيوتر اللي إحنا عملناها، فهمتني إزاي
العميل : تمام
المهندس منسي :هتبص تلاقي المكن بتاعنا الصغير والكبير والنص أتوماتيك والأتوماتيك شاشة واحدة، بي إل سي واحدة
العميل : تمام
المهندس منسي :يبقى إحنا النهاردة تفوقنا في التكنيكال، هتلاقي عندنا تكنيكال مضبوط
العميل : تمام.. طب حضرتك عقد الصيانة أد إيه؟
المهندس منسي :سنة ضد عيوب الصناعة، و 10 سنين توفير قطع الغيار لحساب العميل
العميل : تمام واضح حضرتك، تمام، طب المعدات جاهزة ولا لسه هيتم تجميعها؟
المهندس منسي :لأ عادي هوه الحمد لله وبفضل من ربنا…
العميل : يعني هي موجودة ولا لاء حضرتك
المهندس منسي :يعني عادي ممكن تكون بضاعة حاضرة وممكن يكون مافيش في المخزن، أنا مش عارف قرار حضرتك بالنسبة للشرا إمتى، لو النهاردة تعالى خدها دلوقتي
العميل ::تمام يا فندم
المهندس منسي :ممكن يجي بكرة يبقى في أوفر ستوك عندنا مثلاً 6 مكنات ممكن ربنا ييسرلنا بكره يجي حد يتعاقد على الـ 6 فهمتني
العميل : واضح حضرتك، المكان فين يا فندم؟
المهندس منسي :إحنا عندنا حدائق القبة، مدينة نصر، باب الشعرية
العميل : تمام يا معالي الباشا، لو محتاجين نعاين على الطبيعة ننزل فين حضرتك؟
المهندس منسي :وات إيفر أي مكان من الـ 3 إن شاء الله هتلاقي
العميل : تمام يا باش مهندس، أحدد وإن شاء الله هيبقى بينا اتصال بإذن الله
المهندس منسي :إن شاء الله
العميل : شكراً لمعاليك، شكراً لحضرتك، شكراً جزيلاً، سلام عليكم
المهندس منسي :عليكم السلام ورحمة الله وبركاته
العميل : اتفضل حضرتك اتفضل