ماكينات تعبئة السكر فى اكياس من شركة المهندس منسى

ماكينات تعبئة السكر فى اكياس من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: إزيك يا باش مهندس

المهندس منسى: أهلاً بيك

العميل: معاك صلاح يا باشا من بني سويف، إزي حضرتك

المهندس منسى: الحمد لله

العميل: الله يخليك، والله أنا بسأل على أسعار المكن بتاعت تعبئة السكر بتاع التموين، فأقل حاجة بكام حضرتك؟

المهندس منسى: أقل حاجة في مكنة نص أتوماتيك عامله 0جنيه، يعني

العميل: لا خلينا في المصري، 0 مصري

المهندس منسى: آه

العميل: دي حضرتك معلش مميزاتها إيه؟ يعني إيه اللي ناقص فيها عن الأتوماتيك؟

المهندس منسى: آه ما هوه قصدك مواصفاتها إيه مش مميزاتها إيه؟

العميل: ماشي…

المهندس منسى: هي بتعبيلك وزنية

العميل: يعني مثلاً بتعبي أد إيه في الساعة مثلاً؟

المهندس منسى: من 800 ـ لغاية حسب كفاءة اللي واقف عليها

العميل: آه… يعني قصدك في تدخل من اللي واقف عليها، يعني هيعمل حاجة؟

المهندس منسى: هوه إنت مش بتتكلم في نص أتوماتيك؟

العميل: نص دي يعني بتعبي ما بتلحمش مثلاً ولا إيه؟

المهندس منسى: آه… بتعبي وما بتلحمش، أما لو عايز تعبي وتلحم في نفس الوقت وكل حاجة يبقى دي أتوماتيك كاملة

العميل: طيب خلينا في الأتوماتيك الكاملة تعملها مثلاً كحد أدنى أد إيه؟

المهندس منسى: حد أدنى إيه في يعني؟

العميل: آه

المهندس منسى: مافيش حد أدنى، هي سعرها 6، يعني 0 جنيه مصري

العميل: طيب هوه الحاجات دي متوفرة مثلاً ولا….

المهندس منسى: آه بضاعة حاضرة آه

العميل: آه… طب ودي حاجة معلش الكواليتي بتاعته كويس يعني حاجة كويسة يعني…

المهندس منسى: إحنا ماركة، الكلام ده يزعلنا، لأن إحنا ماركة وللأسف ولاد بلدنا اللي مش عارفنا، إنما إحنا معروفين بره أكتر من مصر، إحنا ماركة

العميل: لا متأسف أنا أول مرة أعرف….

المهندس منسى: لا ولا يهمك، إحنا ماركة، يعني محافظين على اسمنا دلوقتي بقالنا 10 سنين في السوق واسمنا زي البرلاند

العميل: ما شاء الله، ده حاجة عظيمة جداً، طب حضرتك معلش يعني البضاعة كاش ولا في إمكانية تقسيط والكلام ده؟

المهندس منسى: كله نقدي، إحنا بنصنع لحسابنا بره مصر وبنجمع، فهوه إنت عارف أزمة الدولار اليومين دول، خلي بالك الأسعار اللي قولتهالك دي احتمال تزيد بعد العيد

العميل: صحيح… طب دي بالنسبة للي هي أم 0 دي بتعمل مثلاً، دي كويسة بالنسبة في الساعة تعمل أكتر من طن ونص مثلاً

المهندس منسى: دي تعملها 3 ـ 4 طن في الساعة

العميل: ما شاء الله، طيب هايل والله، يعني هوه واحد واقف بس بيكب الشكاير مثلاً ويعبي، وواحد واقف مثلاً بيشيل الأكياس

المهندس منسى: مضبوط كده

العميل: طب….

المهندس منسى: ممكن تخلي الحاجات دي أتوماتيك، ممكن تخلي السير يكب فيها أتوماتيك، وسير تاني ياخد من وراها أتوماتيك برده

العميل: طب ممتاز، طيب يعني قصد حضرتك إن شوال السكر مثلاً اللي هوه الخيش يعني تقطعله الشوال بس وهوه يكب ولا إيه بالضبط؟

المهندس منسى: آه.. آه ممكن تخليه يكب كمان.. كل دي إماكنيات …..

العميل: تمام… لا أنا بتكلم على أم 0 دي ممكن يبقى فيها الخاصية ديت؟

المهندس منسى: لا.. لا دي إضافات بنزودهالك بالطلب

العميل: آه… طب على كل إحنا خلينا مش مشكلة يعني، مش معقولة هيبقى في حد برده بيشتغل ما يجراش حاجة، يبقى 0 جنيه

المهندس منسى: ماشي

العميل: ماشي معاليك، طب حضرتك لما نحب نيجي مثلاً المقر فين؟

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر، والعبور

العميل: 6 أكتوبر أقرب حاجة ليا أنا بالنسبة لبني سويف

المهندس منسى: آه.. هبعتلك باب الشعرية ولا 6 أكتوبر ولا غمرة ولا إيه بالضبط

العميل: لا على حسب أنا هسجل هنا حضرتك… هوه حضرتك المهندس منسي؟

المهندس منسى: آه

العميل: ماشي يا فندم،هكلم حضرتك إن شاء الله بعد كام يوم هضبط أموري مع الجماعة بس أصل أنا لسه بخلص إجراءات اللي هوه… إحنا عملنا البطاقة الضريبية والسجل والكلام ده وبنخلص اللي التعاقد مع الشركة بتاعت التموين اللي هي بناخد منها السكر ونوديه لبتوع التموين

المهندس منسى: ماشي يا غالي

العميل: واخد بال حضرتك، فأنا بس أشوف بس أضبط الحاجة دي وخلصنا إن شاء الله هكلم حضرتك وناخد المكنة بمشيئة الله

المهندس منسى: ماشي يا غالي

العميل: شكراً جزيلاً يا باشا

المهندس منسى: اتفضل حضرتك، سلام عليكم

العميل: عليكم السلام ورحمة الله وبركاته