ماكينة تعبئة الملح الاتوماتيكية من شركة المهندس منسي
ماكينة تعبئة الملح الاتوماتيكية من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أهلاً بيك مين معايا
العميل : الله يخليك معاك محمد بسيوني من المنيا
المهندس منسي : أهلاً وسهلاً
العميل : والله كنا على النت لقيت حضرتك في مكن التعبئة، فإحنا عايزين مكنة تعبي ملح الطعام
المهندس منسي : آه.. ماشي
العميل : طب مكان حضرتك فين والمكنة عامله كام؟
المهندس منسي : إحنا مكانا في عندنا حدائق القبة، مدينة نصر، باب الشعرية
العميل : معارض ولا ورش؟
المهندس منسي : معارض
العميل : طيب المكنة اللي بتعبي الملح تقريباً كام يا باش مهندس؟
المهندس منسي : في حاجة أتوماتيك ولا نص أتوماتيك؟
العميل : لا عايزين أتوماتيك كامل
المهندس منسي : في حاجة بـ ، وفي حاجة بـ 6، اضرب الدولار × 10 لغاية 1 أكتوبر هنضربه في اللي هوه المعلن الجديد يعني، يعني اعمل حسابك إن الدولار بـ 10 لغاية 1 أكتوبر
العميل : هوه المكن مستورد؟
المهندس منسي : هوه المكن إحنا مستوردين قطع غيار ومجمعينها، يعني إيه؟؟؟ يعني إحنا عملنا التصميم وصنعنا قطعة الغيار بره وجمعناها في جمهورية مصر العربية العظيمة
العميل : طيب ماشي، يعني ممكن في حاجة موجودة في المعارض ممكن أتفرج عليها مثلاً للملح؟
المهندس منسي : آه أكيد آه
العميل : طيب أنا يوم الأحد أجازة ولا شغالين؟
المهندس منسي : لا إحنا شغالين طول أيام الأسبوع ماعدا يوم الجمعة
العميل : طيب خلاص ماشي.. ماشي… ماشي.. طب بالنسبة للبريمة بتاعتها موجودة عندكم؟
المهندس منسي : بنعملها
العميل : طيب الهالك بتاع الورق بتاعها بكام يا باش مهندس البلاستيك؟
المهندس منسي : الهالك إزاي؟
العميل : أنا عندي مكنتين للتعبئة في محلي بيطلعوا هالك في البلاستيك
المهندس منسي : آه مش فاهم أنا هشتري هالك؟
العميل : لأ بقولك البلاستيك نفسه أنا عندي مكنتين محلي أتوماتيك، فكل شويه كده تقوم مطلعة كيس فاضي، كيس إيه….
المهندس منسي : لا دي ما تطلعش هالك خالص
العميل : مافيش يعني
المهندس منسي : لا مافيش
العميل : بالنسبة للصيانة طب موجودة
المهندس منسي : عندنا أكتر من 16 فني قاعدين لخدمتك
العميل : طيب خلاص ماشي.. ماشي، يبقى في المعادي…
المهندس منسي : لأ في حدائق القبة، مدينة نصر، باب الشعرية، 6 أكتوبر
العميل : طب خلينا في 6 أكتوبر لينا إحنا عشان جريبة على الصعيد، جنب معرض البر كده ولا فين في 6 أكتوبر؟
المهندس منسي : إحنا في المنطقة الصناعية، خليك في القاهرة أحسن عشان إنت لسه سايق والدنيا كده تعالى في القاهرة عشان تتفرج وتعمل، خليك في بتوع القاهرة أحسن في معرض القاهرة أحسن
العميل : خلاص ماشي مافيش مشكلة
المهندس منسي : إنما اللي رايح 6 أكتوبر بيبقى رايح فاهم عايز إيه
العميل : آه… ما إحنا فاهمين برده بقول لحضرتك إحنا عندنا مكن…
المهندس منسي : آه ما إنت عندك مكن بس النهاردة إنت عايز تعرف الفرق ما بين المحلي وبين اللي إحنا مصنعينه، إحنا ماركة مش تجار، يعني إحنا براند عالمي
العميل : برانده
المهندس منسي : آه.. فهنا هيعرفوك.. إنما بتاع 6 أكتوبر هيسلمك وبس
العميل : آه… لا خلاص طب حضرتك موجود في أنهي معرض من المعارض بحيث إني آجي لحضرتك
المهندس منسي : ما تشغلش نفسك بيا أنا بالنسبة لي استشاري بس مش هبقى موجود يعني، أنا هبعتلك شوف الفرع اللي هيريحك وإنت هتتعامل معاه
العميل : طيب خلاص هي المكنة واحدة عامله يعني 0 جنيه
المهندس منسي : ده لغاية 1 أكتوبر، بعد 1 أكتوبر الأسعار هتتطلع
العميل : آه…
المهندس منسي : إحنا مستنيين بس نشوف الدنيا فيها إيه والقيمة المضافة واللي مضافاش والدولار ووجع الدماغ ده، فبعد 1 أكتوبر الدنيا هتطلع تاني، يعني ممكن تيجي لو عجبك الدنيا ممكن تحجز قبل 1 أكتوبر
العميل : يعني لو حجزنا قبل 1 أكتوبر يبقى إحنا كده ضمناها
المهندس منسي : إحنا شركة محترمة يا حاج
العميل : ماشي أنا بقول لحضرتك
المهندس منسي : إحنا شركة محترمة مش بتوع مال ولا مادة، إحنا فعلاً بنخدم بأمانة وعندنا كل حاجة بأمانة
العميل : بس إحنا عايزين كده عشان عايزين نتعامل معاكم إن شاء الله يبقى كله من عندكم إن شاء الله
المهندس منسي : آه اسأل عن شركتنا الأول قبل ما تتعامل معانا
العميل : خلاص ماشي
المهندس منسي : إحنا بنرضي ربنا، إحنا ما نكسبش من حاجة زي كده، اسأل عن شركتنا الأول وشوف شركة المهندس منسي دي عامله إيه
العميل : المهندس منسي؟
المهندس منسي : آه…
العميل : طيب خلاص ماشي نتعرف بحضرتك يا باش مهندس ولو كده هكلمك آخد منك العنوان بكره
المهندس منسي : هبعتهولك دلوقتي في رسالة حالاً
العميل : طيب ماشي خلاص، متشكرين جداً يا باش مهندس
المهندس منسي : العفو
العميل : سلام عليكم