ماكينة تعبئة وتغليف سكر,ملح اتوماتيك من شركة المهندس منسي

ماكينة تعبئة وتغليف سكر,ملح اتوماتيك من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: لو سمحت عندكم مكاين تعبئة وتغليف للبيع

المهندس منسي: آه

العميل: طيب نوعها إيه؟

المهندس منسي: دي ماركة

العميل: ماشي ما أنا عارف، يعني إيه ماركة إيطالي… روسي… يعني إيه بلد المنشأة

المهندس منسي: صلي على النبي

عليه الصلاة والسلام

المهندس منسي: هوه حضرتك تروح النهاردة تشتري تلفزيون مثلاً ناشيونال تقوله دي صناعة إيه؟؟

لأ مكتوب عليها ناشيونال

المهندس منسي: ما أنا بقولك إحنا ماركة معروفة في العالم، اسأل على ماركتنا الأول، هل إحنا منتشرين ولينا اسمنا ولا لأ، إحنا مش تجار

العميل: ماشي طب إنتوا فين بالضبط؟

المهندس منسي: بص يا أخي الفاضل، هي الدنيا بتنقسم إلى 2، ناس بتصنع وناس بتاجر، إحنا بنصنع

العميل: ماشي…

المهندس منسي: بنصنع قطع الغيار كله بره، وبنجمع هنا، فنبصنع في البلد اللي بتعجبنا حسب والكفاءة

العميل:أوكيه، طب إنتم فين المنطقة بتاعتكم، المكان فين؟

المهندس منسي: إحنا عندنا حدائق القبة، مدينة نصر، باب الشعرية، العبور، 6 أكتوبر

العميل:ماشي.. طيب في ماكينة لازم أروح أشوفها ولا كل ماكينة ليها مواصفات خاصة مثلاً

ما هو حضرتك محتاج ماكينة إيه؟

العميل: ماكينة تعبئة وتغليف

المهندس منسي: باسم الله ما شاء الله ده جميل قوي، ماكينة تعبئة وتغليف، حضرتك هتغلف إيه وهتعبي إيه؟

العميل: هعبي وهغلف سكر، ملح، مكرونة، شعرية، حاجات زي كده يعني

المهندس منسي: آه… في بقى من دي نص أتوماتيك وفي أتوماتيك

العميل: الأتوماتيك بكام؟

المهندس منسي: الأتوماتيك بـ 55000 وفي بـ 0 وفي بـ 10500، أم 10500 دي نص أتوماتيك

العميل: يعني أعلى سعر 55000

المهندس منسي: أيوه

العميل: خلاص ماشي أنا إن شاء الله بإذن الله هتصل بيك.. طب إنتى فين ممكن أروحلك المكان بتاعك..

المهندس منسي: ما أنا بقولك إحنا عندنا الأماكن دي كلها تنورنا في اي مكان

العميل: الله يخليك، مين حضرتك إنتى بعد إذنك يعني؟

المهندس منسي: أنا اسمي المهندس منسي

العميل: منور يا باش مهندس

المهندس منسي: الله خليك

العميل: ماشي خلاص هنبقى نتصل بيك تاني

المهندس منسي: ماشي يا غالي

العميل: طيب شكراً مع سلامة الله مع السلامة

المهندس منسي: مع السلامة