ماكينة تعبئة أحبار الطابعة من شركة المهندس منسي
ماكينة تعبئة أحبار الطابعة من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المنسي للتعبئة والتغليف
المهندس منسي: أيوه
العميل: لو سمحت أنا كنت عندي عايز أعمل لو حضرتك عارف أكياس الأحبار بتاعت الطابعات، هوه بيبقى كيس فويل بس تقيل شوية بس أنا بصراحة مش عارف خامته قوي بالضبط، كنت عايز مكنة تعبي الكيس ده، فكنت عايز أعرف هل حضرتك عندك فكرة عن المكنة اللي هي ممكن تعبي دوت؟ وهل هي موجودة عندكم، وأسعارها إيه وكده؟
المهندس منسي: عايز تعبي إيه؟
العميل: أحبار بتاعت طابعات، هي بتعبا في كيس…
المهندس منسي: موجودة آه.. موجود منها نص أتوماتيك عامله ، هي بتتعبا في كيس ألومنيوم، والأكياس الألومنيوم أردي برده موجودة
العميل: تمام.. بالنسبة هي موجودة موديل واحد، ولا هي كذا موديل
المهندس منسي: بتاعت الأحبار بالذات هي موديل واحد نص أتوماتيك
العميل: موديل واحد نص أتوماتيك، دي عامله كام يا باش مهندس، تمنها كام؟
المهندس منسي:
العميل: طب في بيبقى ممكن تعمل أد إيه؟ كام كيس في الساعة؟
المهندس منسي: من 800-
العميل: ده في الساعة
المهندس منسي: آه في الساعة آه
العميل: طب المواصفات بتاعتها، أنا شايف السايد بتاعك ممكن أدخل ألاقي مواصفات مثلاً الباور بتاعتها، حجم المكنة..
المهندس منسي: اكتب 904 المهندس منسي
العميل: أعمل سيرش على السايد كده يعني
المهندس منسي: آه.. 904 المهندس منسي
العميل: خلاص أوكيه ماشي
المهندس منسي: مع السلامة
العميل: ماشي يا فندم شكراً.. سلام عليكم
العميل: أستأذنك كنت عايز أعرف الأكياس اللي بتعبي الحبر برده أسعارها إيه؟ اللفة بتبقى أد إيه وتعمل كام كيس؟
المهندس منسي: الأكياس نفسها؟
العميل: آه
المهندس منسي: ما هوه لازم نشوف الكمية أد إيه ونشوف…
العميل: يعني على حسب حجم الكيس وطوله وعرضه…
المهندس منسي: حجم الكيس وطوله وعرضه والتكنيك اللي إنت هتختاره
العميل: هوه أنا الكيس عايزه يعبي حوالي نص كيلو //////
المهندس منسي: دي هتبقى صعب قوي، لو كده حضرتك تشرفنا بالزيارة تتفرج على الخامات وتتفرج على العينات وإن شاء الله خير يعني، إحنا عندنا الحاجات دي بضاعة حاضرة
العميل: طيب لو أنا كنت خلاص أوكيه هشتري المكنة وهشتري الكيس وكده، هل الحاجات دي موجودة عند حضرتك ولا بتاخد وقت عبال ما تيجي؟
المهندس منسي: لا موجودة بضاعة حاضرة
العميل: موجودة عند حضرتك؟
المهندس منسي: بضاعة حاضرة، والأكياس برده موجودة وبضاعة حاضرة
العميل: طيب تمام…
المهندس منسي: مستنين اللي يشيل بس
العميل: طب خلاص أوكيه، طب أنا عايز معلش استفسار أخير، هل المكنة دي حجمها أد إيه علشان مثلاً المكان، أبقى عامل حسابي في المكان؟
المهندس منسي: آه.. هوه إنت ما دورتش عليها وشوف مواصفتها؟
العميل: والله حاولت أدور بس ما جبتش معايا
المهندس منسي: هي حوالي متر وربع طول × متر عرض × ارتفاع متر و 50، في الحدود دي
العميل: آه.. تمام.. أنا بصراحة عملت سيرش على السايد بس ما جتليش حاجة خاصة بالمكنة، ملقتش صور بصراحة بالحاجة دي
المهندس منسي: آه…
العميل: يعني كتبت 904 المهندس منسي الحاجة اللي أنا عايزها مجتش، ظهرتلي حاجات تانية بس مش الحاجة اللي أنا عايزها
المهندس منسي: طب ممكن تكتب 904 بس لو إنت على السايد بتاعي، لو على جوجل تكتب 904 المهندس منسي، لو على السايد تكتب 904 بس
العميل: آه.. أنا على السايد بتاع حضرتك دلوقتي
المهندس منسي: على السايد.. اقرا التايتل فوق كده
العميل: آه… هوه في علامة سيرش فوق كده فأنا كتبت 904…
اقرا العنوان فوق.. العنوان فوق العنوان إيه
العميل: العنوان ماكينات تعبئة أكياس أتوماتيك…
المهندس منسي: لأ فوق خالص
العميل: عنوان الصفحة إنجنير أندر سكور منسي دوت كوم
المهندس منسي: آه.. اكتب فيه.. آه لأ مش هيطلع فيه 904 لأ
العميل: طب في سايد تاني طيب؟
المهندس منسي: آه.. إم تو باك دوت ميل، هبعتهولك دلوقتي في رسالة حالاً … ماشي يا غالي
العميل: ماشي شكراً.. شكراً
المهندس منسي: مع السلامة