مكن تعبئة وتغليف المكسرات الاتوماتيك والنص اتوماتيك من شركة المهندس منسي
مكن تعبئة وتغليف المكسرات الاتوماتيك والنص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | باش مهندس منسي |
| المهندس منسي | : | أيوه |
| العميل | : | هو إنت حضرتك عندك مكنة تعبئة وتغليف مكسرات بس عايز أحط فيها كذا نوع مكسرات بعدد جرامات معين |
| المهندس منسي | : | آه مافيش مشكلة |
| العميل | : | طيب، دي عند حضرتك فكرة تتكلف تقريباً أد إيه؟ |
| المهندس منسي | : | دي هتتعمل إعدادات خاصة، هو في مكنة تعبئة المكسرات استاندر، يعني حضرتك بتعبي لك نوع واحد، أو بتعبي أنواع إنت حاططها بره، أما المكنة بتاعت حضرتك اللي عايز تحط الأنواع وتنزل من هنا جزء، ومن هنا جزء، ومن هنا جزء دي بقى هنحسبها لك نعمل لها حسبة ونحسبها لك |
| العميل | : | آه.. يعني برده عشان برده يبقى واصلك الصورة اللي أنا عايز أعملها، لو هي مثلاً فسدق ولوز ولب مثلاً، فأنا عايز 100 جرام لوز في العبوة الواحدة… |
| المهندس منسي | : | هو في طريقتين، إنك ممكن توزن بره وتحطهم جاهزين في القادوس موزونين جاهزين ويتعبوا على طول، طب لو مش عايزين الطريقة ديت، في طريقة إنها تتعبى جزء من هنا، وجزء من هنا، وجزء من هنا، يبقى إحنا هنحط 3 مكنات فيدينج مغذيين، الـ 3 مكنات في كل مكنة نوع يرموا على سير، السير ده في أطباق، الطبق هياخد الكمية الأولانية والكمية التانية والكمية التالتة ويحطهم في الكرافتة اللي هي المسئولة عن التعبئة في الكيس نفسه |
| العميل | : | آه.. طيب تقريباً عند حضرتك فكرة تتكلف أد إيه في حدود يعني؟ |
| المهندس منسي | : | يعني مبدئياً كده ممكن نقول حوالي نص أتوماتيك ممكن تعمل ، يعني مثلاً قول الوحدة الواحدة بتتكلف ، هنحط 3 وحدات يبقى كده ، ده يعني إشارة لأنك تحسب أسعارك إنما مش سعر حقيقي |
| العميل | : | آه طبعاً ممكن تزيد، ممكن تقل |
| المهندس منسي | : | آه.. |
| العميل | : | طب عايز أسأل حضرتك على حاجة تانية، نفترض مثلاً إن أنا عملتهم بإيدي تمام، الـ 100 و الـ 100 و الـ 100 ، بس كده مطالب مني كل كيس لازم يتعمل فرداني مش هشتغل أتوماتيك |
| المهندس منسي | : | لا في طريقة تانية بقى في مكنة أتوماتيك سعرها بتعمل إيه بقى؟ فيها أطباق كده، تحط المكون في الطبق ده وهي تاخده وتحطه في الكيس لوحدها وتقفل الكيس لوحدها وتعبيه لوحدها وتعمل كل حاجة بعد كده أتوماتيك |
| العميل | : | ودي تتكلف كام يا فندم؟ |
| المهندس منسي | : | دي سعرها مكنة أتوماتيك كاملة سعرها أو ما يعادله بالجنيه المصري |
| العميل | : | بس اللي أنا فهمته من حضرتك إن حضرتك بتصنعها مضبوط؟ |
| المهندس منسي | : | لا المكنة الأتوماتيك ديت أوردي جاهزة، أما اللي إنت عايزها بالطلب دي مش هنصنعها، هنكونها، يعني هنجيب عدد من الوحدات ونركبها على سير |
| العميل | : | طب لو حبيت أشوف الكلام ده أو أتكلم ويبقى الحاجة قدامي وحضرتك تشرحها لي مكان حضرتك فين؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | طب فين في مدينة نصر؟ |
| المهندس منسي | : | هبعت رابط هتلاقي فيه العناوين كلها |
| العميل | : | طب حلو قوي، وحضرتك بتقفل إمتى؟ |
| المهندس منسي | : | إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية |
| العميل | : | تمام.. شكراً لحضرتك يا باش مهندس، مع السلامة |