مكن تعبئة الحبوب الرز والعدس الاتوماتيك والنص اتوماتيك من شركة المهندس منسي
مكن تعبئة الحبوب الرز والعدس الاتوماتيك والنص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | لو سمحت عايز مكن تعبئة الحبوب الرز والعدس والحاجات دي موجودة عندكم؟ |
| المهندس منسي | : | آه |
| العميل | : | طب سعره كام المكن؟ |
| المهندس منسي | : | ، يعني اضرب × 18 جنيه لو عايز تحولها بالمصري |
| العميل | : | طب المكنة دي صناعة إيه حضرتك؟ وهل قطع الغيار والصيانة… |
| المهندس منسي | : | إحنا ماركة، إحنا براند عالمي |
| العميل | : | اسمه إيه حضرتك؟ |
| المهندس منسي | : | ماركة المهندس منسي |
| العميل | : | والمكنة؟ |
| المهندس منسي | : | .. هو الناس مش متعودة على ماركة عربي، يعني لما تيجي تقول فيليبس ده اسم شخص |
| العميل | : | آآآآه يعني البراند بتاعك |
| المهندس منسي | : | أيوه.. مش بتاعي، هو أطلق على مؤسس الشركة، عشان هو بيعمل تصميمات وحاجات من دي، فأطلق الاسم عليه |
| العميل | : | يعني المكنة صناعة مصري ولا مستورد؟ |
| المهندس منسي | : | لا بص يا سيدي، هو إنت دلوقتي لما تجيب تليفون آبل ولا سامسونج أو.. أو.. لما تفتح المنتج جوه بتلاقيه مصنوع في آبل ولا فين؟ |
| العميل | : | في كذا حتة |
| المهندس منسي | : | في كذا حتة، أهو إحنا نفس العملية، إحنا عملنا التصميمات بتاعته، وبعد كده بعتنا الحاجة دي بره اتصنعت على مكن سي إن سي ثري دايمنشن، وليزر راي، وبعد كده رحنا مجمعنها بقى |
| العميل | : | تمام ماشي، فهمت حضرتك، طب اسم حضرتك إيه عشان لو هرجع لحضرتك |
| المهندس منسي | : | المهندس منسي |
| العميل | : | هو حضرتك صاحب الشركة |
| المهندس منسي | : | آه |
| العميل | : | أهلاً وسهلاً يا فندم |
| المهندس منسي | : | أهلاً بيك |
| العميل | : | معاك خالد، ولو في حاجة إن شاء الله هكلم حضرتك قريب، عشان نعرف التفاصيل عن قرب يبقى أفضل يعني |
| المهندس منسي | : | إن شاء الله |
| العميل | : | ماشي شكراً |