مكن التعبئة الالي للسكر والأرز من شركة المهندس منسي

مكن التعبئة الالي للسكر والأرز من شركة المهندس منسي 

 العميل: السلام عليكم

المهندس منسي:  وعليكم السلام ورحمه الله

العميل: عندكم مكن تعبئة عارضينه للبيع ولا إيه؟

المهندس منسي:  إحنا شركة المهندس منسي ماركة عالمية في مكن التعبئة والتغليف

العميل: تمام حضرتك

المهندس منسي:  عندنا جوه مصر وبره مصر

العميل: تمام طب هوه مكن التعبئة الآلي بتاع تعبئة السكر والرز بكام حضرتك؟

المهندس منسي:  في منه نص آلي وفي منه آلي

العميل: ده بكام وده بكام؟

المهندس منسي:  النص آلي بيعمل ، والآلي كامل بيبدأ من

العميل: ما يعادل كام مصري؟

المهندس منسي:  اضرب × 18… إحنا بس بنسمي بالدولار إنما بناخد بالجنيه المصري، عشان خاطر ثبات الأسعار، في ناس بتسأل النهاردة وتنفذ بعدها بكذا سنة، وفي ناس بتنفذ بعديها بكذا شهر، والعملة مش مستقرة، عشان كده بنسمي بس بالدولار

العميل: بما يعادل كام مصري لو إنت حاسبها

المهندس منسي:  ضرب بقى، جيب ورقة واكتب × 18 يطلعلك على طول

العميل: طيب يعني إنت مش ضاربها مش معروفة معاك؟

المهندس منسي:  أصل إحنا عندنا أكتر من 150 مكنة، فكل مكنة هحفظ سعرها

العميل: مش هوه كله نظام واحد ولا في تغيير في الأنظمة

المهندس منسي:  لا في تغيير، في مكنة بتعبي السوائل، وفي مكنة بتعبي سوائل 1 نزل، 2 نزل، 4 نزل، 12 نزل، 48 ، 72

وفي مكن تاني بيشرنك اللي التغليف الظاهري للمنتج… وفي مكن تاني بيلحم الأكياس بسير

وفي مكن تالت… إحنا وصلنا كده لرقم 3…. رقم 4 مكن تعبئة السوائل بقى بجميع أنواعه، في منه بقى ديسك توب، وفي منه 1 نزل، 2 ، 4، 12، 72

العميل: لا هوه حضرتك أنا بس موضوع تعبئة مواد غذائية رز وسكر وحاجات… إحنا لسه بنبدأ بنقول يا هادي تمام

المهندس منسي:  آه ده مكن تعبئة الرز والسكر دول كلهم على بعض كده 4 مكنات

العميل: تمام

المهندس منسي:  في مقابل إن إحنا بنشتغل في أكتر من 120-150 مكنة

العميل: تمام

المهندس منسي:  فبالتالي مش هحفظ سعر كل مكنة، يعني إذا حفظت سعر المكنة ده بكذا ده خير يعني

العميل: يا باشا ربنا يديك الصحة

المهندس منسي:  إنما هحفظه وأقعد أضربه × الدولار اللي بيتغير كل يوم

العميل: لا.. لا.. طب تقريباً تعبئة السكر ده 4 أنواع

المهندس منسي:  ما هو أنا قلتلك على البابليكر، الشعبي، اللي هوه إنت هتيجي هتلاقيه موجود على طول اللي هوه نص أتوماتيك وأتوماتيك

ونصيحة لوجه الله

العميل: آه يا ريت الله يخليك

المهندس منسي:  نصيحة لوجه الله تتصل بالشركة تفرغ نفسك أسبوع أو 10 أيام، ده مشروع هيقعد سنين

العميل: أكيد

المهندس منسي:  تفرغ نفسك على الأقل 10-15 يوم إنتم شركة كذا، آه، عنوانكم فين؟؟؟ ولا سعر ولا أي حاجة،  أهم حاجة تتأكد من العنوان

العميل: تمام

المهندس منسي:  تروح رايح العنوان وتبدأ تشوف المكن، فين المكن اللي عندكم؟ نفرجك عليه كده لايف، بضاعة حاضرة

تقف وتتفرج، طب جربولي بعد إذنكم، والناس هيجربولك ويعملولك كل حاجة، ويقوموا معاك بالواجب

تمام كلام مضبوط و 100%

المهندس منسي:  كده إنت اتأكد من المكن بتاعك

العميل: تمام… معلش عدم الخبرة بقى سامحني

المهندس منسي:  لا ولا يهمك

العميل: أنا لسه بدرس الموضوع ده تالت يوم النهاردة

المهندس منسي:  بس صدقني إنت النهاردة روح فرغ نفسك على الأقل 10-15 يوم كل يوم في شركة معينة، واخد بالك وبعد كده عينك هي اللي هتقول أنا لقيت الناس دول.. يعني مش شرط أنا، لقيت إن أنا هتعامل مع الناس دي كويس

العميل: كلامك مضبوط، كلامك 100%

المهندس منسي:  إحنا امتهنا الكلام، يعني أغلب الناس النهاردة يقعد يتكلم كلام كتييييييييير بحيث إنه يبلف العميل، ده مش طبعنا، إحنا ناس بنصنع المكن، بنصعه بره مصر ونجمعه هنا، بس في الآخر فاهمين يعني إيه حته عدة

العميل: تمام، ربنا يبارك لك… طب نصيحة برده استشارة كده، أنا لسه بقول يا هادي يا دوب بجمع المكان اللي هشوف آخد فيه حاجة زي كده، بس النهاردة سعر البضاعة، سعر السكر، وسعر الرز مرتفع قوي، هل هيجازي في سعر السوق اللي إحنا فيه ده؟

المهندس منسي:  ما هو الناس مش هتبطل عيشة، يعني مثلاً إحنا أيام ما كنا بنبيع المكنة أم ديت كنا بنبيعها أيام مبارك بـ 5500 جنيه…. النهاردة بقت بكام؟؟؟ بـ ، يعني لما أنا قلت لحضرتك بكام؟؟ قلتلك ب، وقلتلك بـ

العميل: تمام

المهندس منسي:  أيام مبارك كان الدولار بـ 5.5 يعني ال كانوا 5500 جنيه

العميل: مضبوط

كان الناس بيقولوا مافيش مكنة أرخص شويه

العميل: بالضبط

المهندس منسي:  وبرده النهاردة نفس الكلمة برده…. وفي ناس يقولك طب أصبر على نفسي 3-4 أشهر وآجي… وأغلب الناس بيسأل النهاردة وبعد كده يبدأ يدبأ بالفلوس ويجمعها وبعد كده ييجي، في الأيام دي إحنا كنا بنبيع برده بـ 5500 جنيه، النهاردة بقت بـ ومازلنا بنبيع، حجم البيع قل عن الأول، ولكن بنبيع، الدنيا شغالة… لو كانت الدنيا غليت قلنا هوب الدنيا غليت يا جماعة يا الله قفل بقى كده النهاردة لما نشوف بلد تانية، ما هو مش هينفع

العميل: صح كلامك مضبوط، معلش لو كنت هطول على حضرتك شويه…

المهندس منسي:  هوه لو كانت ليها فكرة برده عملية إن إحنا احترسنا لنفسنا وفتحنا فرع بره، يعني الخوف بقى والرعب اللي جالنا لما لقينا الدولار تك.. تك.. تك فقلنا الناس مش هتقدر تشتري ففتحنا فرع بره عشان يسندنا عشان ما نامش خالص نلاقي الدنيا من غير شغل، فلقينا الدنيا برده شغالة ومافيش مشكلة، والناس بتتقبل…. وربنا يقدم اللي فيه الخير

العميل: حضرتك بسأل على سعر طن السكر في السوق لقيته بـ 9200، بعد ما بتكيسه وآجل كله بياخده التاجر منك بـ 9400

المهندس منسي:  أنا هقول لحضرتك على حاجة، بالنسبة للسكر والرز، هوه حضرتك أوعى كده ألاقي أنا كنت في بيئة ريفية، أنا مولود ومتربي في قرية ريفية يعني

العميل: تمام

المهندس منسي:  أوعى كده كانوا بيبيعوا السكر مجزأ أجزاء من الكيلو

العميل: آه

المهندس منسي:  كان يقولك ربع كيلو سكر، وثمن كيلو سكر، طالما إن إحنا لسه ما وصلناش لتجزئة الكيلو يبقى السوق قابل والسوق والع ودنيا

العميل: تمام

المهندس منسي:  طالما إن الكيلو لسه ما اتقسمش، دي نصيحة خدها من أخوك

العميل: الله يخليك

المهندس منسي:  طالما إن الكيلو لسه ما اتقسمش اعرف إن الناس لسه في رغد من العيش

العميل: تمام

المهندس منسي:  فهنا طالما إن الكيلو لسه ما اتقسمش ونزل 100 جرام، 50 جرام، و 250 جرام اعرف إن الناس لسه في رغد من العيش قادرة إنها تشتري كيلوهات، والدنيا بسيطة وحلوة ولكن الناس متعودة على الشكوى

العميل: ربنا يزيدك

المهندس منسي:  فاللي مش لاقي النهاردة هيلاقي بكرة

العميل: والدنيا ماشية

المهندس منسي:  والدنيا ماشية، والدنيا شغالة، والناس بتشتكي، وكل اللي حوليك بيشتكوا

العميل: بالضبط، هوه بس في ملحوظة معلش لو كنت هطول عليك، بقولك السكر لقيته من الشركة نفسها بـ 9200، بروح للتاجر بعد ما أقطعه وأحطه في أكياس وتكلفة عليا وعمالة وكده، أبص ألاقي تاجر الجملة هياخده مني بـ 9400، يعني في فرق 200 جنيه، طب ما هو الـ 200 جنيه دول أنا حطتهم أكياس، حطتهم عمالة…

المهندس منسي:  لا في لعبة..

العميل: آه ما هي دي بقى اللي موقفاني مش عارف أتحرك

المهندس منسي:  آه في حاجة كده

العميل: إيه هي طيب

المهندس منسي:  في حاجة غير مفهومة آه… يا إما التاجر بيلاعب حضرتك، وده أكيد، بيقولك آه هاخد منك كل اللي عندك، تاخده بكام يا حاج، باخده بـ 9400 احمد ربنا إنه ما قلكش 9000

العميل: ما هو الكلام ما أعرفش

المهندس منسي:  آه هوه كده بيلاعب حضرتك

العميل: ولا في سعر أقل من كده في السوق في السكر

المهندس منسي:  بص شوف مصادر التسويق، 1 ، 2 ، 3 ، 4 ، 10…. لأنك لو اعتمدت على واحد يبقى ما تشتغلش من بابه

العميل: لا أنا سألت كذا واحد

المهندس منسي:  كل العملية إنك هتبقى المعمل بتاع الواحد ده، ممكن في يوم من الأيام يوقفك، وفي يوم من الأيام يشغلك، إنما إنت لازم تعتمد على 1 ، 2 ، 10، 11، 12

العميل: أكيد كلامك صح، هل في مصدر للسكر غير 9200 ممكن أكون أنا مش فاهم

المهندس منسي:  لا مصادر توريد السكر دي أنا ما أعرفهاش

العميل: طب ما هو أنا حاسس إن الموضوع واقف في الحتة دي

المهندس منسي:  اللي أنا أعرفه ملاوعة الناس، إن الناس بتلاوع في الكلام… الكذب عندهم زي السلام عليكم، يقولك يعني أعمله مش عارف إيه… كمان بيحللوا الكذب

العميل: بالضبط

المهندس منسي:   فممكن التجار يكون بيلاوع حضرتك، إنما أنا أسمع إن الناس بتشتكي من أزمة السكر

العميل: طب حضرتك فين في باب الشعرية يا حاج؟

المهندس منسي:   إحنا عندنا حدائق القبة، مدينة نصر، باب الشعرية، 6 أكتوبر

العميل: آه… فين في حدائق القبة طيب؟

المهندس منسي:   في شارع الخليج المصري… هبعتلك الداتا بتاعته في رسالة دلوقتي حالاً

العميل: يا ريت أنا أصلاً في شبرا جنبك، لو كان كده أعدي عليك في أي وقت…

المهندس منسي:   لا هوه أنا مش موجود في الفروع، اللي هبعتهولك ده هوه ده اللي هيقابل حضرتك

العميل: تمام.. طب أتعرف بحضرتك طيب؟

المهندس منسي:   أنا المهندس منسي

العميل: تقريباً صاحب الحاجة يعني، ربنا يبارك لك ويصلح حالك

المهندس منسي:   ربنا يخليك

العميل: خلاص.. ماشي حضرتك، وأنا بإذن الله هروح أقعد معاهم أشوف الدنيا فيها إيه

المهندس منسي:  تمام

العميل: شكراً لحضرتك، وكل عام وإنت بخير، شكراً

المهندس منسي:   مع السلامة

العميل: مع ألف سلامة