مكنه تعبئة وتغليف اصابع السكر من شركة المهندس منسي

مكنه تعبئة وتغليف اصابع السكر من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المنسي

المهندس منسي : ايوه

العميل : لو سمحت كنت بسأل بس على مكنة تغليف اللي هي سكر الصوابع دي، تعبئة وتغليف سكر الصوابع

المهندس منسي : أيوه اتفضل

العميل : موجودة كام خط عند حضرتك؟

المهندس منسي : خط واحد

العميل : بتعمل كام كيس في الساعة؟

المهندس منسي :

العميل : دي بتعمل كام حضرتك؟

المهندس منسي : ، يعني 0 جنيه

العميل : طيب ماشي يا باشا، ألف شكر

العميل : باشا معلش أنا كنت عايز أعرف الموديل بتاع المكنة كام عشان أشوفها على الويب سايد بتاعك؟

المهندس منسي : هي الموديل بتاعها 902 ولكن إحنا بنعدل الكرفاته فيه

العميل : يعني تقدر تعدل لو أنا حبيت يعني؟

المهندس منسي : آه طبعاً، وتقدر تعبيلك كل أنواع الحبوب

العميل : مش شرط ده بس

المهندس منسي : مش شرط السكر آه

العميل : طيب

المهندس منسي : يعني هي معمولة للسكر.. يعني مثلاً إحنا قيفناها دلوقتي للسكر الصوابع

العميل : آه

المهندس منسي : جيت إنت دلوقتي حبيت تعبي عليها مسحوق غسيل، عادي نقدر نعبيلك عليها مسحوق غسيل

العميل : تمام

المهندس منسي : جيت تعبي عليها لب، مافيش مشكلة، جيت تعبي عليها بهارات…

العميل : يعني متعددة الأغراض مش حاجة واحدة

المهندس منسي : آه… آه.. مكنتنا كده، بنخليها مرنة، عشان عارفين إن أغلب الناس اللي جايه بيبقى لسه جايين مبتدئين والفكرة يا تنجح يا إما ما تنجحش، فميبقاش يا حول الله خد المكنة والفكرة مثلاً …. افرض لم تنجح الفكرة يعمل إيه؟؟؟ يفكر في فكرة تانية، يفكر في فكرة تالتة

العميل : دي المكونات بتاعتها إيه؟

المهندس منسي : لا دي ماركة براند، يعني إحنا عاملين التصميم، بنصنع قطع الغيار في المكان اللي إحنا شايفينوا اللي هيطلعلنا جودة أعلى بتكلفة أقل

العميل : أنا قصدي مثلاً….

المهندس منسي : عملية صيني وعملية ياباني والحاجات دي يقولوها تجار مش مصنعين

العميل : مضبوط

المهندس منسي : لإن إنت دلوقتي بتشتري من إيه؟ بتشتري من ماركة، ماركة بتحافظ على اسمها، معناها إن في كفالة لقطع الغيار في اسم بنحافظ عليه، يعني إنت النهاردة لو شفت تليفون سامسونج

العميل : مضبوط إيه… حضرتك أنا أساساً بتاع مشتريات، فأنا بحاول أشوف مشروع ليا صغير كده أقوم بيه على رجلي، فبفكر كده في كذا حاجة، فدي ضمن الحاجات اللي أنا بفكر فيها

المهندس منسي : آه…

العميل : فأنا لما كلمتك فبالنسبة لي بتاعها عالي شوية

المهندس منسي : آه…ده أقل سعر مش في مصر بس، ده أقل سعر في العالم كله

وخلي بالك الأسعار كل مادى بتزيد، يعني النهاردة غير بكره، لأن الدولار عمال يعلى، واخد بالك

العميل : آه…

المهندس منسي : فاللي بيشتري النهاردة بيكسب، لأن بكره هتلاقي سعر تاني، بعده هتلاقي سعر تالت، يعني إحنا بسم الله ما شاء الله دلوقتي بقينا بنرخص باليوم

العميل : ربنا يسترها علينا والله

المهندس منسي : آه والله بقينا شعب مصر بيرخص بالساعة

العميل : طيب أنا سؤال بس كده معرفش إنت على دراية بيه ولا لأ بس هوه تقريباً طن السكر المغلف بيعمل كام؟

المهندس منسي : دي ماعرفهاش، ما هوه كل واحد بيعبي.. في واحد بيعبي 2 جرام، في واحد بيعبي 3 جرام، فدي حاجات حسبة محاسبين اللي هوه دراسة جدوى يعني

العميل : تمام… حضرتك طيب بالنسبة للمكنة دي تتعبى بكام جرام؟

المهندس منسي : بتعبي بالـ 5 جرام

العميل : لحد…؟

المهندس منسي : تقدر بقى تغير الفيدينج نفسه تخيلها مثلاً ربع كيلو عادي

العميل : تقدر تشيل لحد ربع كيلو

المهندس منسي : آه…

العميل : طيب حضرتكم بتبقى فاتحين يوم السبت

المهندس منسي : آه.. فاتحين دايماً من 11-9 أنا هبعتلك بقى تليفون المبيعات وتابع معاهم

العميل : خلاص أوكيه ماشي… أتشرف باسم حضرتك طيب

المهندس منسي : مع حضرتك المهندس منسي

العميل : حضرتك صاحب الشركة ذات نفسها يعني، أهلاً وسهلاً، أهلاً بحضرتك، ماشي يا باش مهندس شكراً…