مكنة تغليف سكر ورز اتوماتيك كود 903 ماركة مهندس منسي
مكنة تغليف سكر ورز اتوماتيك كود 903 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | عايز أجيب مكنة تغليف سكر ورز، أجيبها إزاي؟ |
| المهندس منسي | : | تعالى خدها موجودة بضاعة حاضرة |
| العميل | : | عامل كام؟ |
| المهندس منسي | : | إنت عايزها نص أتوماتيك ولا أتوماتيك كامل؟ |
| العميل | : | لا أتوماتيك كامل |
| المهندس منسي | : | بيبدأ من ، إحنا بنقول بالدولار عشان نضمن ثبات إنم بناخد بالجنيه المصري |
| العميل | : | بص يا فندم عشان أبقى صريح مع حضرتك، أنا الحاجة دي لسه مش فاهم فيها أي حاجة ففكرت فيها مجرد إن أنا سألت واحد، فأنا دخلت على جوجل دلوقتي لقيت الصفحة بتاعتك، فقلت أحاول أستفسر من حضرتك الماكينة دي هيبقى نظامها إيه يعني |
| المهندس منسي | : | هو واحد قالك خش على المهندس منسي ولا إنت… |
| العميل | : | لا بصراحة لا أنا بحثت وأنا قاعد دلوقتي على مكنة تغليف لقيت حضرتك، فقلت حضرتك ممكن تفيدني في حاجة زي كده، لقيت شركة المنسي قدامي فقلت أستفسر منها يعني، طب المكنة دي يبقى لازمها مهندس يشتغل بيها يعني |
| المهندس منسي | : | لا.. لا.. مش شرط، كل العملية نعلمك إزاي تشغلها، وبعد كده بتشغلها لوحدك |
| العميل | : | إنت بتجيب منتج الرز والسكر وتختار له اسم من وزارة الصحة وبتنزله في السوق مش كده؟ وأوزع أنا بقى صح كده؟ |
| المهندس منسي | : | آه |
| العميل | : | عامله اللي هي الأتوماتيك الكاملة |
| المهندس منسي | : | آه دي لغاية النص كيلو، في بقى لغاية الكيلو بتعمل |
| العميل | : | طب واللي بتعمل 5 كيلو |
| المهندس منسي | : | لا حضرتك بقى شرفنا بالزيارة نقعد مع بعض |
| العميل | : | طب حضرتك من القليوبية مش كده؟ |
| المهندس منسي | : | لا مش من القليوبية، إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | يعني اللي هتعملي الكيلو هتبقى عامله |
| المهندس منسي | : | آه أو ما يعادله بالجنيه المصري اضرب × 18، هتلاقي 108 ألف جنيه مصري |
| العميل | : | تمام، اسم حضرتك إيه يا فندم، عشان لو احتجت حاجة وهاجي لحضرتك في أقرب وقت |
| المهندس منسي | : | إنت تيجي تنورني في أي وقت |
| العميل | : | اصل أنا من المنيا في الصعيد |
| المهندس منسي | : | لا والله هي المنيا بقت في الصعيد |
| العميل | : | آه بنحاول نبقى صعايدة زيهم يعني، يا باشا متشكرين وآسف إذا أزعجت حضرتك يعني |
| المهندس منسي | : | لا ده إنت نورتني |
| العميل | : | اسم حضرتك إيه بقى؟ |
| المهندس منسي | : | اسمي المهندس منسي |
| العميل | : | تمام.. أصل أنا معايا ابن عمي شغال في شركة مكرونة ستار، فبقاله يعني حوالي 15 سنة في شغلة المناديب، فأنا هخليه يكلم حضرتك بالليل كده على الساعة 8 ممكن |
| المهندس منسي | : | مافيش مشكلة هبعت رابط هتلاقي فيه العناوين وتليفونات المبيعات |
| العميل | : | خلاص يا أستاذ منسي مع حضرتك أخوك الصغير وائل |
| المهندس منسي | : | ماشي يا عم وائل تيجي تشرفني في أي وقت |
| العميل | : | ربنا يكرم حضرتك يا ريس، متشكرين أفضالك يا باشا، اتفضل |