مكنة تغليف رز وسكر من شركة المهندس منسي
مكنة تغليف رز وسكر من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: حضرتك عندكم مكنة تغليف
المهندس منسي: آه
العميل: طب سعرها عامل كام؟
المهندس منسي: بيبدأ من يعني 3600 جنيه
العميل: لأ اللي تشتغل معايا كويس، يعني لسه هبدأ في تغليف رز وسكر ودقيق وحاجات زي كده
المهندس منسي: ما هو مكن كتير قوي، إنت عايز تعبي إيه؟
العميل: يعني رز، سكر، دقيق، ملح… حاجات زي كده، وعدس
المهندس منسي: الدقيق له مكنة ولوحده، والرز والسكر والملح والعدس والفاصوليا واللوبيا والحاجات دي ليها مكنة لوحدها
العميل: مش لازم الدقيق بقى
المهندس منسي: أما الدقيق بالذات ليه مكنة لوحده، ليه بقى؟؟؟
العميل: مش لازم بتاع الدقيق
المهندس منسي: في حاجة بتبدأ… في حاجة نص آلي وفي حاجة آلي كامل، يعني نص أتوماتيك وأتوماتيك كاملة
العميل: الأتوماتيك الكاملة عاملة كام؟
المهندس منسي: نقول بقى النص أتوماتيك عشان خاطر تبقي في الاول
العميل: ماشي…
المهندس منسي: نقول الأول النص أتوماتيك، بص يا سيدي إنت لو عايز تعبي الحاجات دي ممكن تعبي يدوي ومعاك سير لحام، ترمي عليه اللي إنت عبيته، دي بـ … طب لما نيجي نقول النص أتوماتيك، سعرها ، يعني
العميل: آه..
المهندس منسي: أنا بسمي بس بالدولار، يعني بنقول الأسعار بالدولار عشان أغلب الناس اللي بتتصل أو بتتكلم بتتكلم بناء على أنها بتدرس لسه، يعني ممكن حضرتك النهاردة تتصل وتنفذ بعديها بشهر، شهرين، 3، سنة، سنتين
العميل: تمام
المهندس منسي: فتبص تلاقي الأسعار اتغيرت، فتفكر إن أنا اللي غيرت ، لأ هوه اللي غير الدولار، عشان كده دايماً بسعر بالدولار إنما باخد منك بالجنيه المصري مافيش مشكلة عندي خالص، وأي عملة إنت تختارها مافيش مشكلة خالص
العميل: ماشي… النص أتوماتيك قلت بكم
المهندس منسي: يعني
العميل: والأتوماتيك الكاملة؟
العميل: دي غالية قوي
المهندس منسي: ما هو عشان كده قلتلك نبدأ بالنص أتوماتيك
العميل: ماشي
المهندس منسي: ما هو أنا بقيت خبرة حتى في الرد
العميل: أيوه إنت عرفت الشعب المصري عايز إيه
المهندس منسي: لأ مش كده، دايماً الجديد بيبقى عايز يجيب أي حاجة عبال ما يشوف سوقه همشي، ده طبيعي، عايز يبتدي بأي مكنة عبال ما يشوف سوقه، لو سوقي ياكل لأ ده أنا هعمل وأستلف وأجيب وأدي…
العميل: هوه مبدئياً في عربية ربع نقل دي تعمل معايا شغل كويس يعني في التوزيع وكده
المهندس منسي: آه في التوزيع كويس
العميل: تمام… لا التسويق لسه ما أعرفش حاجة عنه، أنا ناوي أعدي على تجار الجملة والحاجات دي
المهندس منسي: آه ما هي النظرية إيه بقى؟؟ النظرية إنك تعمل منتج كويس وتبدأ تلف بيه، هيبدأ يطلب منك طلبيات تبدأ تنفذ الطلبيات بتاعتك
العميل: تمام…
المهندس منسي: ماشي يا بيه
العميل: يعني النص أتوماتيك دي ب
المهندس منسي: يعني …والأتوماتيك
العميل: دي بيشتغل عليها واحد بس ولا…
المهندس منسي: هوه واحد مافيش أكتر من كده
العميل: والواحد ده يجيب الحاجة بالطن..
المهندس منسي: آه ويقسمها آه
العميل: ويجيب بقى شنط صغيرة وحاجات زي كده ويغلف فيها
المهندس منسي: شنط إزاي؟؟؟ أكياس
العميل: أكياس بتاعت التغليف دي
المهندس منسي: آه
العميل: ماشي يا فندم
المهندس منسي: مع السلامة