مكنة تعبئة وتغليف للرز والمكرونة والسكر من شركة المهندس منسى

مكنة تعبئة وتغليف للرز والمكرونة والسكر من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: باش مهندس

المهندس منسى: أهلاً بيك

العميل: الله يكرم حضرتك، مع حضرتك محمد علي

المهندس منسى: أهلاً وسهلاً

العميل: ربنا يبارك في حضرتك، أنا خدت رقم الشركة من على النت، حضرتك عندك مكنة تعبئة وتغليف للرز والمكرونة والسكر والمنتجات دي كده؟

المهندس منسى: إحنا ماركة عالمية

العميل: ما شاء الله، استعمال هي صح؟

المهندس منسى: لأ دايماً بنشتغل في الجديد ما بنشتغلش في المستعمل خالص

العميل: تمام.. تمام… طب المكنة النوع ده في منها ماركات معينة ولا في منها…

المهندس منسى: إحنا ماركة عالمية، يعني إحنا مش تجار، يعني مش بنروح نجيب مكن من وات إيفر ونيجي نقعد نبيع فيه، لأ..

العميل: دي ماركة عالمية

المهندس منسى: آه ماركة عالمية، يعني إحنا بنصنع قطع الغيار وبعد ما نصنع قطع الغيار بره مصر وبعد كده نجمعها

العميل: تمام.. تمام.. ما شاء الله، تمام

المهندس منسى: بيبقى طبعاً على ذوق العميل، في عميل يقولك لأ أنا عايز المواتير إيطالي، وفي عميل يقولك لأ أنا عايز المواتير ألماني، وفي… يعني كده يعني، براحة العميل

العميل: أيوه.. أيوه.. تمام، طب المكنة من النوع اللي حضرتك بتقول عليه ده المكن بتاع حضرتك هتنتج أد إيه؟

المهندس منسى: في نص أتوماتيك منها وفي أتوماتيك؟

العميل: طيب النص أتوماتيك بينتج أد إيه؟ هي كمية الإنتاج واحدة ولا حسب زيادة السرعة وتقليل السرعة ولا إيه بالضبط؟

المهندس منسى: يعني إيه تغيير السرعة؟

العميل: يعني تغيير الكمية… يعني مثلاً ممكن أنتج كام كيس في الدقيقة؟ كام كيس في الثانية؟ الكلام ده كله

المهندس منسى: آه.. آه… لا عادي إنت تزود السرعة وتقللها براحتك

العميل: تمام… طب النص أتوماتيك عامله كام والأتوماتيك عامله كام؟

المهندس منسى: النص أتوماتيك عامله ، والأتوماتيك عامله

العميل: طيب النص النص أتوماتيك بيبقى استخدامها بتبقى إزاي نص أتوماتيك، معلش أنا…

المهندس منسى: ولا يهمك

العميل: الله يبارك لك

المهندس منسى: النص أتوماتيك بحطلها الكيس وهي بتعبيه، والأتوماتيك بتقفل الكيس وتعمل كل حاجة لوحدها

العميل: بتسحب الكيس وتقفله وتطلع على طول جاهز

المهندس منسى: أيوه

العميل: بتلحم هي المكنة ولا اللحام بيبقى يدوي؟

المهندس منسى: بتلحم آه هي بتلحم أتوماتيك كامل

العميل: طب والنص أتوماتيك بتلحم ولا…

المهندس منسى: لأ بيبقى معاها سير كده، السير ده وظيفته.. بيبقى معاها سير مش فيها، يعني إنت بتشتري سير، السير ده مجرد إنت عبيت الحاجة تروح راميها على السير، السير ده ياخد الكيس يلحمه ويوديه الناحية التانية

العميل: آه… يعني السير ده يلحم الكيس ويطلع بيه من الناحية التانية ملحوم جاهز

المهندس منسى: أيوه

العميل: طيب تمام… دي بتعمل كمية أد إيه يا باش مهندس في الدقيقة أو الساعة، ترمي طن في الساعة؟ ترمي أد إيه في الساعة؟

المهندس منسى: بتعمل في حدود طن و 200 في الساعة

العميل: الأتوماتيك والنص أتوماتيك الـ 2 صح ولا إيه؟

المهندس منسى: آه.. آه

العميل: الأتوماتيك؟

المهندس منسى: لأ النص أتوماتيك بتعمل طن و 200 أما الأتوماتيك بتعمل في حدود 3-4 طن في الساعة

العميل: طيب تمام يا باش مهندس، يبقى حضرتك الأتوماتيك ، والنص أتوماتيك بـ

المهندس منسى: آه

العميل: تمام يا باش مهندس، ربنا يبارك في عمرك، هنشوف بس نرتب أمورنا كده ونرجع نتابع مع حضرتك إن شاء الله

المهندس منسى: ماشي

العميل: شكراً لحضرتك يا باش مهندس، شكراً

المهندس منسى: العفو

العميل: السلام عليكم

المهندس منسى: عليكم السلام ورحمة الله وبركاته