مكنة تعبئة وتغليف السكر ماركة المهندس منسي
مكنة تعبئة وتغليف السكر ماركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: لو سمحت بسأل على مكنة تغليف السكر دي، اللي هي بتعبي سكر وحبوب وكده يعني
المهندس منسي: آه… اتفضل
العميل: كنت عايز أعرف مواصفاتها وأسعارها كام؟
المهندس منسي: هوه في نص أتوماتيك وأتوماتيك
العميل: آه
المهندس منسي: نص أتوماتيك دي يعني إيه يا باشا معلش وضحلي؟
العميل: نص أتوماتيك يعني تديلها الكيس هي بتعبيه وبعد كده بتحطه على سير لحام ياخده يلحمه ويودي الناحية التانية
العميل: يعني بيتحطلها بكرة أكياس؟
المهندس منسي: لأ بتحطلها كيس كيس، أما الأتوماتيك اللي بيتحطلها الرول بتاع الأكياس
العميل: آه يعني هوه ده الفرق ما بينهم؟
المهندس منسي: آه
العميل: طب دي بتعمل كام ودي كام؟
المهندس منسي: دي يعني جنيه، ودي يعني فوق الـ 90
العميل: الأتوماتيك اللي بتحطلها أكياس؟
المهندس منسي: لأ الأتوماتيك اللي حضرتك بتحطلها رول، بكر
العميل: آه اللي بتحطلها رول آه
المهندس منسي: إنما النص أتوماتيك هي اللي بتحطلها أكياس
المكنة النص أتوماتيك أهيت بتعبي، بعد ما بتعبي بتحطها على السير، السير ده بياخد يلحم لوحده، إذن هنا المكنة محتاجه عامل واحد، هوه اللي بيناول المكنة كيس كيس، الكيس يتعبى تحطه على السير، الكيس يتعبى يحطه على السير، دي اسمها إيه؟؟؟ مكنة نص أتوماتيك
العميل: تمام
طيب المكنة الأتوماتيك بتحطلها رول وبتحطلها المنتجات وهي بتعبي لوحدها، إذن هنا العامل الواحد يقدر يشغل كام مكنة؟ يقدر يشغل 12 مكنة
العميل: تمام…
المهندس منسي: فهمتني، الهدف من الأتوماتيك توفير العمالة
العميل: تمام
المهندس منسي: أما إنت لو عندك العمالة متوفرة يبقى بالنسبة النص أتوماتيك أفضل ولكن سعر الأكياس هيبقى أغلى عشان خاطر التفصيل
العميل: تمام… دي بيبقى معاها ضمان وكده ولا إيه؟
المهندس منسي: دي ماركة، براند، أكيد لازم هيبقى فيها ضمان وتوفير قطع غيار، براند عالمي مش براند محلي كمان، اسمه ماركة المهندس منسي
العميل: وقطع الغيار برده متوفرة عند حضرتك؟
المهندس منسي: ما هو أنا بقولك براند، إحنا اللي… إحنا بنعمل إيه؟؟؟ إحنا بنصمم الأجزاء، الأول بتتولد الفكرة بإن إحنا نسهل المكنة، نصمم الأجزاء بناء على فكرتنا، بعد ما صممنا الأجزاء ورسمناها ثري دي… يعني أحدث حاجة في الاتجاهات يعني، بعد كده نبعت الرسومات دي تتصنع بره، تتصنع فين بره؟؟ دي شغلتنا إحنا، إحنا جودتنا إحنا هي اللي بتقول، يعني مش عملية بلد إيه اللي هتصنعها، أهم حاجة إن المنتج بتاعنا يكون بالمواصفات القياسية لأن إحنا أوردي بنبعت قطع غيار لأوروبا، فلازم تكون القطع بتاعتنا واخد شهادة الـ سي إيه…. فبعد ما نصنع قطع الغيار نبدأ نجمعها، نجمعها هنا.. نجمعها بره دي مسئوليتنا إحنا، ولكن في الآخر إنت بتاخد اسم الماركة
العميل: صح كده، يعني التصنيع عندكم بيبقى بضمان الشركة؟
المهندس منسي: أيوه… إحنا مصنعين قطع الغيار بره، بس إحنا جمعناها وعملنا بعض الأشياء هنا في مصر،
العميل: تمام يا باشا… المقر بتاعكم اللي هوه في باب الشعرية؟
المهندس منسي: آه
العميل: شغالين أيام إيه؟
المهندس منسي: طول أيام الأسبوع ماعدا الجمعة أجازة
العميل: ماشي يا باش مهندس
المهندس منسي: ماشي يا غالي
العميل: مافيش طبعاً عندكم حاجة مستعملة ولا كله جديد؟
المهندس منسي: إحنا بنشتغل بس في الجديد، إنما لو عايز حاجة مستعملة ده صعب قوي إن إحنا… كله جديد
العميل:ماشي يا باشا
المهندس منسي: ماشي يا غالي
العميل:السلام عليكم
المهندس منسي: وعليكم السلام