مكنة تعبئة اللب من شركة المهندس منسي
مكنة تعبئة اللب من شركة المهندس منسي
العميل: سلام عليكم
المهندس منسي: وعليكم السلام
العميل: أيوه يا باشا
المهندس منسي: أيوه مين
العميل: حضرتك أنا اتصلت من شويه أسأل على مكنة تعبئة اللب
العميل: بقولك أنا كنت راسلت حضرتك من فترة أسأل على المكنة اللي هي بتعبي اللب
المهندس منسي: آه
العميل: هوه حضرتك اللي كلمني قالي إن في مكنة في حدود 45، وواحدة في حدود 65
المهندس منسي: آه
العميل: بس قالي إن المشكلة في الأكياس بتاعت اللب إن هي بتيجي مستوردة من الصين وبتقعد شهرين أو 3
المهندس منسي: لأ ما هوه عادي ما إنت ممكن تعملها هنا، مش شرط تتطبع عندنا
العميل:طيب يعني في هنا طباعة وتقعد أد إيه طيب؟
المهندس منسي: إحنا بالنسبة لنا هتقعد شهر ، شهر و5 أيام
العميل: وهي الطباعة تاخد الوقت ده كله؟
المهندس منسي: ما هوه هتاخد في حدد شهر ، شهر و5 أيام بكتيره قوي، هنا أو بره
العميل:طب هوه ما ينفعش قبل كده يعني
المهندس منسي: ما هوه إحنا بالنسبة لنا مينفعش قبل كده، شوف لو إنت تقدر تطبع هنا في مصر أنا معرفش مطابع في مصر، لو إنت تقدر تطبع في مصر عند حد تاني عادي
العميل: تمام.. ماشي يا باشا
المهندس منسي: إنما أنا ما بلزمكش إنك تطبع عندي، يعني مقولكش مثلاً إنت تاخد مني المكنة… لأ عادي خد مني المكنة واطبع عند أي حد
العميل: طب رول كام كيلو
المهندس منسي: رول إيه اللي كام كيلو؟
العميل: الرول بتاع الأكياس
المهندس منسي: لا هوه إحنا بنطبع أقل كمية ربع طن
العميل: ربع طن، طب بكام هوه الكيلو؟
المهندس منسي: آه.. ده حضرتك بقى بتشرفنا نشوف الديزاين بتاعك وتيجي نقعد مع بعض ونتفق مع بعض على أساس إن إنت هتنقي الخامة اللي إنت عايزها
العميل: اللي هوه في باب الشعرية ده صح حضرتك
المهندس منسي: آه.. آه اللي هوه قصاد المدرسة آه
العميل: مع السلامة