مكنة تعبئة الارز والمكرونة من شركة المهندس منسى
مكنة تعبئة الارز والمكرونة من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس منسى
المهندس منسى : أيوه
العميل : أيوه يا باشا كنت عايز أعرف تمن مكنة اللي بتعبي رز أو مكرونة بالكيلو
المهندس منسى : آه… إنت عايزها من كام لكام؟
العميل : إزاي؟؟ أنا ما أعرفش حاجة عنها، قاعد هنا ففي واحد طلبها مني فقلتله هشوف هدور على النت لقيتها عندكم
المهندس منسى : هي في نص أتوماتيك وفي أتوماتيك كامل
العميل : النص أتوماتيك ديت بكام وبتعبي أد إيه؟ والأتوماتيك ديت بكام نظامها؟
المهندس منسى : النص أتوماتيك… نظامها إزاي؟
العميل : يعني هي تمنها كام؟
المهندس منسى : آه تمنها
العميل : دي بتعبي كام كيس، كليوهات ولا كيلو واحد
المهندس منسى : آه عادي بتعبي من 100 جم ـ لغاية كيلو
العميل : طب والأتوماتيك؟
المهندس منسى : بتعبي من 100 جم برده لغاية كيلو
العميل : بكام تمنها؟
المهندس منسى : دولار
العميل : الدولار بالدولار ولا بالمصري ممكن؟
المهندس منسى : لا بالمصري عادي، إحنا بس بنسمي بالدولار عشان خاطر نضمن ثبات الأسعار بس
العميل : آه تمام، ديت حجمها كبير ولا حجمها صغير زي ما في الفيديو هنا، الطول بتاعها × العرض كام؟
المهندس منسى : المواصفات بتاعتها اللي هي الإيه النص أتوماتيك ولا الأتوماتيك؟
العميل : لأ الأتوماتيك
المهندس منسى : دي بتبقى في حدود ارتفاع 2.25 متر، عرضها حوالي 1.50 × 1.5 متر أراوند
العميل : بنتج كام كيس في الكيلو مثلاً؟
المهندس منسى : تنتج حوالي 4 طن في الساعة
العميل : ماشي يا فندم شكراً، ده عنوانكم اللي مكتوب هنا ده
المهندس منسى : آه عناوين، عندنا عناوين مش عنوان واحد
العميل : أنا فاتح على النت قدامي دلوقتي شركة المهندس منسي، العنوان أمام مدرسة البنات الثانوية خلف قسم باب الشعرية
المهندس منسى : آه.. لأ ده موجود وكل حاجة ولكن عندنا برده حدائق القبة، مدينة نصر، باب الشعرية، 6 أكتوبر
العميل : تمام.. أنا هشوف الراجل ده يمني عاوز مكنة يوديها اليمن، هتتشحنله على هنا وهيوديها هوه اليمن عن طريقه هوه
المهندس منسى : إن شاء الله
العميل : ماشي يا باشا، شكراً
المهندس منسى : مع السلامة