مكنة أتوماتيك لتعبئة السكر والارز من شركة المهندس منسي
مكنة أتوماتيك لتعبئة السكر والارز من شركة المهندس منسي
المهندس منسي: سلام عليكم.
العميل: وعليكم السلام ورحمه الله وبركاته، باش مهندس منسي؟
المهندس منسي: أيوه.
العميل: أزاي حضرتك؟
المهندس منسي: الحمد لله.
العميل: محمد حماد بكلمك من طرف الحاج أشرف خطاب بتاع شركة الطباعة بتاعت البلاستيك اللي في جسر السويس.
المهندس منسي: آه.. آه أخباره إيه؟
العميل: إزايك يا حاج منسي.
المهندس منسي: إزايك يا باشا.
العميل: الله يكرمك، أنا كنت عانده النهاردة وكنت بكلمه إن أنا محتاج مكنة تعبئة سكر أو رز أتوماتيك فقالي المهندس منسي من أحسن الناس وعنده خدمة ما بعد البيع كمان أحسن وأحسن يعني.
المهندس منسي: الحمد لله بفضل ربنا.
العميل: الله يبارلك يا باش مهندس، إنت حضرتك مكانك فين يا باش مهندس؟
المهندس منسي: إحنا عندنا باب الشعرية، وحدائق القبة، ومدينة نصر.
العميل: تمام، طب أنا كنت محتاج مكنة أتوماتيك تعبي رز وسكر ينفع، ولا لازم الرز لوحدها والسكر لوحدها؟
المهندس منسي: لا الرز والسكر عادي، إحنا عندنا الأوبشن دوت إحنا ضايفينه على المكنة بحيث إن هي تعبي الاتنين.
العميل: طيب ويركب عليها بلاستيك ليمنيشين وهاي.
المهندس منسي: لا يركب ليمنيشين بس، الهاي دوت مشروع فاشل، ناس بيضحكوا على بعض يعني، بنضحك على بعض بيها يعني، الهاي ليها مكنة لوحدها ولكن لما تعبي هاي، لما تيجي تعبي هاي تعبي أكياس بس، إنما ما ينفعش تعبي أكياس وفي نفس الوقت تعبي رز، بنضحك على بعض صدقني يا ابن عمي، أنا راجل مهندس مش تاجر، معرفش أتكلم أعرف أصنع، يعني أنا شغلتي إن أنا أعرف أصنع إنما ما أعرفش أتكلم بيبقى كلامي عامل زي الفلوس كده.
العميل: تمام.. هي بس المشكلة إنت عارف في الكيس الليمنيشين في السكر هيبقى تكلفته عالية.
المهندس منسي: لا فيه.. حليناها بقى، حليناها بحاجة تانية بإن عملنا حاجة اسمها تقدر تقول للأستاذ أشرف عليها اسمها بوب.
العميل: آه.
المهندس منسي: البوب دوت تقدر عادي تعبيه على المكنة الأتوماتيك عادي مافيهاش مشكلة خالص، وهتلاقي تكلفة أقل بكتير من تكلفة الهاي والنايلون والحاجات دي.
العميل: بجد والله؟
المهندس منسي: إن شاء الله.
العميل: إنت هتلاقي سعره غالي أغلى من الهاي، ولكن لما تيجي تحسبها وتحسب التكلفة هتلاقي.. هتدعي لأخوك.
العميل: طيب المكنة دي عامله كام يا حاج منسي؟
المهندس منسي:6.
العميل: يعني كام بالمصري… يعني في حدود 0 دلوقتي.
المهندس منسي: لا أقل أقل، النهاردة بـ 9.5.
العميل: يعني تقريباً بالمصري يبقى كام كله.
المهندس منسي: في حدود 63 في الحدود دي.
العميل: 63000.
المهندس منسي: آه.
العميل: شامله التركيب وكل حاجة يا باش مهندس؟
المهندس منسي: إن شاء الله، شاملة التركيب والتدريب و2 سيديهاية فيديو بالتعليم والتدريب وصيانة وكل حاجة.
طب دي تدي كام في الساعة؟
تعمل في حدود 3 طن في الساعة.
3 طن في الساعة… طيب لو كنت عايز أقعد مع حضرتك شوية يناسبك إمتى، وآجي فين؟
إحنا موجودين دايماً من 11-9.
فين بقى؟ أي فرع؟
هبتعتلك العناوين، إحنا عندنا حدائق القبة ومدينة نصر وباب الشعرية، أقربلك إنت إيه؟
لا أنا عايز أقابلك إنت، مش ما أقصدش ////// أنا عايز أقعد معاك إنت.
صدقني هما هيخدموك أكتر مني من الآخر.
تمام، وفيه مكنة أقدر أبص عليها.
هتلاقيني قاعد 100 حاجة في دماغي إنما هما قاعدين فاضينلك إنت، قاعدين مرتاحينلك، يعني إنت لما تروح مثلاً لترزي هتقول عايز صاحب المحل ولا هتقول عايز الواد اللي إيده تتلف في حرير.
صح.. صح.
هدور على الواد عشان يعملك بكلة هنا وغرزة هنا ويسنجفلك العملية، إنما صاحب المحل فيه 300 مليون حاجة في دماغه.
طب ابعتلي الـ 3 عناوين وهشوف الأنسب ليا إيه وهروح لهم.
طب ماشي حاضر.
تسلم يا باش مهندس منسي، ربنا يخليك يا رب، مع السلامة.