ماكينه تعبئه بودر شديد النعومه من شركة المهندس منسي

ماكينه تعبئه بودر شديد النعومه من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: معلش المهندس منسي معايا

المهندس منسي: أيوه مع حضرتك اتفضل

العميل: أهلاً بيك..أنا اسمي مؤمن عبد الله أنا بكلم حضرتك أول مرة يعني

المهندس منسي: أيوه اتفضل

العميل:أنا بكلمك بخصوص ماكينات الطباعة، ماكينات التغليف والتعبئة، إنتم بتغلفوا وبتعبوا ولا ممكن تغلفوا لي وتعبوا، ولا إنتم بتبيعوا المكن؟

المهندس منسي: بنبيع المكن وبنبيع الخامات بتاعت التغليف

العميل: طيب أنا كنت عايز أسألك على شويه حاجات بعد إذنك يعني

المهندس منسي: اتفضل

العميل: كنت عايز أعرف مكنة تعبئه  اللي هوه الأتوماتيك بكام والنص أتوماتيك بكام

المهندس منسي: الأتوماتيك بيعمل 38500 والنص أتوماتيك بيعمل 0

العميل: طيب معلش ممكن أستفسر منك على حاجه لو عندك وقت

المهندس منسي: اتفضل

العميل: هوه المفروض المكنة الأتوماتيك بتحتاج كام عامل يعني؟

المهندس منسي: عامل واحد يشغل 6 مكنات

العميل: والمكن اللي عندك ده صناعة إيه؟

المهندس منسي: دي ماركة، براند

العميل: ماركة إيه؟

المهندس منسي: إحنا ما بنتاجرش في المكن إحنا بنصنع المكن لحسابنا، قطع غيار بنصنعها بره بنظام معين ماشين، اللي هوه يعني إحنا بنصنع قطع الغيار بره وبنجمعها في مصر

العميل: قصدك قطع الغيار جاي من بره مصر وإنتم بتجمعوا في مصر

المهندس منسي: أيوه.. أيوه

العميل: طيب مضبوط، وبراند مصري، ماد إن إيجيبت مش كده؟

المهندس منسي: ماد إن إيجيبت أو إحنا أردي عندنا في هونج كونج وفي الصين فرع، يعني براحتك، ماد إن إيجيبت، ماد إن شاينه، ماد إن هونج كونج، همه الـ 3 ماركة واحدة هي ماركة المهندس منسي

العميل: طيب أستأذنك عايز أعرف بس عليها ضمان أد إيه مثلاً؟

المهندس منسي: سنة ضد عيوب الصناعة و10 سنين توفير قطع الغيار لحساب العميل

العميل: يعني هحاسب على قطع الغيار، دي مافيهاش مشكلة، وإنت بتديني ضمان سنة واحدة صح كده؟

المهندس منسي: ضد عيوب الصناعة

العميل: آه فاهم.. فاهم.. فاهم، طيب تمام، ما عندكوش إنتوا مكن مستورد خالص، المكن بتاعكم اللي هوه البراند بتاعكم ده صح كده؟

المهندس منسي: ما هو إنت ما تقولش عليها بقى مصري، إنت تقول عالمي، لأنه دلوقتي دي ماركة…

العميل: ما هو أنا بقولك براند نيم

المهندس منسي: الماركه متسجلة في هونج كونج، ومتسجلة في الصين، ومتسجلة في مصر، وبنحاول دلوقتي إن إحنا نسجلها في إيطاليا وأوكرانيا

العميل: آه… آه… طيب أنا بس بسأل عشان خاطر أنا مدة الضمان أنا مستقلها شوية

المهندس منسي: والله أنا بدي ضمان سنة ويعتبر الناس اللي خده بقالهم 3 سنين معانا لغاية دلوقتي ما قلنلهومش لأ، أصل هوه إحنا النهاردة اسم، بص صلي على النبي، هي العملية مش عملية تعاقد أكتر من أنها احترام للاسم نفسه، هوه ده اللي يفرق الضمان…

العميل: طالما عندك براند نيم لازم تحافظ عليه… إنت لو بتاجر تبيع مش مهم بالنسبة لك

المهندس منسي: هوه ده ….

العميل: فاهم.. فاهم طبعاً، إنت لو بتاجر مش مهم بالنسبة لك الاسم بتاع المنتج لكن

المهندس منسي: وبعدين في حاجة تانية بقى يكفي إن اللي المصمم والديزاينر للمكنة ابن بلدك، يعني معناها إيه، معناها حتى ما كبيرناش من المكن اللي بره، من قلب البلد، يعني معناها إن المكنة هتلاقيها سهلة التعامل

العميل: آه… تمام…

المهندس منسي: لأنه المصمم بيصمم وهوه حاطط في خليفته ابن البلد ثقافته إيه؟؟؟  عامله إيه؟

العميل: صح أنا فاهم قصدك، وبعدين كفاية إنك هتبقى تحت إيدي، يعني ممكن أجيلك، ولكن لو شركة في أوروبا ولا في أمريكا ولا بره مصر يعني انسى…طيب يا باشا الأسعار دي إيه، أصل أنا دلوقتي بعمل دراسة جدوى لمشروع وإن شاء الله ناوين ننفذ، فأنا عايز أعرف الأسعار دي ؟

المهندس منسي: لا إحنا أسعارنا نهائية

العميل: آه… الأسعار فيكسد ما فيهاش…

المهندس منسي: إحنا شركة إنترناشيونال لينا عدد من الفروع ما ينفعش إن إحنا ننزل الأسعار

العميل: آه… آه… معلش ////// أنا جيبت نمرتك من على النت…

المهندس منسي: يعني لما تيجي تتصل بتوشيبا هتلاقي الأسعار كلها استريت، عمرك ما هتلاقي فرع سعره مختلف عن سعر تاني، إلا لو هوه فتح لنفسه باب الخراب، يعني هوه كده بيبيع على هوا، بيبيع على شطارته مع العميل، هوه وميته مع العميل، يشوف العميل ميته إيه

العميل: دي  بتحتاج كام يا فندم؟

المهندس منسي: بتحتاج واحد

العميل: طيب دلوقتي لو عندي خطوط عايز أجمعها ////// حاجة بودر دي محتاجة مكنة ودي محتاجة مكنة، ولا هي مكنة واحدة بس تشتغل عليهم؟

المهندس منسي: لأ ما هو البودر يتسم بالأنواع، في بودر شديد النعومة، وفي بودر عادي اللي هوه زي سكر البودرة، سكر البودرة ده مختلف مثلاً عن لما تيجي مثلاً تقول مواد بودرة عنيدة زي الدقيق والنشا والبن، دي مواد عنيدة

العميل: تمام….

المهندس منسي: الدقيق والنشا والبن والحنة، دول لوحدهم مكنة تانية، أما النص أتوماتيك…

العميل: طب خلينا نتكلم عن الدقيق والحاجات دي محتاجة مكنة تانية صح

المهندس منسي: آه دي مكنة تانية آه

العميل: إنما الأتوماتيك بتشتغل على كله، هو الفرق في إيه بالضبط؟

المهندس منسي: الأتوماتيك بتاعتنا بتشتغل على الكل، إنما في نص أتوماتيك صب ما بتشتغلش على الكل

الأتوماتيك اللي عندكم بتختلف في إيه؟

المهندس منسي: آه ودعنا الطب خالص وقفلناها واشتغلنا بديزاين جديد خالص ما اتعملش لسه في العالم مكنة بتشتغل على كل الأنواع، وده دايماً الجديد عندنا، يعني إحنا دايماً بنحاول بقدر الإمكان نقدم مكن فيه حلول للمشاكل اللي موجودة

العميل: ربما يكرمكم إن شاء الله ويكتبلكم الخير، عايز أسألك النص أتوماتيك هي اللي بتشتغل على كله، لكن الأتوماتيك هي اللي ما بتشتغلش على كله؟

المهندس منسي: مش كل الهاف أتوماتيك، الهاف أتوماتيك اللي إحنا استحدثناه

العميل: الهاف أتوماتيك بتاعتكم

المهندس منسي: آه… لا ما هو ممكن تجيب هاف أتوماتيك  وتقول المهندس منسي هوه اللي قالي…..

العميل:لا مش هقول الباش مهندس منسي هو اللي قالي…. بس أنا بفهم يعني، يعني الهاف أتوماتيك اللي عندك اللي قلتلي بـ 0 تقريباً دي بتشتغل على كله

المهندس منسي: آه…

العميل: هي بيفرق في إيه يا فندم الهاف من الأتوماتيك؟ بيفرق في إيه بالضبط؟

المهندس منسي: بتفرق فإن الهاف أتوماتيك إنت اللي بتناولها الكيس بإيدك وبعد ما بتناولها الكيس بإيدك بتاخده تحطه على المكنة الإنتاجية، مكنة لحام سير إنتاجية، هي مكنة اللحام ديت بتاخده وتلحمه لوحدها

أما التانية بتمسك الرول تفصله كيس وتعبي في قلب الكيس وتغلف.. إنت ما تعملش أي حاجة بإيدك، عشان كده العامل الواحد ممكن يدير 6 مكنات لـ 10 مكنات، لو هوه عامل أكتيفيتي يدير 10 مكنات لوحده، أما في الهاف أتوماتيك تلاقي كل عامل قاعد لوحده

العميل: آه.. طيب تمام، متشكر قوي يا باش مهندس وربنا يجازيك خير وياريت تسجل رقمي عندك

المهندس منسي: أنا تحت أمرك

العميل: وإن شاء الله يعني هخلي حد من مصر يكلمك ويجيي يزورك ويتكلم معاك إن شاء الله

المهندس منسي: إن شاء الله

العميل: أنا اسمي مؤمن عبد الله

المهندس منسي: أهلاً بيك يا عبد الله

العميل: أنا متشكر قوي يا باش مهندس، متشكر جداً

المهندس منسي: مع السلامة