ماكينة تغليف اللب من شركة المهندس منسي

ماكينة تغليف اللب من شركة المهندس منسي

العميل : سلام عليكم

المهندس منسي : سلام ورحمة الله وبركاته

العميل : أخبارك يا باشا

المهندس منسي : الحمد لله

العميل : شركة المهندس منسي؟

المهندس منسي : أيوه

العميل : إزي الصحة

المهندس منسي : الحمد لله

العميل : بسأل حضرتك على ماكينة تغليف لب

المهندس منسي : آه موجودة

العميل : صناعتها إيه وكام سعرها لو سمحت؟

المهندس منسي : إحنا ماركة مش تجار، يعني إحنا ماركة عالمية مش موجودين في مصر بس، ده إحنا موجودين في مصر والصين وهونج كونج، وقريب قوي هنبقى في إيطاليا وأوكرانيا

العميل : ربنا يوسع عليك

المهندس منسي : يعني ماركة زي توشيبا وزي إل جي وزي الماركات اللي إنت بتسمع عنها، وزي نيسان وكده يعني

العميل : صناعة صينية، إنت عددتلي كل اللي في الصين كده كده

المهندس منسي : إزاي هوه نيسان صيني

العميل : لأ… كل دول مش صيني.. مش صيني

المهندس منسي : بص.. بص هوه المعتاد عندنا في المكن بيقولك صيني إيطالي أسباني مش عارف إيه، الحاجات دي كلها وفي الآخر كله بيصب في الصين، ما هوه مافيش حاجة النهاردة بيقولك إيطالي وألماني إلا الاشتغالات بس

العميل : صح..

المهندس منسي : يعني لما ألمانيا تنزل النهاردة في مطار فرانك فورت أول ما تبص تلاقي الكمبيوترات كلها لينوفو، صيني، ده معنى كده إن ألمانيا بتستورد الكمبيوترات من الصين وفي الآخر هي تصنع المعدات

العميل : لأ طبعاً

المهندس منسي : يعني هتستورد التكنولوجيا من الصين وتعمل الحاجات الميكانيك هي اللي هتعملها

العميل : لأ طبعاً

المهندس منسي : صعب.. صعب يعني.. هي بس الاشتغالات بس، همه نفسهم بيستوردوا المكن من الصين ويروحوا مغيرين السوفت وير ويروحوا باعتينه تاني، بس

العميل : طب كام…

المهندس منسي : إحنا بنعمل إيه، إحنا بنصنع قطع الغيار بره مصر، وبنكمل في مصر وبنجمعه في مصر عشان التكنولوجيا الحديثة بس

العميل : في حدود كام المكنة دي؟

المهندس منسي : المكنة الأتوماتيك ولا النص أتوماتيك؟

العميل : الاتنين حضرتك

المهندس منسي : الأتوماتيك عماله ، علماً بأن الدولار النهاردة بيعمل 10 جنيه لغاية 1/9

العميل : يعني كام كده؟

المهندس منسي : يعني 0 جنيه، ده الكلام ده لغاية 1/9 لو استمر الدولار على ارتفاعه النهاردة بيعمل 12 وحاجات من دي هنضطر في 1/9 نرفع الأسعار، ولكن إحنا مستنيين، أخويا السيسي قال إنه أنا هنزل الدولار، مش عارف هينزله ولا مش هينزله

العميل : هينزله البحر…

المهندس منسي : مرضيناش نرفع الأسعار قولنا إيه، نستحمل 15 يوم نشوف لو ما نزلش يبقى نطلع إحنا بقى

العميل : كله يستمنى الدولار ينزل، كله يستمنى

المهندس منسي : كلنا نتمنى آه

العميل : حضرتك في باب الشعرية صح؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : لا أصل أنا من الصعيد فبشوف أقرب حاجة لينا يعني

المهندس منسي : طيب ماشي

العميل : من الصعيد أقربلنا باب الشعرية

المهندس منسي : ماشي يا غالي

العميل : ماشي متشكرين يا باشا، مع السلامة