ماكينة تغليف أرز وسكر وبقوليات من شركة المهندس منسي

ماكينة تغليف أرز وسكر وبقوليات من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: إزي حضرتك يا فندم

المهندس منسي: الحمد لله

العميل: كنت عايز أسأل حضرتك على مكنة التغليف الأتوماتيك أسعارها إيه؟

المهندس منسي: ما هو مكن التغليف كتير قوي إنت عايز تغلف إيه؟

العميل: والله أنا لسه بادئ في الموضوع وعايز أغلف رز وسكر وبقوليات

المهندس منسي: آه

العميل: وعاوز مش عاوز مكنة كبيرة خالص عاوز مكنة في الوسط يعني كبداية يعني

المهندس منسي: حاجة نص أتوماتيك مثلاً

العميل: لأ عاوزها أقل حاجة في الأتوماتيك

المهندس منسي: ما هوه خلينا نقولك الأول على النص أتوماتيك وبعدين نقولك على الأتوماتيك ولا رأيك إيه؟

العميل: تمام

المهندس منسي: يعني النص أتوماتيك بتعمل دلوقتي حوالي 25000 ولا 24000، استنى كده أحسبها لك، هي النص أتوماتيك عموماً بتعمل

العميل: آه

المهندس منسي: لما نقول الدولار بـ 16

العميل: لأ أكتر من 16

المهندس منسي: إحنا بنحسب على 16

العميل: تمام ماشي

المهندس منسي: إحنا عارفين إنه النهاردة بـ 20 كمان، بس بنحسب على 16 عشان إحنا كنا شارين بـ 16

العميل: هوه المتوسط أقصدك تمشي السوق

المهندس منسي: نمشي الحركة هنعمل إيه

العميل: تمام.. والله كله عايز ياكل عيش، عارف أنا بعيد عنك كمان

المهندس منسي: يعني تعملها في حدود النص أتوماتيك

العميل: طب والأتوماتيك؟

المهندس منسي: بتعمل يعني حاجة و

العميل: آه… يعني حوالي

المهندس منسي: آه في الحدود دي

العميل: طب إيه الفرق ما بين الأتوماتيك والنص أتوماتيك؟

المهندس منسي: لأ هوه لما نقول… لأ مش حاجة وتسعين لا… آه في الحدود دي آه

الفرق ما بينهم إن النص أتوماتيك إنت بتحطلها الكيس بإيدك، أما التانية ما بتحطلهاش الكيس، هي بتاخد الرول تفصله كيس وبعد كده تعبي وتغلفه

العميل: آه يعني التانية بتعوز عمالة أكتر اللي هي النص أتوماتيك

المهندس منسي: هنا عامل واحد وهنا عامل واحد بس

العميل: بس قصدي في الإنتاج والشغل والتأسيس يعني الأحسن الأتوماتيك صح؟

المهندس منسي: آه طبعاً الأحسن الأتوماتيك من حيث توفير الجهد

العميل: الجهد وبرده أكيد الخامة بتاعت الكيس لما أجيبها رولات… ولا هي هي؟

المهندس منسي: لأ هي هي ما هو إنت ممكن تاخد الأكياس متفصلة جاهزة وحد يقعد يعبي الكيس وبعد كده يرميه على السير

العميل: آه يعني دي المكنة نفسها هي اللي بتعبي برده؟

المهندس منسي: أيوه

العميل: آه.. آه.. أصل أنا دخلت على الفيديوهات بتاعت الشركة وشفت المكنة دي والمكنة دي

المهندس منسي: آه

العميل: آه… طيب بالنسبة للأكياس بكام الكيلو البلاستيك ولا بيبقى؟؟؟

المهندس منسي: دي بقى إنت بتجيب التصميم اللي إنت هتعمله وتيجي تقعد مع المبيعات همه هيقلولك

العميل: في حدود كام بس مبدئياً؟

المهندس منسي: عايزني أقول سعر كده يعني؟ أراوند سعر كام حولين كام يعني؟ في حدود 32 حاجة زي كده يعني 35

العميل: للكيلو؟

المهندس منسي: الكيس بيقف حوالي 16 ـ 20 ـ 25 قرش

العميل: طب الاسطمبة بتتكلف كام؟

المهندس منسي: اسطمبة إيه؟

العميل: اللي بتتعمل في الأول ولا هوه من غير اسطمبة ولا حاجة؟

المهندس منسي: مافيش اسطمبة

العميل: طبعة كده برنتر يعني

المهندس منسي: آه

العميل: ده اللي هوه للكيس الوسط يعتبر ولا إيه؟ ولا ده أقل سعر؟

المهندس منسي: لأ ده هوه ده سعر الكيلو أكياس مطبوع جاهز متفصل

العميل: تمام.. قصدي الخامة يعني ده بالنسبة لسعر الخامة الوسط؟

المهندس منسي: لأ دي العالية أعلى حاجة، إحنا ما بنطبعش إلا روتوجرافيك

العميل: آه… لكن وسط بحيث لو عايز أطبع الوسط بحيث السوق بس إنت عارف السوق مريح

المهندس منسي: مش عندنا، إحنا عندنا الهاي بس، الهاي ليفل، يعني أعلى حاجة

العميل: طب إنت تنصحني بإيه طيب في البداية

المهندس منسي: والله شوف سوقك، هوه سوقك هوه اللي هينصحك مش أنا، إزاي؟؟؟

العميل: والله أقول لحضرتك حاجة، أنا كلمت حضرتك عشان لقيت الشركة مسمعه على النت عامله دعاية بحيث إن أنا عاوز شركة يبقى فيها قطع غيار وكلام دوت موجود؟

المهندس منسي: شركة نشطة

العميل: وأنا بعيد عنك أنا مش في القاهرة، أنا في جنوب سيناء

المهندس منسي: مافيش مشكلة

العميل: فأنا عندي هنا العملية برده بين البنين، فيها الكويس اللي بيشتري، وفيها الوسط

المهندس منسي: تنزل الأول تشك على السوق هتشوف مكانك فين؟؟ هتشتغل على الشعبي، ولا هتشتغل على… الشعبي سعره أرخص، يعني سعر الأكياس الشعبي النهاردة يعمله في حدود 28 ـ 25

العميل: أنا عايز أشتغل على الوسط

المهندس منسي: ما هوه مافيش…

العميل: لا شعبي يا هاي صح؟

المهندس منسي: هاي ليفل آه

العميل: إنت حضرتك فرع المكتب فين؟ في باب الشعرية؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: لأ أنا جدي في الأميرية يعتبر قريب من باب الشعرية، ده أحسنلي أقرب حاجة ليا

المهندس منسي: هبعتلك عنوان باب الشعرية دلوقتي

العميل: يعني نيجي نتفرج على… طب الكتالوج ولا حاجة ممكن أجيبها إزاي؟

المهندس منسي: عادي خلي حد ييجي ياخده أو اكتب على النت المهندس منسي

العميل: آه.. تمام.. لا أنا عايز آجي أقعد مع حضرتك أو أقعد مع حد

المهندس منسي: هبعتلك تليفون المبيعات بحيث إنك تروح تتفرج على المكنة، تتفرج على الخامات، تتفرج على كل حاجة

العميل: طيب تمام زي الفل، ماشي يا باشا، شاكر أفضالك يا باشا