ماكينة تعبئه اللب من شركة المهندس منسي

ماكينة تعبئه اللب من شركة المهندس منسي

  

ماكينة تعبئه اللب من شركة المهندس منسيالعميل: سلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك مين معايا

العميل: معاك السيد الشربيني من  إنت عارفني أنا كنت كلمتك من شهر

المهندس منسي: آه أهلاً وسهلاً

العميل: لما أنا قلتلك إنت من المنصورة أنا من عندكم

المهندس منسي: آه إزيك يا عم سيد

العميل: إزيك يا بيه

المهندس منسي: الحمد لله

العميل: إن شاء الله عايزين نجيلك عشان المكنة بتاعت اللب

المهندس منسي: ماشي يا باشا تيجي تنورني

العميل: اللي هي الصغيرة، اللي بتعمل الفزدق واللب والقرع

المهندس منسي: إن شاء الله

العميل: طيب إنت عارف إن إحنا مشوارنا بعيد

المهندس منسي: آه….

العميل: نيجيلك طبعاً المكن موجود ولا بالحجز ولا إيه النظام؟

المهندس منسي: موجود إن شاء الله

العميل: ماشي طيب لو سمحت إحنا هنبقى 3 أنفار والعربية ربع نقل طبعاً ما تاخدوناش، ممكن نجيب عربية تمنايه عارفها اللي هي الميكروباص صغيرة دي

المهندس منسي: لا تجيش فيها، دي عايزه مكنة نص نقل تشيلها، دي مكنة وزنها 300 كيلو

العميل: طيب لو جبنا عربية 2 كبينه

المهندس منسي: مش عارف… دي حاجات بسيطة، لو عايز تدفع وتخلص وبعد كده المكنة تجيلك براحتك، لو عايز عربيتك معاك براحتك، دي حاجات مش عارف يعني….. عربية 2 كبينه يعني عامل إيه

العميل: ما إنت عارف العربية الدبل 2 كبينه ديت ممكن تتحط فيها من ورا

المهندس منسي: آه ممكن تتحط فيها من ورا آه

العميل: آه عشان هنبقى 3 أنفار والجو إنت عارف برد

المهندس منسي: آه…

العميل: طيب ماشي يا بيه، طبعاً على اتفاقنا طبعاً هي بـ 37000

المهندس منسي: 38500

العميل: ليه يا باشا أنا مكلمك قولتلي 37000

المهندس منسي: خلاص مادام كلمتني وقولتلك 37000 والله ما أزعلك

العميل: آه والله يا باشا

المهندس منسي: بس هي هيترفع سعرها كمان أسبوع ولا 10 أيام هيبقى 38500 فإنت إلحق بقى.. الدولار عمال يطلع يطلع… يطلع

العميل: لا والله أنا بس اللي كان مأخرني الفترة اللي فاتت ديت تقصير الفلوس بس، فأنا إن شاء الله هجيلك خلال الأسبوع ده هكون عندك

المهندس منسي: ماشي يا حبيبي

العميل: ماشي يا بيه مع السلامة مع ألف سلامة

المهندس منسي: مع السلامة