ماكينة تعبئة و تغليف العصير البودرة أتوماتيك من شركة مهندس منسي

ماكينة تعبئة و تغليف العصير البودرة أتوماتيك من شركة مهندس منسي

العميل: صباح الخير.

المهندس منسي: سلام عليكم.

العميل: سلامة يا باشا.

المهندس منسي: أهلاً بيك، مين؟.

العميل: هو انا اللي كنت كلمت حضرتك دلوقتي، كنت بسأل علي المكنة بتاع التعبئة والتغليف بتاع العصير.

المهندس منسي: أيوة اتفضل.

العميل: كنت بس عايز اسأل هي المكنة الموجودة عند حضرتك حنفية واحدة ولا اتنين ولا كام حنفية

المهندس منسي: طب معلش ممكن تعيد الحوار تانى لأنك انت مكملتنيش انت كلمت تليفون متحول.

العميل: تمام التليفون اتحول، كنت بسأل عالمكنة اللي بتعبي العصير البودرة.

المهندس منسي: أه

العميل: اللى هي الأتوماتيك.

المهندس منسي: أه أتوماتيك أه، هي عاملة بس

العميل: هو قاللي عاملة 0 جنية.

المهندس منسي: أه

العميل: ب45 خالصة لحد ماستلمها أنا.

المهندس منسي: هي جاهزة مش 5 هي جاهزة.

العميل: تمام أوكي

المهندس منسي: انت بتيجي بس وتستلم.

العميل: تمام، كام مخرج من الأدوس بتاعها.

المهندس منسي: مش فاهم أصل السؤال ده ماتصاغش كدة، يعني ايه كام مخرج من الأدوس؟ يعني دلوقتي هي 4 يعني مثلا أقعد أقولك مثلًا انت ليك في الأخر بتطلع كذا كيس فى الساعة مثلًا.

العميل: تمام، طيب، لا أنا قصدي حاجة تانية بس ماشي كام كيس في الساعة؟

المهندس منسي: يعني هي مثلًا فيها امكانية فيها أوبـ فيها امكانية لغاية لغاية مثلًا 70 كيس في الساعة، دي امكانية دي، معايا؟

العميل: تمام تمام، 70 كيس فى الساعة.

المهندس منسي: ولكن انت مش هاتقدر تعمل 70 كيس فى الساعة لأن الخامة بتاعتك هاتتسحب على Time أد ايه؟ والبودرة.

العميل: علي حسب أنا بنزل كام جرام، حسب أنا دايس على كام جرام.

المهندس منسي: لأ لأ لأ، عمليه اللحام دية عملية السرعة بتتحدد بناء على قابلية الخامة للحام احنا مهندسين مش تجار، مش هانقعد نحسب

العميل: ماشي حضرتك أنا.

المهندس منسي: بس والنبي أخلص كلامي وبعد كدا ابدأ كلامك، لأن انا

العميل: على فك.لأعلى فكرة هقول لحضرتك حاجة أنا مهندس مش تاجر برضو.

المهندس منسي: طب لا انت المفروض تكون أدرى بالحاجات دية السرعة دية

العميل: أنا فاهم، أنا شغال في مجال الفوم، مشتغلتش في المجال ده قبل كده، فأنا مجال الفوم عندي مختلف.

المهندس منسي: مجال الفوم اللي هو إنهُ بقى؟

العميل: ال ABS الفوم الأبيض الABS الفوم الأبيض.

المهندس منسي: أه، ممكن تعمله فوم بوليوريسان؟

العميل: بوليسايرين.

المهندس منسي: بوليسايرين أه، يعني انت بتعمله ABS  وبوليسايرين؟.

العميل:أه تمام

المهندس منسي: إنما انت مابتعملوش فوم من البوليوريسان؟.

العميل: لا

المهندس منسي: طب لو طلبت طلبية خاصة علي الأقل 5 طن ممكن تعملوهولنا لحسابنا؟

العميل: لأ هاتبقى صعب، بس ممكن أسألك في الموضوع ده

المهندس منسي: أه ياريت بالله عليك أهو جيت تبيع جيت تشت  جيت تشتري بعت أهو.

العميل: ماشي، خلاص أنا هسألك.

المهندس منسي: بناء على ايه على نوعية الخامة، وسماكتها، واللامينيشن بتاعها والتركيبة بتاعتها .

العميل: تمام.

المهندس منسي: وبرضو نزول الخامة من النزل.

العميل: أه

المهندس منسي: هو يستحسن بدل مانوصفلك المكنة فى التليفون فانت كده هاتبقى عرضى للي هايتكلم أحسن.

العميل: تمام.

المهندس منسي: فأنا رأيى ان انت تيجي تتفرج انت بتتكلم مع ماركة مش بتتكلم مع واحد تاجر راح اشترى مكنتين من الصين وتنه جاى، لأ ده احنا ماركة احنا بنصنع ال Spare parts  وبعـ  Spare parts  بره قطع غيار وبعد كده بنجمعها، دايرة الاليكترونيك بتاعتنا، بتاعتنا احنا مش هقولك سيمينز ولا شنايزر ولا كل الأفلام اللي..

العميل: هي PLC  ولا ؟

المهندس منسي:مانا جايلك أهو، احنا عاملين PLC للمهندس منسي، يعني  PLC خاص بيا أنا، فيه عدد اوبشن بتاع المكنة بالضبط، لا زيادة ولا نقصان فده هايريح التكنيكال، أي صيانة.

العميل: أكيد طبعًا.

المهندس منسي: أنا براهن عالمكنة بإن صاحب المكنة بقى مهندسها خلال 6 أشهر، ليه؟، لأني مبسطها عالأخر PLC بتاعها هي، يعني عامله بتاع المهندس منسي، هتلاقي كل المكن اللي عندنا كبير صغير هو PLC  واحد.

العميل: أه تمام.

المهندس منسي: فده نجاح في حد ذاته، مش أروح أجيب PLC شنايزر ولا PLC أقل من كده.

العميل: ولا سيمنز ولا.

المهندس منسي: وأقعد اشوف في بقى برمجة ومبرمجاش، والمهندس بتاع البرمجة جه والمهندس بتاع ال مش عارف إيه، وده مهندس برمجة وده مهندس مش عارف ايه ايه وجع الدماغ ده .

العميل: أيوة صح.

المهندس منسي: فكل ما فكل ما ما شيلت من الحاجات دية المتاهات بتاعتها كل مابقت صيانتها أبسط بكتير.

العميل:وبقت المكنة أبسط كمان.

المهندس منسي: أه أبسط وأوضح وكل حاجة.

العميل: تمام، بالنسبة للبرينت عند حضرتك؟

المهندس منسي: برينت ايه .

العميل:البرينت اللى هو بتاع الاكياس.

المهندس منسي: أه، البرينت بتاع تاريخ الصلاحية والكود؟

العميل: والاسم والكلام ده.

المهندس منسي: أه، بيركب عليه أه.

العميل: بيركب عالمكنة نفسها.

المهندس منسي: أه.

العميل: تمام، ده عامل كام.

المهندس منسي: ،  4000جنية مصري.

العميل: 400 جنيه، بكتب اللي أنا عايزه وهو بيعمله برينت.

المهندس منسي: مضبوط، أه.

العميل: تمام ماشي خلاص، ضمانها ازاي حضرتك؟

المهندس منسي: ضمانها لمدة سنة ضد عيوب الصناعة و10 سنين توفير قطع غيار، أهم من ده كله إن انت تعرف إن دي الماركة الوحيدة في العالم العربي، ده الماركة الوحيدة اللي موجوده، فيعني ماركة يعني معناها إن احنا بنحافظ على اسمنا.

العميل: أكيد طبعا.

المهندس منسي: مش تجار، لأن في شركات تجارية كتير في السوق مبهدلة الدنيا.

العميل: أكيد في كل المجالات.

المهندس منسي: أه، في كل المجالات، وفي شركات محترمة، ماهو مش الصوابع مش زي بعضها.

العميل: أكيد طبعا في كل مجال فيه الشركات الكويسة وفي الشركات اللي بتجيب شوية شغل من الصين وبتبيعه وخلاص.

المهندس منسي: مضبوط أه .

العميل: تمام تمام، تمام حضرتك بقى محتاج الفوم في إيه بالضبط؟.

المهندس منسي: عندنا السدادة بتاعت الـ السدادة بتاعت بق العبوة.

العميل: السدادة بتاع بق العبوة.

المهندس منسي: احنا عملنا قبل كده في المانيا كمية كبيرة وخلصت، كنا عاملينها من خامة البوليوريسان.

العميل: هي أد ايه؟ ولا صناعتها ايه؟

المهندس منسي: عملناها من خامة البوليوروسان وعملناها من خامة ال VBA  وعملناها من خامة البولي  ايثلين.

العميل: تمام، المقاس بتاعها ايه؟

المهندس منسي: لأ ماهو مش عملية المقاس بقى احنا بنعملها شيت ونقطعها.

العميل: أه يعني انت بتقطع عندك، مش جايالك متقطعة؟

المهندس منسي: نعم.

العميل: انت اللي بتقطع عندك يعنى.

المهندس منسي: أه.

العميل: انت عايزها شيت بس، تمام، طب حضرتك جربت ال XBS اللي هو الفوم الأزرق؟

المهندس منسي: لا.

العميل: ده بيبقى ايه بيبقى نظامه بيبقى سمكه 5سم أو 3سم او حسب ماتحب.

المهندس منسي: أه، لأ ده السماكة بتاعتها بتبقى 2مم.

العميل: 2مم، أه ده انت عايز شريحة.

المهندس منسي: طب خامة البوليسارين وال VBS مش هاتنفع معانا عشان بتدوب في المذيبات.

العميل: أه

المهندس منسي: خامة البوليوسرين مبتتأثرش بالمذيبات.

العميل: تمام، خلاص أنا هرد على حضرتك عالموضوع ده، وهشوف الدنيا فيها ايه.

المهندس منسي: كنت عايزه ياريت بعد إذنك على البوليوسرين.

العميل:هو أنا في أقرب وقت هكون عندك إن شاء الله .

المهندس منسي: إن شاء الله تيجى تنورنا، هو أنا مستشار الشركة مش مبيعات، اللي بيكلمك  وليا هو ده المبيعات هابعتلك تليفونه في رسالة دلوقتي حالاً.

العميل: اه.

المهندس منسي: مهندس زكريا ومنذر وأحمد، والمهندس أحمد حسن، دول ادارة المبيعات اصلًا.

العميل: تمام، مافيش مشكلة.

المهندس منسي: ماشي ياباشا.

العميل: شكرا، سلام عليكم.

المهندس منسي: سلام.