ماكينة تعبئة وتغليف السكر الاتوماتيكية من شركة المهندس منسي

ماكينة تعبئة وتغليف السكر الاتوماتيكية من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المنسي للصناعات الهندسية والتغليف الحديث إم تو باك

المهندس منسي : أيوه

العميل : الماكينة بتاعت تغليف السكر بتاع كيلو

المهندس منسي : آه عايز تعبي وتغلف السكر

العميل : آه بتاع الكيلو الخط كامل أتوماتيك كامل كام سعرها؟

المهندس منسي : مكنة تعبئة وتغليف السكر أتوماتيك كاملة ، يعني 0 جنيه مصري

العميل : هادا خط كامل

المهندس منسي : آه دي تديلها السكر تنزلهولك في أكياس

العميل : آه يعني في الساعة تديني طنين مثلاً

المهندس منسي : آه ممكن في الساعة 3 طن كمان

العميل : طيب صناعة مصرية ها؟

المهندس منسي : لا صناعة… دي ماركة، مش صناعة أي بلد، دي ماركة، براند عالمي

العميل : ماركة شي…

المهندس منسي : براند عالمي، زي مثلاً لما تقول توشيبا، زي آي فون، زي سامسونج، إحنا ماركة، مش صناعة أي بلد

العميل : آه كويس، يعني مش مستوردينها يعني؟

المهندس منسي : لأ مستوردنها على الأقل 75% من… 65% من قطع الغيار، يعني مستوردين أجزاء من قطع الغيار ومكملنها عندنا

العميل : كويس يعني هي بلد المنشأ وين…

المهندس منسي : يا سيدي الفاضل بقولك دي ماركة.. ماركة.. براند، يعني إنت هتروح لآي فون هتقوله بلد المنشأ فين؟

العميل : أمريكي واضحة

المهندس منسي : آه.. آه… لا ما هو مش أمريكي وبس، أمريكا واليابان والصين واخد بالك، لا همه كمان بيعملوا الآي فون في الصين مش في أمريكا، ده اللي أمريكا دول بيسوقوه، ماشي

العميل : 100% فهمت عليك

المهندس منسي : فهمت إيه؟؟ ما هو كلمة إتش بي هتقول برده بتصنعوا فين؟؟؟ ما هو نفس العملية فهمتها إزاي، يعني إحنا مثلاً ممكن نصنع قطع الغيار في تايوان، ممكن نصنعه في هونج كونج، ممكن نصنعه في الصين، ممكن نصنع 50% في الصين و25% في اليابان، أنا ممكن أقولك دلوقتي القطع بتاعتها ياباني، ما أنا جايب 25% منها من اليابان واخد بالك، ولكن ما ينفعش إني أقولك كده، لأن إحنا شركتنا أشهر من إني أنا أقلك إحنا جايبنها من أي بلد، فهمتني

ده رقم 1، رقم 2 إنت في إمكانية إنك تغير المواتير، عايز المواتير إيطالي، عايز المواتير ألماني، عايز المواتير صيني… براحتك

العميل : طيب معلش سؤال تاني، في صناعة تاني شركة مصرية تسمع فيها

المهندس منسي : طيب كلمني كمان شويه بعد إذن عشان انا سايق ومش عارفة اكتب كتير علي الواتس، مع السلامة