ماكينة تعبئة وتغليف أكياس الملح من شركة المهندس منسي
ماكينة تعبئة وتغليف أكياس الملح من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: معلش أنا خارج مصر فكنت عايز أستفسر من حضرتك على حاجات كده بسرعة
المهندس منسي: اتفضل
العميل: الأتوماتيك اللي هي التعبئة والتغليف بتاعت أكياس الملح 500 جرام
المهندس منسي: في نص أتوماتيك وفي أتوماتيك كامل، النص أتوماتيك بتعمل ، والأتوماتيك بتعمل
العميل: طيب يا فندم كيلو البلاستيك عشان خاطر الـ 2 لون…
المهندس منسي: لا.. الحاجات بتاعت الطباعة ومواد التغليف دي حضرتك هتشرفنا بالزيارة ومعاك الديزاين وتختار الخامة وهنعرف منك الكمية، وهنعرف منك بعض الأبعاد… بناء عليه نبدأ نحدد ،
العميل: مش في مثلاً بيقولوا الكيلو عامل مثلاً.. أنا كنت طبعت قبل كده بلاستيك الكيلو بيبقى معروف 2 لون أو 3 لون….
المهندس منسي: لا.. اللي إنت طبعته بلاستيك مش حديث، اللي إنت طبعته ده هاي ولو وحاجات من دي، إنما اللي عندنا حاجة تانية، حاجة اسمها تغليف عصري حديث، يعني لامينيتد كله، يعني بولي إستر مبطن ببولي إيثيلين، بولي إستر مبطن ببولي بروبلين، بولي إستر مبطن بـ بي إيه آيه، واخد بالك، أنواع كتيرة وأشكال كتيرة، وبعدين الطباعة اللي إنت طبعتها حاجة اسمها فليكسو جرافيك، أما الطباعة عندنا حاجة اسمها روتوجرافيك
العميل: فهمت حضرتك ما شاء الله … الله يبارك لك إدتني معلومة مهمة جداً بصراحة
المهندس منسي: الله يخليك
العميل: طب مكنة الطحن طيب؟
المهندس منسي: بتعمل في حدود
العميل: دي سكاكين ولا عبارة عن إيه؟
المهندس منسي: آه بتبقى سكاكين بس الميزة اللي عندنا إن مكنة الطحن بتاعتنا مش اللي هي معمولة في مصر اللي بتغبر وتبهدل الدنيا وصوتها يجيب آخر الدنيا دي، لأ، المكنة عندنا تقدر تشغلها في جو هادي جداً، والدك بتاعها يكاد يكون معدوم، الدك اللي هوه التراب اللي بطلعه، محكمة ويعتبر صوتها ضعيف، الضوضاء اللي طالعه منها تكاد تكون 30، على عكس هنا اللي بيعملوها شواكيش ديت بيبقى طالع منها نويز حوالي 140
العميل: مش دي عبارة عن برميل وسكاكين بدور فيها دائرية يعمل خلط؟
المهندس منسي: لأ يا راجل.. لا.. أحلى حاجة فينا إن إحنا بنبسطها… لأ مش كده خالص، ده هي بتبقى عبارة عن شواكيش بسكاكين بتمر على محور، واخد بالك… يعني بنرسمها وبنعمل السبير بارتز بتاعتها أغلبها في اليابان وبنجيبها…
العميل:ما شاء الله عليكم
نظيفة يعني، تحس بفرق جامد
العميل: أنا جيت في سنة من السنين، بس الكلام ده من 7 سنين كنت عندكم في باب الشعرية، كانت عبارة عن ممكن شقة أو دور كامل ما شاء الله عليكم يعني
لأ إحنا خدنا دلوقتي كمان جنبها في باب الشعرية، عندنا دلوقتي في مدينة نصر وحدائق القبة، و 6 أكتوبر، والعبور
العميل: ما شاء الله… مافيش حاجة مثلاً تبقى أرخص من كده، مافيش عندك موديل أرخص من كده تكون أتوماتيك؟
المهندس منسي: في أتوماتيك هاند فيد، يعني حد بيلقملها الكيس بإيده وهي تاخد تعبي وتلحم وترمي
العميل: مش هي النص أتوماتيك ولا مختلفة؟
المهندس منسي: لأ مختلفة، لأن النص أتوماتيك إنت بتحط الكيس يتعبى وتحطه على السير، دي بتوفر لك عملية السير، دي إنت بتحط الكيس يتعبى ويتلحم ويترمي
العميل: دي تعمل كام؟
المهندس منسي: دي تعمل بالمصري حوالي 45
العميل: هتفرق كتير عن النص أتوماتيك، يعني لو استخدمت النص أتوماتيك اللي هي ب دي، هتغنيني مثلاً عن الهاند فيد
المهندس منسي: هي هتوفر لك جزء من عامل، مش العامل كله
العميل: يعني مش هتفرق كتير؟
المهندس منسي: مش هتفرق كتير آه، بس هوه إحنا عشان حساب التكاليف عندنا ما بتفرقش في سعر العامل، وما بتفرقش مش في عارف إيه… مش هتفرق كتير، إنما لو إنت مسكت ورقة وقلم وقلت أنا وفرت أد إيه… هتلاقي في كل عبوة إنت وفرت 2 ثانية يعني معناها إن ألف يعني كده بتتكلم في ألفين ثانية × حساب العامل بكام ×.. ×… ×… الحاجات دي بتتحسب تلاقي إنت كسبان أكتر شويه
العميل: إنت صح.. لأ منك نستفيد ما شاء الله
المهندس منسي: الله يبارك لك
العميل: ماشي يا فندم، العبوة عارف عبوة الملح النص كيلو أو 700 جرام
المهندس منسي: آه
العميل: في منها عبوة ممكن نخليها كيلو؟
المهندس منسي: عادي إنت العبوة براحتك تقدر تعملها نص كيلو، تقدر تعملها كيلو.. براحتك مافيهاش مشكلة
العميل: أنا عايز الخامة نفسها بتتكلف كام عندك، أنا عارف إنه في عندكم عبوات أزايز وحاجات معينة كده
المهندس منسي: آه..
العميل: اللي هوه كان عندك الألف بيتكلف كام؟
المهندس منسي: مش عملية الألف يتكلف كام… إحنا ممكن نوفر العبوة مثلاً بـ 65 قرش، وممكن بجنيه، وممكن بـ 3 جنيه، لأنه العبوة بيبقى حسب وزنها، عموماً بتتباع فوارغ بالكيلو، يعني لما تيجي تجيب الألف عبوة تمسكهم تحطهم على ميزان ساي هيطلعه 200 كيلو أو 100 كيلو، يبقى سعر الكيلو كذا
العميل: آه يعني هي مش بالعبوة، أصل فاكر مرة عندكم قلتلي بالعبوة مش بالكيلو
المهندس منسي: ما هوه بالكيلو هي بالعدد هي بالعبوة يعني لو إنت حسبتها بالكيلو هتلاقيها هي هي…
العميل: تمام شكرا يا فندم