ماكينة تعبئة دقيق ورز نص اتوماتيك من شركة المهندس منسي
ماكينة تعبئة دقيق ورز نص اتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا حاج عامل إيه
المهندس منسي : الحمد لله
العميل : كنت بستفسر عن المكن بتاع تغليف الحاجة، كنت عايز أسأل على أسعاره وكده
المهندس منسي : آه حاجة إيه بقى؟
العميل : دقيق ورز وكده
المهندس منسي : آه
العميل : المكن عند حضرتك بيبدأ سعره من كام؟
المهندس منسي : من
العميل : يعني كام يعني مصري؟
المهندس منسي : اضرب × 12.5 شوف هيطلع كام
العميل : 12.5 بس؟
المهندس منسي : آه
العميل : طيب يعني يعمله في حدود 15000 ولا حاجة
المهندس منسي : آه في الحدود دي
العميل : ده أقل مكنة، مافيش مكنة أقل من كده؟
المهندس منسي : لا دي نص أتوماتيك
العميل : طب هي النص أتوماتيك دي حجم إنتاجها أد إيه؟ يعني بتعمل أد إيه في اليوم؟
المهندس منسي : بتعمل في اليوم 10 طن مثلاً
العميل : مافيش حاجة أقل من كده؟ أصل في واحد قالي في 3 طن، يعني بتعبي 3 طن، في مكنة صغيرة بتعبي 3 طن، قالي في حدود ، فكنت بستفسر بس من حضرتك على كده
المهندس منسي : الكلام ده كان إمتى؟ أيام ما كان الجنيه عفي كده وشادد حيله كان الدولار بـ 5.50 فكنا بنبيعها بـ كان آه بتعمل ده وأقل من كده كمان، إنما هوه الجنيه نزل فهوه ده اللي علا الأسعار، يعني إحنا سعرنا في الدولار ما نزلش خالص
العميل : ما هو أنا عارف.. عارف
المهندس منسي : الجنيه اللي عمال ينزل
العميل : ربنا يسترها علينا، يعني هي أقل مكنة في حدود 15000، مافيش أقل من كده
المهندس منسي : لا مافيش أقل من كده
العميل : ماشي يا باشا، شكراً
المهندس منسي : مع السلامة