ماكينة تعبئة بندق وكاجو ولب من شركة المهندس منسي

ماكينة تعبئة بندق وكاجو ولب من شركة المهندس منسي

مهندس منسي : سلام عليكم

العميل : عليكم السلام ورحمة الله وبركاته.. شركة المهندس منسي

مهندس منسي : أيوه

العميل : أنا كنت كلمت حضرتك من يومين كده

مهندس منسي : آه

العميل : بخصوص الماكينة اللي هي بتعبي من 20-500 جم آلي

مهندس منسي : آه اتفضل

العميل : حضرتك بس عايز أعرف تفاصيل عن الماكينة إيه

مهندس منسي : ما هوه أنا مش فاكر أي ماكينة إيه

العميل : أنا عايز ماكينة تعبي من 20-500 جم

مهندس منسي : آه تعبي إيه بقى؟ يعني عدلي الحوار تاني لأن أنا بالتأكيد نسيت

العميل : ما في مشكلة، عندنا هنعبي بندق وكاجو ولب سوري ولب سوبر وحمص وحاجات من دي

مهندس منسي : في ماكينة نص أتوماتيك وفي ماكينة أتوماتيك كاملة، النص أتوماتيك بـ والأتوماتيك بـ ، هوه أنا يومها ما قولتلكش المواصفات؟

العميل : ما هوه إنت كلمتني كنت راكب المترو تقريباً وما كنتش عارف أكلمك فقولتلي خاليها لبكرة ولا حاجة، أنا عايز أعرف أسعار المكن

مهندس منسي : لا إنت تمسك ورقة وقلم وتحسب بسعر الدولار النهاردة كام

العميل : طيب خلاص خليك معايا لحظة كده

مهندس منسي : لا وإنت هتمسك ورقة وقلم دلوقتي وإنت معايا؟

العميل : آه أنا عايز أنجز

مهندس منسي : كده يكون أفضل

العميل : أصل أنا دلوقتي في السعودية فلسه هنزل فعايز أكون مظبط بحيث أنزل معايا المصاريف إن شاء الله

مهندس منسي : نص أتوماتيك بـ

العميل : طب والأتوماتيك كام

مهندس منسي : الأتوماتيك عاملة

العميل : طب حضرتك إنتم بصنعوا الأكياس برده ولا بنعملها بره

مهندس منسي : آه بنصنع الخامات بس الخامات ما أقدرش أقول سعرها لسبب بسيط، لأن أنا لسه مش عارف الديزاين إيه ولا هتشتغل فيه إيه ولا عارف العنوان ولا الكمية ولا الخامة اللي إنت هتطلبها إيه فده يبقى صعب إن أنا أقولك سعرها

العميل : تمام.. طيب دلوقتي كنا عايزين يعني مثلاً التصميم بيبقى عندكم ولا بعمل التصميم بره وأجيب لكم

مهندس منسي : اعمل التصميم بره عند أي واحد بيطبع أوفست عادي أي واحد بيعمل تصميم بيعملهولك وبناء عليه نشوف

العميل : طيب بالنسبة للكميات بتاعت الأكياس ممكن تعمل كام كيلو

مهندس منسي : الـ إيه… 250 كيلو

العميل : 250 كيلو.. طيب ماشي لو هاعمل مثلاً 6 أصناف

مهندس منسي : آه.. شوف عرض الصنف أد إيه، لأن السلندر آخره عندنا 50 سم

العميل : 50 سم

مهندس منسي : آه

مهندس منسي : يعني شوف الأصناف عرضها أد إيه، يعني مثلاً لو عندك عرض مثلاً 14، نقول 14 × 3 بكام بـ 42… وهكذا

العميل : طب خامة الأكياس بتبقى كام سم أو كام مم

مهندس منسي : لا خامة الأكياس… كام مم إزاي مش فاهم، لا هوه المستحسن السائد في الأكياس إن إنت بتجيب كيس وإحنا بنعملك زيه

العميل : طب لو عندي مثلاً تصميم معين وعايز أعمله

مهندس منسي : آه

العميل : بتنفذوه برده

مهندس منسي : آه طبعاً كل تصميمات

العميل : طب مثلاً لو عايز خلفية عن الأكياس، يعني مثلاً ممكن لو هنعمل حاجة نظيفة حاجة كويسة بكل شيء….

مهندس منسي : ما أنا هقولك بناء على إيه، ما أنا بقولك البضاعة ديت عبارة عن 4 حاجات أو 5 حاجات لازم يتوفره أدامي، هقولك أي سعر وخلاص.. خلاص 5. للكيلو

العميل : 5.

5 مهندس منسي :  دولار للكيلو، واخد بالك، ده طبعاً اللي ادتهولك ده أدنى سعر عندنا

العميل : تمام

مهندس منسي : يوم ما هديلك هديلك أدنى سعر مش هديلك أعلى سعر

العميل : أنا هعمل كميات، هعمل من كل نوع 6 أصناف هعمل 500 كيلو

مهندس منسي : بص حضرتك بالنسبة للخامات صعب التكهن بسعرها، أما بالنسبة للمكن… فأنا قلتك سعر رغم إن كتير قوي ما يقولكش سعر

العميل : طب لو أنا….

مهندس منسي : فأنا دلوقتي بالنسبة للخامات قولتها لك، بالنسبة للمكن قولتها لك لأنها معروفة مكنة كذا بكذا، فهمتني إزاي

العميل : آه

مهندس منسي : أما بالنسبة للخامات هقولك سعر خامة بناء على إيه، ما هو لازم يتوفر أدامي حوالي 5 عناصر، أول حاجة الخامة اللي إنت هتختارها دي لازم حضرتك تيجي تشرفني عشان تختار الخامة فأنا أقولك الخامة دي بكذا

العميل : تمام

مهندس منسي : أما إن إحنا نقعد نكتب لبعض الخامة دي بكام والخامة دي بكام يبقى لازم حضرتك تكون يعني إيه خامات وفاهم الخامة دي متركبة من إيه، فطبعاً غالبية الشعب مش عارف الخامة تركيبها إيه وبالتالي عمره ما هيقدر نوصفله مضبوط.

العميل : يعني أنا لما آجي أراسل شركة أجنبية بقوله إيه

مهندس منسي : هل حضرتك تقدر تقول حاجات زي دي

العميل : لأ طبعاً

مهندس منسي : فالتأكيد هترهقني وهقعد أجيبلك أي سعر في أي كلام يبقى بنتكلم في الفاضي، أما بالنسبة للمكن فأنا قولتلك على طول ما أتكسفش من حاجة لأن أنا المفروض أقوى شركة مش في مصر، أقوى ماركة في العالم مش في مصر بس فمش خايف من حاجة

العميل : لا أنا بتكلم لأن أنا….

مهندس منسي : هنقعد نلف حولين سعر الخامة ما هوه أنا هديلك سعر الخامة بناء على إيه، فأنا بقولك….

العميل : أنا والله أنا بسأل لحاجة واحدة بس، بسأل لأن لما حد بيجي يسألني يقولي مثلاً عايزين نعمل الخامة دي فإحنا عايزين نعرف الأساس التشكيل واقف على كام، مهندس منسي : ما هوه لما بيجي يضرب عشان يجيي يفتح أو يعمل….

العميل : آه… في حاجة اسمها…..

مهندس منسي : بنعمل دراسة وكدا… ابني دراستك على سعر للكيلو على أساس إن إنت عارف في يوم من الأيام هتبقى مصنع… معايا..

العميل : آه

مهندس منسي : يعني مثلاً هتبقى مصنع في يوم الأيام، وفي يوم من الأيام هتطبع بـ ، صلي على النبي

العميل : عليه الصلاة والسلام

مهندس منسي : دلوقتي إنت رايح مثلاً هتعمل مطعم فقلت الأول أتعلم الطبيخ، معلش أنا آسف يعني

العميل : ولا يهمك

مهندس منسي : فالأول رحت مأجر قوضة كده جنب.. أو في بيتك مثلاً في مطبخك ورحت بدأت تطبخ وبدأت تدي لزملاتك وبدأت تقولهم قلولي بقى إيه رأيكم

طبعاً إنت لما جبت وجبت اللحمة وجبت الفراخ جبتها ب العالي

العميل : صحيح

مهندس منسي : طب شوية كده وزملاتك جم قالولك إيه الله ده جميل قوي، بقولك إيه، قولتلهم أصل أنا بفكر إن أنا أعمل وجبات منزلية كده وأديكم ويبقى إنتم بتشتغلوا في شغلكم وأنا بشتغل في شغلي بدل ما أنتم ما بتعطلوا في وقتكم وبتروحوا تجيبوا من المطاعم، الله طب ده يا أستاذ ما هوه بدل كده مش عارف إيه

مهندس منسي : فبدأت في المرة الثانية بدل ما بتجيب نص كيلو للتجربة بدأت تجيب 5 كيلو، بدأت تفرض شروطك على مين على الجزار تقوله لأ أنا باخد منك 5 كيلو شوف هتديني كام

العميل : أنا بعمل التراكم….

مهندس منسي : الله ينور عليك أنا جاي لحضرتك أكملك الفكرة، شوية والعملية اتوسعت معاك بدأت إنت تروح تشتري الخروف نفسه وتدبحه يبقى النهاردة لما تيجي تعمل حساباتك تعمل حساباتك على إنك بتشتري الخروف ولا تعمل حساباتك على إن إنت بتشتري 5 كيلو و2 كيلو و1 كيلو

العميل : لا لازم أشتري الخروف

مهندس منسي : بس.. عشان هنا في مجالنا اللي بشتري الخروف معناه إيه.. معناه إن الكيلو بـ ، ابني حساباتك ودراسة الجدوى بتاعتك على إن الكيلو بـ

العميل : طيب ما فيش مشكلة في ، عايز دي آخر حاجة هسألك فيها بس

مهندس منسي : خد راحتك

العميل : لما بتيجي تعمل دراسة فتقابل مانتش عارف تمن الخروف كام، مانتش عارف الخروف ده مثلاً يعمل 2 كيلو…

مهندس منسي : آه إنت عايز الدنيا تبقى واضحة

العميل : آه أنا عايز مثلاً لما آجي أحط الكيلو أقول الكيلو هياخدله دولار….

مهندس منسي : عملية الكيس بقى وزنه كام ده حضرتك هتروح عامل إيه، حضرتك هتنزل هتشوف الكيس اللي عاجبك في السوق وهتروح مفرغه وبعد ما تفرغه تروح جاي على ميزان جواهرجي، لأن غلطة بيغلطها كل الناس إنهم بيروحوا على ميزان البقال ويوزنه على الكيس، فده غلط

العميل : أكبر غلط طبعاً

مهندس منسي : فهنا تروح على ميزان جواهرجي وتروح وازنه تعرف كام جرام وتروح جاي مقسم ده الألف على ده، يعني مثلاً طلع الكيس معاك 7 جم تروح مقسم المقاس على 7جم، طلع الكيس معاك 2 جم يبقى الألف على 2 جم يساوي 500، إذن سعر الكيس الـ 500 كذا، فهمتني

العميل : آه.. طب إنت راجل برده في السوق وفاهم أكتر مني

مهندس منسي : من أنجح المشاريع النهاردة

العميل : ما هوه أنا عارف إنه من أنجح المشاريع عشان كده أنا بقولك إحنا أصلاً تجار، يعني إحنا كنا بنشتغل أنا من البحيرة على فكرة

مهندس منسي : أحسن ناس

العميل : فإحنا عندنا اللب الأساس عشان عندنا، معروف، فإحنا بنجيب اللب كنا بنجيب اللب بنوديه لتجار كبار بنبيعه بره جملة، فكل ما نتكلم ما حد نقوله عايزين نفتح مشروع كذا كذا كذا كذا وهنبقى هنبيع أغلى من المقالي يعني هنبيع الكيس الكمية بتاعته أعلى من المقالي، فيقولي فكرة كويسة وبتاع فإنت شوف الموضوع، لو الكمية فأنا مش عارف الكيلو مثلاً يعمل كام كيس، فأنتم أهل الخبرة أنا لو إحنا مثلاً عملنا كيس كويس….

مهندس منسي : ما هوه أنا عايز أقول لحضرتك…. بص وحد الله، ما هوه أنهي كيس بقى، حضرتك أنا سهلتهالك، لأن إنت حضرتك هتيجب كيس من السوق وتوزنها، لأن أنا عملت في مصانع اللب دي كتير جداً، أنا عملت كيس كان 1 جم وعملت كيس كان 7 جم، وعملت كيس كان 5 جم، طب هقولك أنهي كيس، كان في كيس عرضه 5سم وطوله 20سم، وفي كيس عرضه 5 سم وطوله 9 سم، وكان في كيس تاني…. لو عدتلك عدد الأكياس أنا مش هخلص النهاردة، ده أنا ولا ساعتين عبال ما أجردهملك.

مهندس منسي : فهمتني.. هقولك أنهي كيس إنت عارف الكيس بتاعك إيه مقاسه

العميل : اللي هوه مثلاً 50 جم

مهندس منسي : آه… طب بص حضرتك أنا هقولك على حاجة كويسة أنا هبعتلك دلوقتي تليفون المبيعات عشان أنا استشاري الشركة مش مبيعات الشركة، فهمتني إزاي، هبعتلك أنا التليفون بقى وتقولهم في أكياس سابقة أعمال ليكم 50 جم ما تعرفش تجيب وزن كام، ولكن يستحسن أن أنت تخدم نفسك بنفسك إن إنت تروح تجيب كيس من السوق وتوزنه على ميزان جواهرجي زي ما قولت لحضرتك

العميل : تمام

مهندس منسي : ماشي يا باشا.. هبعتلك تليفون المبيعات دلوقتي في حالاً

العميل : طيب ما فيش مشكلة

مهندس منسي : مع السلامة

العميل : ماشي يا باش مهندس