ماكينة تعبئة الملح في أكياس نصف أتوماتيك موديل 904 ماركة مهندس منسي
ماكينة تعبئة الملح في أكياس نصف أتوماتيك موديل 904 ماركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: المهندس منسي
المهندس منسي: أيوه
العميل: أنا خدت نمرتك من على الموقع بتاعك إم تو باك، لو سمحت كنت عايز أعمل مشروع تعبئة الملح
المهندس منسي: أيوه اتفضل
العميل: هوه حضرتك عامل لينكات وكاتب نمرة وقلت أي استفسار اتصل، فأنا قلت أتصل بحضرتك أفهم، لسه جديد يعني
المهندس منسي: حضرتك هتعبي في أكياس ولا عبوات؟
العميل: لأ في أكياس
المهندس منسي: نص أتوماتيك ولا أتوماتيك؟
العميل: أنا عايز الكيس في الآخر جاهز، يعني أحط الملح يطلعلي في كيس، يعني أتوماتيك كامل كده
المهندس منسي: هوه فيه في كل الأحوال هيطلعلك كيس، يعني لو مش عايز تشتغل نص أتوماتيك
هوه النص أتوماتيك يطلعلي الكيس مفتوح؟
المهندس منسي: لأ هي بتطلعلك الكيس مفتوح بيبقى في جنبيها سير كده بتاخده من عندنا، السير ده بياخد الكيس يلحمه
العميل: لأ إيه الفرق بين الـ 2 بس ، عشان الماديات عندي مش عالية عشان أبقى صريح مع حضرتك أكتر
المهندس منسي: هوه النص أتوماتيك سعرها ، والأتوماتيك سعرها
العميل: كام؟
المهندس منسي: سعرها يبدأ من
العميل: يعني حوالي كام مصري؟ حضرتك منين أصلاً معلش مكان حضرتك فين؟
المهندس منسي: في القاهرة
العميل: فين في القاهرة معلش، أنا من دمنهور البحيرة
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: يعني المكنة آجي أدفع الفلوس وأستلمها من عند حضرتك يعني
المهندس منسي: آه بضاعة حاضرة
العميل: طيب يعني مثلاً يعني في حدود كام مصر؟
المهندس منسي: ضربها
يعني لو قلنا دلوقتي حوالي 17
إحنا بناخد منك بالمصري عادي…
العميل: أنا فاهم بتاخد بالمصري أكيد مش هنعرف نجيبلك دولار دلوقتي
المهندس منسي: آه… ليه يا عم ده ملقح في السوق
العميل: عشان سعره نزل شويه
المهندس منسي: ملقح مش لاقي اللي يشيله
العميل: حضرتك بتتكلم مثلاً في حدود حاجة و 80 ألف
المهندس منسي: آه
لأ ده ده الأتوماتيك
العميل: أيوه الأتوماتيك، قلت الأتوماتيك… طب دي مافيهاش ممكن أدفع جزء وأكمل جزء ولا كاش على بعض
المهندس منسي: لا هوه كل شغلنا كاش
شغل حضرتك كله كاش
المهندس منسي: آه
العميل: والمكنة ليها صيانة عند حضرتك، يعني لو في مشكلة عندي بتبعتلي حد ولا إيه الدنيا؟
المهندس منسي: إحنا شركة كبيرة وماركة، ولينا فروعنا…
العميل: أنا والله ما أعرف، مش بغلط أنا آسف جداً لو حضرتك فهمتني غلط…
المهندس منسي: إحنا لينا اسمنا بره مصر
العميل: أنا معلش أعذر جهلي معلش أنا ما أعرفش، أعذر جهلي أنا لسه جديد، أنا كنت شغال في شركة موظف والشركة صاحبها مش مصري وقفلت، ساب الشركة وقفل، وأنا معايا مبلغ بسيط فعايز أعمل أي مشروع آكل من وراه عيش، ده القصة كلها لا أكتر ولا أقل، فما أعرفش لسه بحاول كان في كذا فكرة فعايز أشوف أقرب فكرة للماديات اللي تحت إيدي، فمعلش أعذر جهلي لو أنا قلت أي حاجة غلط
المهندس منسي: لا ولا يهمك يا غالي
العميل: معلش يعني، فأنا عايز أفهم يعني المكنة دلوقتي اللي هي الأتوماتيك عشان السير والكلام ده واللحام بعد كده
المهندس منسي: النص أتوماتيك عشان إنت لسه جديد في المجال مش فاهم، النص أتوماتيك أسهل ما يكن، أنا بقولك عشان الفايدة للعميل مش بدور على العميل هكسب منه إيه، أنا بدور على الفايدة، أوعى تقلق من أي حاجة في المكن عندنا إحنا بالذات
إحنا معاك لغاية ما تمسك أول الخط وتقول تمام يا جماعة الله يبارك لكم
العميل: يعني أنا باجي آخد المكنة وأدفع فلوسها وتيجوا تركبوها لي عندي مثلاً؟
المهندس منسي: بندربك مرتين، مرة عندنا..
العميل: عندي ولا عندكم؟
المهندس منسي: ما أنا جاي لحضرتك أهوه، مرة عندنا لغاية ما إنت تستوفي وتقول تمام، ومرة عندك
العميل: طيب كويس قوي، طيب ممكن تبعتلي حضرتك العنوان أو تمليهوني عشان آجي
المكان اللي فيه المكن عشان أشوف بعنيا على طول
المهندس منسي: كل الأماكن عندنا زي بعضها
العميل: ماشي في مثلاً عناوين تبعتهالي على الواتس أو أي حاجة
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: أيوه معلش أنا ما أعرفش أي حاجة في القاهرة، يعني فين في حدائق القبة مثلاً
المهندس منسي: طب خلاص هبعتلك أي عنوان دلوقتي في رسالة حالاً
العميل: طيب كويس قوي، أقرب عنوان يكون مثلاً قريب من رمسيس عشان مثلاً أركب القطر أنزل رمسيس آخد أي مترو أو حاجة بحيث أركب مترو لو في لكم قريب من رمسيس بحيث آخد المترو على طول
المهندس منسي: إنت تيجي تنورني
العميل: ربنا يخلي حضرتك
وأنا آسف لو حضرتك فهمتني غلط، أنا والله ما عنديش أي خبرة ما أعرفش ممكن حضرتك تكون شركة كبيرة جداً بس أنا ما أعرفش
المهندس منسي: لا تحت أمرك أنا اتشرفت بيك
العميل: ربنا يخلي حضرتك، إنت بس ابعتلي أي عنوان وحولي المواعيد من الساعة كذا لكذا، وهحاول آجي لحضرتك وأتشرف إن أنا أقعد مع حضرتك يعني
المهندس منسي: هوه أنا ما ببقاش موجود، أنا استشاري الشركة، مش موجود، فإنت هتابع مع أي حد، مع التليفونات اللي أنا هبعتهالك مع العنوان
ولو في أي حاجة ما تقلقش خالص يعني
العميل: أنا مش قلقان الأرزاق على الله وربنا بيوقف للواحد ولاد الحلال أكيد يعني، أنا داخل عايز أعمل حاجة مشروع يعني.. وربنا كريم يعني، أكيد ربنا هيكرم يعني
المهندس منسي: إن شاء الله
العميل: أنا متفائل خير وإن شاء الله خير
ربنا يخلي حضرتك
طب حضرتك ما عندكش معلومة عن الأكياس والكلام ده، أنا لقيت الكراتين عرفت مكانها، حضرتك الأكياس ما عندكش معلومة فين؟ وأرخص مكان فين؟
المهندس منسي: عندنا
العميل: عند حضرتك؟ طيب كويس قوي.. كويس قوي… هاجي لحضرتك بقى وأستأذنك بس تبعتلي في رسالة العنوان وتقولي مواعيدكم من كام لكام وأيامكم إيه؟
المهندس منسي: من 11-9 بالليل
طول أيام الأسبوع ماعدا يوم الجمعة أجازة
العميل: يبقى أنا معلش عطلتك عن أجازتك أنا آسف
المهندس منسي: لا أن الوحيد اللي في الشركة اللي ما بياخدش أجازة
العميل: ربنا يعين حضرتك، ما هو حضرتك بقى شكلك صاحب الشركة فربنا يعينك
طيب أستأذنك بس معلش تبعتهالي في رسالة أو أي حاجة وأتشرف بحيث إن آجي لحضرتك
المهندس منسي: إن شاء الله
العميل: ماشي ربنا يخلي حضرتك، مستني الرسالة
المهندس منسي: ماشي
العميل: شكراً يا فندم، شكراً