ماكينة تعبئة المكرونة في اكياس لحام خلفي من شركة المهندس منسي

ماكينة تعبئة المكرونة في اكياس لحام خلفي من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : معلش على الإزعاج يا ريس

المهندس منسي : ولا يهمك

العميل : أنا طلعت رقم الواتس بتاع حضرتك على موقع خطوط إنتاج مواد غذائية تغليف وتعبئة، صحيح ولا الرقم غلط؟

المهندس منسي : إن شاء الله

العميل : طب إنتم عندكم خطوط إنتاج مكرونة صغيرة

المهندس منسي : بنفكر لسه نعملها

العميل : أصل أنا شفت الإعلان إن أنا عايز ماكينات مكرونة صغيرة بدل خطوط الإنتاج اللي هي المكلفة الغالية

المهندس منسي : آه…

العميل : طب تقريباً الأسعار.. إنت ما عملتوش دراسة على يكون كان تقريباً يعني

المهندس منسي :

العميل : يعني كام مصري؟ أنا مش عارف والله أنا قاعد بره

المهندس منسي : شوف سعر الدولار النهاردة في مصر بكام…

العميل : يعني بما يعادل 92000 جنيه مثلاً

المهندس منسي : آه في الحدود دي

العميل : طب دي إنتاجها كام كيلو في الساعة؟

المهندس منسي : في حدود 30 كيلو في الساعة

العميل : اللي أنا شفته بيعمل من 100-500 كيلو

المهندس منسي : ما هو إحنا بنتكلم كده في واحدة صغيرة

العميل : يعني اللي هي تمنها تقريباً هي دي 30 كيلو في الساعة

المهندس منسي : آه..

العميل : طب لو أعلى من كده، يعني مثلاً حاجة 50 كيس في الساعة مثلاً

المهندس منسي : لا إحنا عملنا الدراسة بس على الـ 30، بنساعد بس الصناعات الصغيرة

العميل : طب من وجهة نظر حضرتك إن الـ 30 ممكن تمشي….

المهندس منسي : هي الـ 30 بس اللي شغال فيها

العميل : ماشي… يعني عملت منها قبل كده؟

المهندس منسي : آه عملت الأول بحث عليها ، وعمال شغال في أبحاث عليها عشان أنزل سعرها

العميل : طب طريقة إنتاجها مثلاً بالنسبة لأعطالها، شغلها الحمد لله شغاله كويس، يعني أنا شفت في مكنة إيطاليا بس سعرها أقل من كده، بس إنتاجها 20 كيلو في الساعة تقريباً أو 10 كيلو، فطبعاً إنتاج ضعيف جداً ما يستاهلش إن أنا أعطل واحد أو 2

المهندس منسي : ما هو الكلام ده دلوقتي إحنا بنقوله على الإمكانيات الصغيرة، يعني مثلاً كل مكنتين أو 3.. كده يعني

العميل : أصل أنا مركب عامل لخط إنتاج تعبئة وتغليف، وبما إن في عندنا تعبئة قلنا نشوف موضوع المكرونة بدل ما نشتريها نعملها أفضل يعني

المهندس منسي : آه.. ماشي

العميل : خلاص لو في أي حاجة حضرتك أنا ممكن.. ابعتلك واتس آب ؟

المهندس منسي : آه، بس هوه حاول تبعتلي على الإيميل أفضل.. الشاشة 4 بوصة الواحد يقعد ينقر فيها بإيده صعبة…

العميل : هنعمل إيه المشكلة إن إحنا هنا في الشغل بره مافيش وقت إن الواحد يقعد على اللاب توب ويبعت ولا…

المهندس منسي : إن شاء الله

العميل : يا الله خير إن شاء الله، بس بتاعها مش هينزل عن كده

المهندس منسي : لا ما هوه إحنا بنعمل أبحاث إن أنا أنزلها أكتر من كده، عايز أخليها…

العميل : يعني لو نزلت هتكون كام تقريباً؟… تقريباً يعني مش بالضبط إحنا مش بنتفق، إحنا بنقول تقريباً عشان خاطر أعمل حسابي أنا

المهندس منسي : ما هو بحاول محاولات إن أنا أنزلها للنص

العميل : يعني ممكن … ممكن

المهندس منسي : ممكن 3.. مش عارف لسه، حضرتك ده في علم الغيب، إحنا بنعمل أبحاث…

العميل : ما هو إحنا بنقول تقريباً..

المهندس منسي : بس الحاجات دي بتاخد وقت، بتاخد 6 – 7 أشهر كده يعني

العميل : يعني إن شاء الله ربنا يوفقك…

المهندس منسي : إحنا درسناها وعملناها، بعد ما درسناها وعملناها عندي أمل إنها تنزل النص، بس هل الأمل ده هيتنفذ ولا لأ؟؟؟ مش عارف

العميل : إن شاء الله يتنفذ عشان الناس اللي قاعده دي

المهندس منسي : يا رب… يا رب

العميل : إن شاء الله بإذن الله ربنا يوفقك يا باش مهندس، ماشي يا ريس تسلم