ماكينة تعبئة المكرونة الاوتوماتيكية من شركة المهندس منسي
ماكينة تعبئة المكرونة الاوتوماتيكية من شركة المهندس منسي
العميل : السلام عليكم
مهندس منسي : وعليكم السلام
العميل : شركة المهندس منسي
مهندس منسي : أيوه
العميل : إزي حضرتك يا فندم
مهندس منسي : الحمد لله
العميل : كنت عايز أستفسر عن خط إنتاج المكرونة، شفت أنا حضرتك الصور اللي منزلنها، كنا عايزين نفتح مصنع مكرونة اللي هوه لتعبئة الشكاير اللي هي 10 كيلو زي المصنع البلدي كده
مهندس منسي : إحنا عندنا لغاية كيلو بس
العميل : يعني 350-400 جرام لغاية كيلو
مهندس منسي : آه لغاية كيلو
العميل : ده خط إنتاج الآلي، هوه بيعبي لوحده صح؟
مهندس منسي : آه إحنا عندنا من 100 جرام لغاية كيلو
العميل : طيب مش ممكن مثلاً على نفس خط الإنتاج تعبئة الشكاير يدوي بدل الآلي؟
مهندس منسي : أنا مش فاهم أساساً، أنا بالنسبة اللي عندي مكن تعبئة المكرونة لغاية كيلو
العميل : تمام ماشي، ممكن التعبئة في الآخر اللي هي بتاخد طبعاً من خط الإنتاج مباشر، فهي بتعبي لحد كيلو، لكن الشكاير كده كده هتبقى تعبئتها يدوي مش هتخش على التعبئة الآلي
مهندس منسي : آه
العميل : طب هوه خط الإنتاج كله عامل كام يا باش مهندس؟
مهندس منسي : خط إنتاج المكرونة؟
العميل : آه
مهندس منسي : أنا بقولك أنا عندي مكن تعبئة بس، مكن تعبئة المكرونة
العميل : آه… تمام.. تمام… أنا مفكر خط الإنتاج الكامل من الألف إلى الياء يعني، يعني من أول الخلاط والعجانة والكلام ده كله والتركيب، أنا فكرت خط الإنتاج كامل
مهندس منسي : ماشي يا غالي
العميل : خلاص ماشي يا فندم، شكراً