ماكينة تعبئة السكر والرز الاوتوماتيك الكاملة من شركة المهندس منسي

ماكينة تعبئة السكر والرز الاوتوماتيك الكاملة من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : مع حضرتك المهندس عمرو، مين معايا يا فندم؟

مهندس منسي : المهندس منسي معاك

العميل : إزيك يا باش مهندس أخبار حضرتك

مهندس منسي : الحمد لله

العميل : لو سمحت بتستفسر عن ماكينة تغليف

مهندس منسي : آه

العميل : تمام… كنا عايزين ناخد فكرة حضرتك عايزين نعمل مصنع تعبئة وتغليف

مهندس منسي : كويس قوي

العميل : تمام.. حضرتك مكانك فين يا باش مهندس؟

مهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : تمام… إحنا كبداية يا هندسة، بعد إذن حضرتك يعني يا ريت يكون صدرك متسع لينا شويه

مهندس منسي : آه

العميل : إحنا كبداية لو عايزين مثلاً نعمل 15 طن في يومين تعبئة وتغليف، تنفع معانا مكنة.. عايزينها آلي

مهندس منسي : آه.. هوه إنتم هتعملوا 15 طن إيه؟

العميل : هوه سكر، رز.. يعني مختلف، أكياس، ولا كل حاجة تختلف عن التانية

مهندس منسي : لأ الحاجات الجافة ديت ليها مكنة واحدة

العميل : تمام…. طيب، إمكانيات الساعة كام طن في الساعة عند حضرتك المكن، اختلاف المكن؟

مهندس منسي : في مكنة تعمل من 33 إلى 80، لما نقول 33 × 60 = 2000، لما نقول 80 × 60 = …… من 2000 إلى 4800 كيس في الساعة

العميل : يعني من 2 طن

مهندس منسي : آه.. من 2 ـ 4.800 طن في الساعة

العميل : تمام… الألفين طن دي تعمل كام يا باش مهندس؟

مهندس منسي : لأ هي نفس المكنة بتعمل من ألفين طن لغاية 4800 هي مكنة واحدة

العميل : تمام.. أمال تختلف في إيه؟

مهندس منسي : يختلف بقى في المهارة، وفي إن الواقف عليها دماغه صاحية، والخامة نفسها بتتلحم بسرعة، ويكون الجو حر سخن، مش جو برد، والمكنة بتعمل بتهرول بسرعة… حاجات كتيرة قوي

العميل : النوعية الكويسة في المكن يا ريس

مهندس منسي : أصل إحنا ماركة.. براند، يعني إحنا بنصمم قطع الغيار وبنعمل الديزاينات وبنبعت بره مصر أي بلد وبعدين نجمعها، وبعدين بعد انهيار الدولار أصلاً إنت مش هتعرف تجيب أصلاً… يعني إلحق اشتري لأنه انهيار الجنيه مبهدل الدنيا يعني

العميل : تمام…

مهندس منسي : أي واحد يقولك المكن ده ألماني وإيطالي ده ده بيكذب، إذا كنا إحنا مش قادرين نشتري الصيني، يبقى هنقدر نشتري الألماني والإيطالي؟؟؟!!!!! إذا كانت ألمانيا وإيطاليا دلوقتي بتشتري من الصين، إحنا اللي فزالكة قوي….

العميل : ما هي درجات يا باش مهندس، إحنا بناخد درجة عاشرة، بس همه بياخدوا درجة أولى

مهندس منسي : آه.. آه… لما بيروحوا الصين، التجار همه اللي بيروحوا، فلما بيروحوا بيجيبوا الحاجة اللي عايزين يكسبوا فيها، إنما إحنا كمصنعين بنصنع قطع الغيار وبعدين نجمعها

العميل : تمام… المكنة يدخل تكلفتها حوالي كام في الوقت الحالي؟

مهندس منسي : ، اضرب × 18، إحنا بنضرب × 18 رغم إنه سعره أعلى من كده

العميل : آه… دي بتبقى شاملة كل حاجة يا باش مهندس

مهندس منسي : آه إن شاء الله تبقى عامله 108000 جنيه مصري

العميل : تمام…. طيب حابب أسأل مكان حضرتك بالضبط تاني عشان أعرف أقرب مكان ممكن نيجي نزور حضرتك

مهندس منسي : آه.. هبعتلك تليفون دلوقتي هتلاقي فيه المبيعات، إحنا بالنسبة لنا عندنا حدائق القبة، مدينة نصر، باب الشعرية، 6 أكتوبر

العميل : ممكن أقرب حاجة ممكن مدينة نصر أو حدائق القبة

مهندس منسي : طيب أنا هبعتهم لك الـ 2 دلوقتي

العميل : تمام يا هندسة

مهندس منسي : ماشي يا غالي

العميل : شكراً يا باش مهندس، اتفضل

مهندس منسي : مع السلامة