ماكينة تعبئة السكر النصف الية من شركة المهندس منسي

ماكينة تعبئة السكر النصف الية من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : إزيك يا باش مهندس

المهندس منسي : أهلاً بيك

العميل : مع حضرتك روماني من سوهاج

المهندس منسي : إزيك يا عم روماني

العميل : أهلاً وسهلاً يا باش مهندس

المهندس منسي : الحمد لله

العميل : باش مهندس كنت بكلم سيادتك بخصوص مكنة تعبئة نص آلي

المهندس منسي : آه عايز تعبي إيه؟

العميل : سكر، أنا بعبي سكر

المهندس منسي : موجودة

العميل : تمام طيب هي عين واحدة ولا 2؟

المهندس منسي : عين واحدة، لو عايز تركب 2 بنجيبلك عين تانية وبنشغلها دايرة بتشتغل 2 عين

العميل : تمام… طب اللي هي العين الواحدة دي إمكانياتها إيه يا باش مهندس؟

المهندس منسي : يعني إيه إمكانياتها إيه؟

العميل : يعني هي حجمية ولا الكتروني؟

المهندس منسي : لا وزنية أعلى حاجة.. أعلى حاجة الوزني

العميل : تمام.. طب هي نظام دواسة ولا

المهندس منسي : الـ2 عايز تشغل دي ماشي عايز تشغل دي ماشي

العميل : تمام.. طب السرعة بتاعتها يا باش مهندس، تديني كام في الساعة يعني؟

المهندس منسي : السرعة بتحدد بناء على اللي واقف عليها، إنما هي في إمكانية تنزلك 1500 في الساعة، كيلو ونص في الساعة ولكن اللي واقف عليها إيه، والمادة نفسها اللي هتعبيها إيه؟

العميل : تمام… لا أنا بعبي سكر

المهندس منسي : ما أنا جايلك أهوه، ما هو ممكن تعبي رز، شويه قلت لأ أنا هعبي فاصوليا، شويه هعبي مكرونة، شويه هتعبي مسحوق غسيل

العميل : تمام.. تمام…

المهندس منسي : ما هو كل ده المكنة تعبيه

العميل : لا.. لا أصل أنا كل شغلي على السكر لأني أنا واخد توريدات سكر يعني

المهندس منسي : أنا ما أعرفش إنك هتعبي سكر، أنا بتكلم عموماً بصفة عامة

العميل : تمام… مافيش مشكلة

المهندس منسي : هي ممكن تعبي مسحوق غسيل، تعبي فاصوليا، ولوبيا، وفول… كل الحاجات دي

العميل : تمام… طب عامله كام دي يا باش مهندس؟

المهندس منسي : دي

العميل : تمام.. طب هل بترفع على القادوس بترفع مثلاً بسير ولا إيه؟

لأ عملية الرفع بالسير ديت حاجة لوحدها، يعني وحدة السير ديت وحدة لوحدها

العميل : تمام.. طب هل في بديل مكان السير؟

المهندس منسي : آه.. إحنا عملنا بدايل كتير، في بديل إن إحنا عملنا حاجة اسمها بنك، لنك يعني إيه، يعني روحنا عاملين بنك، البنك دوا السكر لما تيجي حضرتك تعبيه بتعتقه بتعتقه على البنك ده، بعد ما تعتق على البنك دوا البنك دوا بارتفاع المكنة كل اللي على العامل إن هوه يحط وتعبي وخلاص على كده

العميل : تمام…

المهندس منسي : في بقى عملنا طريقة تانية إنه خرمنا السقف على المكنة نفسها بقى يفضي في قلب المكنة، عملنا بقى طريقة تالتة…. عملنا عدد من الطرق يعني

العميل : تمام.. أصل أنا عندي مكنة آلي بس اللي تعبني فيها السير، السير بتاعها فيه مشكلة

المهندس منسي : السير اللي بيرفع ولا السير أنهو؟

العميل : آه السير اللي بيرفع آه

المهندس منسي : لا دي وحدة لوحدها، أنا ما بعملش الوحدات مجمعة، أنا بعمل دي لوحدها ودي لوحدها عشان الناس ظروفها في الفلوس ديقة فيقولك لأ أنا مش عايز السير، وهكذا

العميل : بالضبط… طب لو أنا مش عايز السير على الفول أتوماتيك في القادوس على طول

المهندس منسي : إن شاء الله تمام…

العميل : طب السير يا باش مهندس كام ؟

المهندس منسي : لأ هوه أنا السير ما أعرفش سعره، حضرتك بقى شرفنا بالزيارة وإحنا نحسبهولك

العميل : طب تمام، طب لو أنا عايز المكنة حالياً من غير سير

المهندس منسي : موجودة بضاعة حاضرة

العميل : طيب هل بيجي حد معاها بيركبهالي وكده

المهندس منسي : بستلمها مرتين، بستلمها مرة عندنا ومرة عندك، وبيعملولك فيديو ويشرحولك المكنة كلها، وبيديلك الفيديو على سيديهاية، وبيجي كمان عندك ويشرحولك المكنة تاني

العميل : طب لو أنا عايز أوفر مشوار إن أنا أستلمها عندكم يا باش مهندس

المهندس منسي : ولا حاجة عادي

العميل : تمام.. يعني أنا عايز أستلمها على طول عندي بيحصل إيه بقى؟

المهندس منسي : بيحصل إيه في إيه؟

العميل : يعني أستلمها إزاي….

المهندس منسي : بتيجي تدفع الفلوس وتستلمها وتنك ماشي

العميل : لأ أنا المشكلة في السفر لأن أنا ما عنديش وقت للأسف

المهندس منسي : آه

العميل : فأي طريقة مثلاً في الفلوس ممكن أحولها وكده….

المهندس منسي : آه ممكن إنت هتتفق مع راجل مبيعات وهتحوله الفلوس وتقوله اعملي فيديوهات بتركيبها وتشغيلها، وما تستلمهاش إلا لما يكون عاملك فيديوهات وبعتلهالك ويقعد يشغلها إزاي ويركبها إزاي وكل حاجة فيها

العميل : تمام

المهندس منسي : واخد بالك

العميل : تمام… طيب وهو بيسلمهالي في خلال أد إيه؟

المهندس منسي : ما إنت قلت لحضرتك مجرد ما تيجي الفلوس هيبعتهالك

العميل : على طول أتوماتيك يعني

المهندس منسي : إن شاء الله

العميل : طيب يعني أكلم المبيعات امتى؟

المهندس منسي : إحنا عندنا حدائق القبة، مدينة نصر، باب الشعرية

العميل : طب لحظة واحدة أكتب العنوان بس

المهندس منسي : هبعتهوليك في رسالة

العميل : آه أوكيه ماشي.. تمام

المهندس منسي : إنت عايز أنهي فرع

العميل : أي فرع يا باش مهندس، أنا أحولك على إيه على بنك مثلاً ولا على إيه؟

المهندس منسي : على بنك على حوالة براحتك، اتفق معاهم هديك تليفونات مبيعات كلمهم وهمه هيتفقوا معاك

العميل : طب خلاص أوكيه مافيش مشاكل طب دول أكلمهم الصبح ولا دلوقتي؟

المهندس منسي : في أي وقت همه هب أمسك زبون تعالى

العميل : خلاص ماشي يا باش مهندس، ماشي اتفضل يا باش مهندس.. اتفضل