ماكينة تعبئة السكر الصوابع من شركة المهندس منسي
ماكينة تعبئة السكر الصوابع من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باش مهندس منسي إزيك يا باشا
المهندس منسي : أهلاً بيك
العميل : أخبارك إيه إزي صحتك عامل إيه
المهندس منسي : الحمد لله
العميل : إيه الأخبار يا حبيبي إزي صحتك عامل إيه، المهندس شكري من شركة الإبراهيمية
المهندس منسي : شركة إيه؟
العميل : شركة الإبراهيمية
المهندس منسي : الإبراهيمية؟
العميل : آه كنا خدت من حضرتك مكنتين تعبئة من الباش مهندس أحمد
المهندس منسي : آه.. أهلاً بيك
العميل : كنا عايزين اتنين تاني بس كده الأسعار إيه؟
المهندس منسي : هوه…
العميل : اللي هي الواحد كيلو
المهندس منسي : لسه ما زودناهاش إحنا هنزود 1/9
العميل : طب يعني نحسبها بكام؟
المهندس منسي : نفس الأسعار
العميل : 4 يعني
المهندس منسي : لأ اللي هي إنهي اللي بـ 4
العميل : أنا واخدها بـ 4
المهندس منسي : أيام ما كان الدولار بـ 5.5 ولا إيه؟
العميل : لا يا بيه من حوالي فترة.. خد منك واحدة من شهرين وواحدة من قبل كده بشوية
المهندس منسي : آه إنت قصدك على السكر الصوابع
العميل : آه اللي هي بتاعت الكيلوهات يا باشا بتاعت زمان
المهندس منسي : لأ الكيلوهات بـ 6
العميل : يعني كام يعني
المهندس منسي : يعني 0
العميل : 50 إيه يا باشا بس
المهندس منسي : يوم 1/9 إن شاء الله يوم 1/9 إن شاء الله إحنا هنزود الأسعار لأن إحنا الشهر ده واخدين مهلة لغاية نشوف السيسي بيقول إن أنا هنزل الدولار..مش عارف
العميل : يا رب على الله على الله
المهندس منسي : ده رئيسنا، نستحمل شهر خساير عشان رئيسنا
العميل : ده بص يا باشا هوه أحمد كان مكلمنا، إحنا كنا متكلمين من شهر كده حسبة 53 أو 54، طب مش عارف أنا رايحله دلوقتي أديله إيه؟ ولا أديله 5 عربون
المهندس منسي : آه…. 6 والدولار بـ 10 جنيه
العميل : يا فندم مينفعش الكلام ده…
المهندس منسي : إيه يا غالي
العميل : ما هوه مش هينفع، طب بص يا باشا أصل إحنا عايزين مكنتين تاني كويس
المهندس منسي : آه…
العميل : هناخد واحدة النهاردة وأنا جاهز أهوه بالفلوس، عند أحمد فأنا كنت مديله 10 عربون كويس
المهندس منسي : آه..
العميل : فبعد إذنك أستأذنك نديله 45 بعد إذنك، يبقى كلها 55
المهندس منسي : بص مافيش فصال
العميل : مش حكاية فصال يا ريس…
المهندس منسي : وحد الله.. وحد الله
العميل : لا إله إلا الله
المهندس منسي : أنا بالصلاه علي بالنبي عليه الصلاة والسلام
العميل : عليه الصلاة والسلام
المهندس منسي : عملية الفصال بتخلي الواحد يكدب من غير ما ياخد باله، ويحلف كدب من غير ما ياخد باله، فأنا ماعنديش فصال، فهوه كده كده يا يديلك 5% ديسكاوند أوردي ده من حقك، يعني هوه عنده مبادئ ماشي عليها، فهمتني إزاي
العميل : آه…
المهندس منسي : فهوه كده كده هيديلك 5% ده من حقك
العميل : طب إنت بتقول الأسعار يا باشا في 1/9 هتزيد ولا هتقل؟
المهندس منسي : لا هتزيد يا باشا
العميل : ما إنت بتقولي السيسي هيقلل الأسعار
المهندس منسي : ده سمعنا… ده سمعين الكلام من 1/8 ده إحنا عملين نخسر من 1/8 لغاية دلوقتي
المهندس منسي : طب دلوقتي…
العميل : الدولار بكام النهاردة
المهندس منسي : نعم، بـ 12.75 وإحنا بنبيع على أساس بـ 10
العميل : آه..
المهندس منسي : يعني كل يوم بنخسر
العميل : معلش…
المهندس منسي : وحد الله واللي يضحكك حاجة برده الناس مش عاجبها
العميل : لا يا حبيبي، ما هوه كلنا والله، ما برده بستورد حاجات من اللي هوه البلاستيك والحاجات دي كلها، كل عمال بيعلا ما أنا عارف يا باشا
المهندس منسي : آه…
العميل : طب أنا حضرتك كنت عشمان في حضرتك بدون فصال ولا حاجة هوه إحنا معانا 58 بص يا باشا نعمل إيه طيب
المهندس منسي : نعمل إيه في إيه؟ 58 إزاي
العميل : خد أحمد معاك هيفهمك علي الواتس هنا
المهندس منسي : أيوه يا غالي…ما تصدقش الكلام ده كله والله أنا مديله 5% حلو اللي هي عشان واخد مكنتين تمام كده
العميل : آه..
المهندس منسي : وكمان ده من كام شهر
العميل : كان واخدها اقل والله
المهندس منسي : طيب يا الله…
العميل : ماشي
المهندس منسي : ماشي يا الله
العميل : ماشي يا هندسة