ماكينة تعبئة البودرة في عبوات نص اتوماتيك كود 904 ماركة مهندس منسي
ماكينة تعبئة البودرة في عبوات نص اتوماتيك كود 904 ماركة مهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : كيف الأخبار إن شاء الله كويسين
المهندس منسي : الحمد لله
العميل : معكم عاطف هلال من السودان
المهندس منسي : أهلاً بيك اتفضل
العميل : إزي الأخبار كله تمامأنا بصراحة شفت الصفحة بتاعتكم في النت، كنت ببحث عن مكنة بتاعت تعبئة
المهندس منسي : مكنة تعبئة جديدة إيه
العميل : على عبوات صغيرة 125…
المهندس منسي : مكنة تعبئة آه
العميل : أنا عاوز مكنة تعبيلي من 100 جرام لحد كيلو، كل المقاسات دي، 120 ـ 125 ـ 150 ـ 250….
المهندس منسي : هتعبي سوائل ولا مساحيق وبودرة وحبوب؟
العميل : هعبي بودرة بس
المهندس منسي : البودرة شكلها إيه؟
العميل : بودرة بتاعت اللبن، اللبن البودرة الجاف
المهندس منسي : آه اللبن الجاف آه
العميل : اللي هوه الحليب
المهندس منسي : آه
العميل : زي البودرة بتاعته كده ناعمة يعني
المهندس منسي : يعني إنت هتعبي لبن بودرة؟
العميل : تقريباً يعني أنا هعبي صمغ عربي
المهندس منسي : آه.. لأ خلي بالك لبن البودرة امسك الصمغ العربي وشوفه الملمس بتاعه عامل إزاي، لأنه ملمس اللبن البودرة بيعرش، يعني من المواد العنيدة في التعبئة فديت ليها مكنة أغلى، فأنت ليه تشتري مكنة أغلى لما في مكنة أرخص؟؟!!!!
العميل : لأ إن شاء الله هتكون أخشن من اللبن
المهندس منسي : آه أخشن يبقى إنت كده بتتكلم في بودرة مش شديدة النعومة، اللبن البودرة والنشا والدقيق…
العميل : لأ مش شديدة النعومة
المهندس منسي : آه.. لبن البودرة، والنشا، والدقيق، والحنة، والبن… الـ 5 مواد دول حاجة اسمها شديدة النعومة، فإنت كده كنت هتكبد سعر مكنة غالي جداً على الفاضي واخد بالك إنما المكنة بتاعتك النص أتوماتيك بتاعتها بتعمل
العميل : آه…
المهندس منسي : بقولك المكنة اللي حضرتك هتحتاجها النص أتوماتيك بتعمل اللي هتعبي الصمغ العربي المطحون في عبوات أو في أكياس نص أتوماتيك في منها بقى أتوماتيك بس في أكياس وفي منها أتوماتيك في عبوات
هوه إنت عايز تعبي الصمغ العربي في عبوات ولا في أكياس؟
العميل : اللي هي هتكون عبوات اللي هي سلوفانة الصغيرة
المهندس منسي : آه أكياس قصدير
العميل : قصدير أيوه، دي ممكن ناخد من عندكم لو في واحد هناك كويس يعملنا اللوجو
المهندس منسي : إحنا بنعمل
العميل : إنتم بتعملوا برده؟
المهندس منسي : آه إحنا عندنا أحدث وأجود أنواع الطباعة
العميل : خلاص أنا هبعتلك على الواتس آب اللوجو بتاعي وتديني الكمية وتديني بتاع الكمية، وأنا عاوز الموضوع ده حد ييجي يركبلي… لو أنا أدفع مصاريفه يعني، يركب المكنة ويشغلهالي يعني
المهندس منسي : المكنة سهلة وبسيطة مش محتاجة
العميل : بتنتج كام في اليوم ممكن؟
المهندس منسي : بتنتج في الساعة… إنت عايز النص أتوماتيك ولا الأتوماتيك
العميل : أشوف خيارات الـ 2
المهندس منسي : النص أتوماتيك بتعمل ، والأتوماتيك بتعمل
العميل : كويس إحنا نشوف دي أفضل.. إنت رأيي إيه؟
المهندس منسي : رأيي إنك تشتغل نص أتوماتيك في الأول لغاية ما تمتهن الشغلانة كويس تبدأ تجيب أتوماتيك
العميل : كويس جداً، طيب كام في الساعة بتنتج النص أتوماتيك
المهندس منسي : بتنتج عبوة في الساعة، والأتوماتيك بتنتج في حدود 4200 عبوة في الساعة
تمام جداً، زي ما قلت إنت في الأول إحنا نشتغل على الصغيرة دي، وبعدين نمشي على الكبيرة
العميل : آه طيب خلاص أنا دلوقتي هبعتلك السلوفان بتاع الكمية اللي أنا عاوزها كله
المهندس منسي : إن شاء الله
العميل : خلاص أنا هاخد تليفونك وهبعتلك الديزاين على الواتس آب، في واتس آب في الرقم ده؟
المهندس منسي : في إن شاء الله
العميل : خلاص أنا هبعتلك الصورة بتاعت اللوجو، وبعدين نكمل الإجراءات المطلوبة ونعرف… إنت بقى موقعك وين في مصر؟
المهندس منسي : أنا في القاهرة
العميل : في القاهرة ذاتها كويس
المهندس منسي : آه إحنا عندنا حدائق القبة، مدينة نصر، باب الشعرية، 6 أكتوبر
العميل : حلو جداً، أنا عندي ابن عمي عايش هناك هخليه يتواصل معاك على أساس نشوف نبعتها إزاي بالطيارة ممكن؟
المهندس منسي : عادي مافيهاش مشكلة
العميل : خلاص تييجي بالطيارة، وزن تقيل ولا تكون خفيف؟
المهندس منسي : تعمل في حدود 40-50 كيلو
العميل : ممتاز جداً، على سلوفان برده ما بيوزن معاكم؟
المهندس منسي : لا هي النص أتوماتيك مالهاش دعوة بالسلوفان، لأنها هي بتعبي في عبوات أو في أكياس، فهي ملهاش دعوة بالخامة يعني
العميل : لا ما هوه هتبعت الخامة معاها لو ينفع، الوزن بتاع الطيارة
المهندس منسي : آه هنبعت الخامة ونعملك تجربة تشغيل لو تقدر تبعتلنا…
العميل : يا ريت.. يا ريت.. يا ريت… إنتم لكم شغل ممتاز جداً، إنت ما بتتحرك قبل ما تكون الأمور واضحة يعني، عشان ممكن نعمل شغل كويس مع بعض يعني
المهندس منسي : إن شاء الله، ويا ريت حضرتك لو بعتلي عينات للصمغ العربي المطحون بحيث إنك نعملك عليه تجارب
العميل : خلاص هخلي الراجل اللي رايح على مصر ده يمر عليك بالعينة وإنت تجربها هناك
المهندس منسي : إن شاء الله
العميل : إن شاء الله شكراً، شكراً يا ريس
المهندس منسي : فرصة سعيدة