ماكينة تعبئة اصابع السكر من شركة المهندس منسى
ماكينة تعبئة اصابع السكر من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: لو تكرمت كنت خدت رقم حضرتك بتاع الواتس من واحد كنت بسأل على مكن تعبئة اللي بيعبي أصابع السكر اللي هي في الكافيهات والكلام دوت
المهندس منسى: آه
العميل: هل المكن ده موجود عندكم في باب الشعرية ولا مش موجود؟
المهندس منسى: آه موجود آه
العميل: حضرتك ينفع تديني فكرة عنه في التليفون ولا لازم آجي؟
المهندس منسى: هوه يستحسن لو جيت عشان ما تبقاش عرضة للي يتكلم أحسن
العميل: طيب…
المهندس منسى: الكلام في التليفونات هوه إنت قاعد معرض لأنك بدور على اللي يكلمك أحسن هوه ده اللي هتشتري منه
العميل: طيب يا فندم إنتم مواعيد العمل عندكم من كام لكام؟
المهندس منسى: من 11-9، أما إنت لو جيت هتاخد فكرة هتتفرج على المكن، فتتفرج على كل حاجة هيبقى الدنيا قدامك واضحة وشايف كل حاجة قدامك عيني عينك
العميل: أنا حسب ما قريت على النت إنكم خلف قسم باب الشعرية فعلاً
المهندس منسى: آه إحنا عندنا حدائق القبة، مدينة نصر، باب الشعرية، 6 أكتوبر
العميل: طب أنا بالنسبة أكتوبر أو مدينة نصر أسهل ينفع حضرتك تقولي مثلاً مدينة نصر فين؟
المهندس منسى: هبعتلك الداتا بتاعته في رسالة حالاً
العميل: طيب الله يكرمك بس اللي أنا بكلمك منه ده مفيش عليه واتس آب ولا حاجة ده موبايل عادي تمام
المهندس منسى: لا ولا حاجة هبعتلك عليه الرسالة ما تقلقش
العميل: آه العنوان مدينة نصر الله يكرم حضرتك
المهندس منسى: ماشي يا غالي
العميل: إنتم أجازة ولا شغالين يوم الأحد؟
المهندس منسى: إحنا شغالين طول أيام الأسبوع وأجازتنا يوم الجمعة
العميل: ربنا يكرمكم يا فندم، هستنى من حضرتك رسالة فيها عنوان مدينة نصر
المهندس منسى: إن شاء الله
العميل: شكراً، اتفضل يا فندم، السلام عليكم
المهندس منسى: عليكم السلام ورحمة الله وبركاته