ماكينات تعبئة وتغليف بودر من شركة المهندس منسى
ماكينات تعبئة وتغليف بودر من شركة المهندس منسى
العميل: السلام عليكم،إزيك يا باشا
المهندس منسى: أهلاً بيك
العميل: المهندس منسي
المهندس منسى: أيوه
العميل: إزي حضرتك
المهندس منسى: الحمد لله
العميل: أخبارك إيه يا باشا
المهندس منسى: الحمد لله نحمد ربنا ونشكر فضله
العميل: معاك حازم أبو زيد مطبعة الإخلاص في عين شمس
المهندس منسى: أهلاً بيك، مطبعة إيه أوفيست ولا إيه؟
العميل: أوفيست آه، مش حضرتك ليك مكان في باب الشعرية؟
المهندس منسى: آه إحنا عندنا حدائق القبة، مدينة نصر، باب الشعرية، 6 أكتوبر
العميل: طب إنت فاكرني ولا مش فاكرني الأول؟
المهندس منسى: ما هو أنا عمال أفتكر أهو
العميل: تمام… كنا اتقابلنا في الصين إحنا من حوالي فترة كبيرة
المهندس منسى: آه…
العميل: آه إيه آه كده ولا آه إيه؟
المهندس منسى: ما هو أنا قابلت ناس كتيرة، قابلتنا وإحنا كنا عارضين ولا قابلتني في الشارع؟
العميل: لا كان في المعرض عارضين
المهندس منسى: آه إحنا بنعرض دايماً في كانتون في معرض الصين
العميل: آه الله ينور عليك أنا كنت هناك في مرة كده واتعرفت عليك، حتى كنا مع بعض في المطار يعني
المهندس منسى: آه أهلاً وسهلاً
العميل: إزي حضرتك
المهندس منسى: الحمد لله
العميل: إنت بتشتغل في مكن التعبئة
المهندس منسى: آه مكن التعبئة والتغليف
العميل: طب بص يا باشا أنا عندي منتج بودرة كده، هقولك أنا… بودرة لا مؤاخذة عاملة زي التراب كده، نفس تقل التراب، عايز أعبي حاجات 50 جرام و100 جرام
المهندس منسى: في أكياس مش كده؟
العميل: في أكياس آه، طبعاً هيبقى تغليف أتوماتيك وحاجات زي كده
المهندس منسى: إن شاء الله
العميل: كنا عايزين نشرفك كده ناخد فكرة برده لو كتالوج أو ناخد فيديو
المهندس منسى: آه.. في آه
العميل: طب مواعيدك إيه أو نجيلك فين؟
المهندس منسى: إحنا موجودين دايماً من 11-9 طول أيام الأسبوع ماعدا يوم الجمعة
العميل: حلو قوي، في أنهي حتة بقى؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: الحتة اللي متواجد فيها بشكل دايم نتقابل بيك نسلم عليك يعني
المهندس منسى: أنا ببقى موجود في باب الشعرية ومدينة نصر ببقى سبت وثلاثاء، وباب الشعرية ببقى طول أيام الأسبوع ماعدا السبت والثلاثاء
العميل: طب خليها الثلاثاء عشان باب الشعرية بتبقى زحمة شويه في موضوع المترو وكده
المهندس منسى: مافيش مشكلة، موجود من 5-11 في أي يوم
العميل: ماشي، في أنهي حتة في مدينة نصر بقى يا باشا؟
المهندس منسى: في آخر مكرم عبيد عند عمر أفندي
العميل: عارف أنا عمر أفندي
المهندس منسى: آه.. هبعتلك أنا الداتا بتاعته في رسالة دلوقتي حالاً
العميل: ماشي يا باشا
المهندس منسى: ماشي مع السلامة
العميل: ماشي فرصة سعيدة يا باش مهندس، مع السلامة