ماكينات تعبئة لمنتجات بهارات وتوابل النص اتوماتيك من شركة المهندس منسي
ماكينات تعبئة لمنتجات بهارات وتوابل النص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | باش مهندس منسي |
| المهندس منسي | : | أيوه |
| العميل | : | مع حضرتك آلاء، كنت عايزه أعمل تعبئة لمنتجات بهارات وتوابل وكده، ممكن أعرف إذا كان ده متاح عندك ولا إيه؟ |
| المهندس منسي | : | هو إحنا عندنا المكن اللي بيعبي التوابل والبهارات ومواد التغليف نفسها |
| العميل | : | مواد التغليف اللي هي إيه؟ |
| المهندس منسي | : | اللي هي تعبيها في كيس أو عبوات |
| العميل | : | بس إنت ما عندكش تعبئة للغير أصلاً |
| المهندس منسي | : | آه لا إحنا بنورد للمصانع اللي بتعبي |
| العميل | : | طب لو أنا عايزة أشوف الأفضل بالنسبة لي |
| المهندس منسي | : | موضوع التعبئة سهل مش صعب، يعني المكنة نفسها بسيطة مش محتاجة |
| العميل | : | بس أنا أعرف إنها غالية |
| المهندس منسي | : | في حاجة بـ ، وفي حاجة ب، أقولك سعرها بالمصري |
| العميل | : | تعبئة من كام جرام لكام جرام |
| المهندس منسي | : | الـ بتعمل 10800 جنيه مصري |
| العميل | : | دي بتعبي أد إيه؟ كام جرامات |
| المهندس منسي | : | هو حضرتك هتعبي لغاية كيلو ولا لغاية مثلاً 50 جرام |
| العميل | : | أنا هعبي حاجات توابل صغيرة باكيت |
| المهندس منسي | : | آه هي أم دي كفاية قوي |
| العميل | : | تمام.. طب وبالنسبة للباكينج نفسه الأكياس أو المعلبات اللي أنا هعبي فيها دي موجودة عند حضرتك |
| المهندس منسي | : | موجودة آه |
| العميل | : | ممكن كميات أد إيه آخدها، ولو عايزه أشوف الأشكال بتاعتها |
| المهندس منسي | : | دي حضرتك شرفينا بالزيارة اتفرجي على الحاجات وبناء على الشكل اللي هتختاري هنقولك دي كميته هتبقى كذا |
| العميل | : | طب حضرتك مافيش عندك |
| المهندس منسي | : | الحاجات دي أفضل لو حضرتك تعبتي شويه وجيتي اتفرجتي عليها هتلاقي الدنيا أوضح |
| العميل | : | طب ممكن أعرف المكان فين؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور.. كل دي فروع للشركة |
| العميل | : | طيب ممكن تقولي على 6 أكتوبر ده فين بالضبط وبيبقى من كام لكام مثلاً؟ همه كلهم نفس الأسعار؟ |
| المهندس منسي | : | كلهم زي بعض، هبعتلك العنوان بتاع 6 أكتوبر في رسالة لو ما وصلكيش ابعتلي طلب عناوين على الايميل وأنا أبعت لك العناوين كلها |
| العميل | : | طب معلش الباكيت بتاع التعبئة ما بتبقاش مطبوعة طبعاً |
| المهندس منسي | : | آه بتتطبع على حسب طلب العميل |
| العميل | : | طب ممكن أعرف التكلفة بتاعتها تبتدي من كام؟ |
| المهندس منسي | : | ما هو ده مش هقدر أحدده لأن أنواع مواد التغليف كتير جداً، فهيبقى صعب عليا إن أنا أجزم بسعر يعني |
| العميل | : | طب تمام.. مرسي جداً، مع السلامة |