ماكينات تعبئة الحبوب موديل 901 و902 ماركة مهندس منسي
ماكينات تعبئة الحبوب موديل 901 و902 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | بكلمك من أوغندا |
| المهندس منسي | : | أهلاً بيك |
| العميل | : | أحب أستفسر عن ماكينات تعبئة الحبوب اللي هي إم تو باك ماشين 902 و 901 |
| المهندس منسي | : | آه موجوة بضاعة حاضرة |
| العميل | : | أيوه بس سؤالي لأنه أنا عندي رغبة إن أنا أشتري هادي الماكينات، ولكن سؤالي كيف يتم التدريب عليها، عشان الاستخدام لازم الواحد يشتغل عليها مباشرة ولا لازم يتدرب عليها |
| المهندس منسي | : | ولا حاجة هو التدريب عادي مافيش مشكلة، لو حضرتك دورت على النت بكلمة شرح ماكينة شركة المهندس منسي هتلاقينا عاملين شروحات تشغيل المكنة من الإيه تو زد، وشروحات صيانة المكنة، وشروحات تركيب المكنة من الإيه تو زد، إحنا الشركة الوحيدة اللي في العالم العربي عملت كده |
| العميل | : | لا رائع جداً، أنا دلوقتي فاتح الصفحة عندكم بشوف الماكينة الأتوماتيك 902 ماركة المهندس منسي بشوف المكنة الشرح واضح جداً، أنا راح أشتغل في تعبئة العدس والبقوليات والأشياء دي، والحاجة التانية أريد أشتري مطاحن بتاعت البهارات، الكمون والكسبرة والحاجات دي، أجيبها مطاحن وأعبيها في أكياس |
| المهندس منسي | : | إن شاء الله |
| العميل | : | يعني في نوعين من العمل بدي أتعامل معاكم، أنا شايف شغلكم مرتب يعني، يعني على حسب ما شايف قدامي الشرح واضح جداً المكن تشتغل شنو والإمكانيات شنو، يعني الشرح ممكن الواحد يعرف عن بعد يعني صح؟ |
| المهندس منسي | : | إن شاء الله |
| العميل | : | كام الأسعار بالجنيه المصري؟ |
| المهندس منسي | : | عادي إحنا بناخد بالجنيه المصري أو بالدولار أو بأي عملة |
| العميل | : | يعني حسب الدولار في السوق ولا كيف بالجنيه المصري، يعني أنا صديقي في السودان، أنا من السودان أساساً يعني الفلوس أحولها من الجنيه السوداني إلى الجنيه المصري سهل جداً أسهل ما أحولها من الدولار |
| المهندس منسي | : | ولا حاجة عادي بناخد بالجنيه المصري، إحنا بنسعر بس بالدولار عشان نضمن ثبات الأسعار |
| العميل | : | زين، يعني زيه زي أي مصري بيشتري |
| المهندس منسي | : | آه عادي |
| العميل | : | أوكيه، طب سؤال أخير، أنا بجهز الشغل هنا،مكنتين ودباغة بتاعت مطاحن بتاعت البودرة بتاعت البهارات بتريحونا في يعني |
| المهندس منسي | : | إن شاء الله، إحنا بندي خصم على المكنة التانية 5% |
| العميل | : | أنا سمعت 50 |
| المهندس منسي | : | 5%… يا ريت، يا ريت لو إحنا بنكسب حتى 20، لو بنكسب حتى 20 كان زمانا بانيين أبراج |
| العميل | : | أنا بصراحة ما أريد أتعامل مع الصين ولا الهند هنا لقيت مكن صيني |
| المهندس منسي | : | إحنا سعرنا أرخص من الصين، حضرتك لو كتبت على النت المهندس منسي في معرض الصين الدولي هتلاقينا عارضين وبنافس في الصينيين، عندنا أوردي فرع في الصين بيبيع مكن في قلب الصين |
| العميل | : | يا سلام |
| المهندس منسي | : | آه.. آه.. ابحث على النت |
| العميل | : | حضرتك المهندس منسي ولا واحد تاني؟ |
| المهندس منسي | : | آه المهندس منسي معاك |
| العميل | : | طب كويس، إذا أخدت أنا عامل فني من عندكم ويشتغل هنا.. |
| المهندس منسي | : | إنت مش محتاج عامل فني، أنا عامل شروحات بالهيلة |
| العميل | : | طب خلاص حلو جداً |
| المهندس منسي | : | إنت مش محتاج، مثلاً هشتري مكنة 902، اكتب شرح المكنة 902 ماركة المهندس منسي، وهتنزل كل الفيديوهات |
| العميل | : | أنا هنا في مكنة 902 بس هنا ما في شروحات، ممكن في حتة تانية، عموماً أنا مبسوط إني لقيت المكنة |
| العميل | : | يا سلام عليك، بارك الله فيك، ربنا يجازيك عنه كل خير، إن أنا أتكلم مع صاحب المكن والأفكار وكده دي مهمة بالنسبة لي جداً تديني اطمئنان |
| المهندس منسي | : | بص يا أخي أنا عندي 20 فرد مبيعات ومع ذلك تليفوني في وسط المبيعات، يعني مش قلت لا خلاص كفاية كده لا، لأن أنا عارف إن العلم اللي عندي علم غزير جداً |
| العميل | : | ما شاء الله، ربنا يزيدك علماً، من تواضع لله رفعه يا باش مهندس، أنا مبسوط جداً إني أسمع الكلام الوعي والفهم ده، أنا مبسوط جداً جداً لأبعد الحدود، أنا إن شاء الله هنفذ المشروع ده، وهتصل معاك مباشرة، أنا دلوقتي بجهز في المكان هنا وبعمل دراسة، هحتاج منك مش المكنتين بس، هحتاج 3-4 مكنات للمطاحن والتعبئة، في حاجة أكياس التغليف وكده |
| المهندس منسي | : | عندنا |
| العميل | : | أيوه |
| المهندس منسي | : | عندنا مباشرة، وعندنا كمان إن إحنا نعملك خامات التغليف |
| العميل | : | يا سلام عليك |
| المهندس منسي | : | وعندنا كمان الخامات الأولية لمواد التغليف |
| العميل | : | زين باش مهندس، طب تقريباً كده مصنع صناعة مواد تغليف من هنا تقريباً تكلفته تعمل كام؟ |
| المهندس منسي | : | بص إحنا بنشتغل على كل التصنيفات، يعني حضرتك معاك رأس مال صغير وعايز تشتغل على أده، بتيجي تقولي أنا رأس مالي كذا، ببدأ أنظمها لك بحيث إنك تشتغل في حدود كذا، عندي حلول كتيرة، مش هقفلها في وش حضرتك وأقولك لا ده إنت عشان تعمل مصنع مواد تعبئة وتغليف عايز مش عارف إيه… لا هتلاقيني بقولك آه طب ممكن تعمل كذا وتعمل مرحلة كذا… حضرتك شرفنا بالزيارة إن شاء الله ستجد ما يسرك |
| العميل | : | جيد جداً، بس معلش يعني أنا مبتدئ، وشغلي هيتوسع لقدام، أنا هعبي هنا، هجيب من تركيا وأعبي هنا وأرسل إلى جنوب السودان والكونغو، فحبة ما مستعجل، هبدأ بكميات بسيطة وشغلي هيتوسع أنا هعمل شغل نظيف وفي معايا زباين، فهيكون معانا تعامل كبير جداً إن شاء الله |
| المهندس منسي | : | ربنا ييسر لك أمورك |
| العميل | : | أنا بس التقديرات اللي عندك، المكن بتاعت صناعة المواد التغليف دي |
| المهندس منسي | : | هو مكن صناعة مواد التعبئة والتغليف ده مكن كبير قوي، حضرتك ابعتلي رسالة لو حضرتك هتجهد لو هتيجي في مصر ابعتلي رسالة على الإيميل وتابعني على الإيميل وأنا أبدأ معاك من أول مشروع صغير لإنتاج مواد التعبئة والتغليف |