دراسة جدوي لمشروع تعبئة و تغليف التوابل بماكينات المهندس منسي
دراسة جدوي لمشروع تعبئة و تغليف التوابل بماكينات المهندس منسي
المهندس منسي: السلام عليكم.
العميل: ألو السلام عليكم.
المهندس منسي: عليكم السلام ورحمة الله وبركاته.
العميل: كل سنة و حضرتك طيب.
المهندس منسي: كل سنة و أنت طبيب
العميل: يا رب يخليك، معاك محمد من الإسماعيلية .
المهندس منسي: أهلا بيك.
العميل: أهلا بيك يا فندم أهلا بيك، بص يا سيدي هو الموضوع باختصار أنا بفكر إن أنا أعمل مصنع تعبئة توابل تمام كده
المهندس منسي: آه.
العميل: طبعا امبارح كنت قاعد على السايت واخد بالك و دخلت الموقع بتاعك و شوفت المكن و الحاجات دي كلها بس فكنت عايز أسأل حضرتك لو انتوا بتعملوا دراسة جدوى للمشروع دوت أيا كان التمن يعني مفيش مشكلة فاهم بتعملوا ده حضرتك؟
المهندس منسي: عادي آه.
العميل: طيب أنا عاوز دراسة جدوى محترمة كده .
المهندس منسي: هتقدم بيها على أرض؟
العميل: نعم يا فندم؟
المهندس منسي: هتقدم بيها على ارض؟
العميل: لا لا لا خالص دي حاجة ليا أنا، لا لا لا مش لأي جهة رسمية.
المهندس منسي: آه.
العميل: لا لا بالمرة بالمرة أنا عندي أنت واخد بالك بدروم كده أنت فاهم 175 متر تمام فاعتقد إنه هيبقى مناسب أوي يعني.
المهندس منسي: آه.
العميل: على اعتبار برضه إن أنا مش عايز أنت واخد بالك إن أنا أكون اشتغل أنت واخد بالك بتكلفة عالية أنت فاهم لان طبعا أنا لسه ما درستش قبل كده أنت واخد بالك موضوع التوابل ده فاهم.
المهندس منسي: آه، بس بدروم عمرك ما هتاخد عليه موافقات .
العميل: عمري ما أخد عليه موافقات بمعنى؟
المهندس منسي: يعني لما تيجي تترخص .
العميل: ما خدش عليه ده دور أرضي مسحور تحت مش بدروم بدروم.
المهندس منسي: امم.
العميل: يعني بوابة كبيرة أوي على الشارع أنت واخد بالك وبنزلها بسلالم، فاهم حضرتك.
المهندس منسي: مهو عوامل التهوية هتأثر على الناس اللي شغالة عندك
العميل: أولا أنا عندي عوامل تهوية كتير جدا، لا لا لا لو هو الترخيص هيبقى متوقف على عوامل التهوية أنا عندي أنا بص حضرتك أنا كده على الشارع تمام، في كل الشبابيك اللي فوق دية تتعمل شفاطات و تبقى حاجة جميلة خالص، ضهري منور ضهري منور يعني لو فتحت شبابيك و عملت شفاطات و عملت كلام من دوت مناسبة أوي يعني.
المهندس منسي: إن شاء الله .
العميل: بأمرك يا رب إن شاء الله .
المهندس منسي: هو حضرتك محتاج تغليف التوابل ، يعني مثلا عايز مكنة تعبئة وتغليف ولا عايز إيه؟
العميل: آه بص أنا امبارح لما جيت شوفت لقيت أنت واخد بالك مكنة التعبئة و التغليف لقيت الكيس بتاع التوابل نفسه أنت فاهم .
المهندس منسي: امم.
العميل: أنا لقيت كل ما يخص قصة التوابل عدا التوابل عند حضرتك.
المهندس منسي: امم.
العميل: أنت فاهم؟ فا ده اللي خلاني إن أنا أتكلم، فا أنا علشان كده بقول لحضرتك عايز إيه دراسة جدوى أنت فاهم يعني حاجة مش هقدمها لجهة رسمية يعني علشان خاطر ما تلعبش فيها بالألفاظ و بتاع و الكلام ده كله لا لا هي حاجة ودية بفلوسها بأتعابها يعني فاهم، هو حضرتك هي أفكار بزنس شركة أفكار بزنس دي تبعكوا و لا دي شركة تانية؟
المهندس منسي: لا دي شركة تانية.
العميل: آه هي دي الشركة تقريبا هي اللي كانت منزلة دراسة الجدوى
المهندس منسي: امم.
العميل: ماشي مفيش مشكلة مع الكتالوج أنت واخد بالك بتاع حضرتك، فاهم بالنسبة للمكنة وبالنسبة انت واخد بالك للعبوات وبالنسبة للأفكار بتاعة المشروع ككل وقول لي حسابها أد إيه؟ و أنا انت واخد بالك ببعت لك حد أو تبعتهالي على الميدل است أو أي حاجة.
المهندس منسي: إن شاء الله.
العميل: بأمرك يا رب إن شاء الله.
المهندس منسي: ماشي يا باشا .
العميل: طيب أنا مسمعتش منك أي حاجة يعني أنت سمعت مني كل حاجة.
المهندس منسي: أبعت لنا طلب الاستفسار على الايميل و فريق المبيعات عندنا هيتابع مع حضرتك.
العميل: دي الأرقام اللي أنت بعتهالي في المسدج.
المهندس منسي: أيوة هي دي آه.
العميل: يعني أنا اتصل بيهم .
المهندس منسي: لا أبعت رسالة على الايميل .
العميل: آه.
المهندس منسي: هبعت لك أنا الايميل في رسالة دلوقتي.
العميل: آه.
المهندس منسي: ابعت لنا الرسالة عليه و إحنا إن شاء الله هنتواصل معاك على طول.
العميل: طيب أوكيه اتشرفت بيك حضرتك.
المهندس منسي: مع السلامة.