مكنة تعبئة مواد غذائية من شركة المهندس منسى
مكنة تعبئة مواد غذائية من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: إزي حضرتك
المهندس منسى: الحمد لله
العميل: دي شركة المهندس منسي
المهندس منسى: أيوه
العميل: طيب أنا كنت بستفسر عن مكنة تعبئة مواد غذائية اللي هوه الأتوماتيك، عايز أشوف كام حالياً
المهندس منسى: المواد الغذائية عبارة عن مواد غذائية سايلة ومواد غذائية حبوب
العميل: لأ اللي هوه السكر والحاجات ديت والبقوليات
المهندس منسى: آه سكر وبقوليات بس ولا في حاجات تانية؟
العميل: زي إيه ممكن مع نفس المكنة؟
المهندس منسى: في مكرونة، في رز، في شعرية مفتتة، في دشيش…
العميل: أصل أنا شفتها على الصفحة أسعارها كام حالياً، أنا شفتها بس ما فهمتش كويس يعني
المهندس منسى: ما فهمتش إيه؟ ما فهمتش ؟
العميل: لا متفاوتية هي، في نص أتوماتيك، وفي أتوماتيك، وفي يدوي
المهندس منسى: مافيش يدوي، في نص أتوماتيك وفي أتوماتيك
العميل: أتوماتيك كالم سعرها كام حالياً؟
المهندس منسى: النص أتوماتيك بتعمل ، والأتوماتيك الكاملة بـ ، اضرب × 18،إحنا بنسمي بس بالدولار إنما بناخد بالمصري عادي
العميل: طيب يعني حالياً 108،طيب قوتها كام حصان؟
المهندس منسى: إنت ما تسألش على قوتها، إنت اسأل على الطاقة الإنتاجية بتاعتها، أما قوتها دي مسئوليتنا إحنا
العميل: لأ أنا مش قصدي يا فندم، أنا قصدي عشان الرخصة أسجل همه طالبين قوة المكنة كام
المهندس منسى: آه إنت بتعمل دراسة يعني؟
العميل: لأ أنا فعلاً بعمل الرخصة وهشتري، طبعاً ما لقيتش أفضل من حضرتكم في العروض اللي أنا شفتها يعني
المهندس منسى: الله يبارك لك، هوه بص هتلاقي المواصفات بتاعت كل مكنة تحتيها، هوه الموتور اللي بيها 4/3 حصان ولكن إنت بتتكلم في ماتور إيه بقى، ما هو في ماتور 4/3 حصان وفي ماتور تاني 45 فولت/ 6 أمبير، وفي ماتور تاني…. يعني في عدد من المواتير موجودة،خش جواها هتلاقي المواصفات بتاعتها هتلاقي الحصنة بتاعتها
العميل: ما هو أنا شفت عرض موجود برده في صفتحكم مكتوب 3 حصان
المهندس منسى: لأ ده إجمالي بقى التوتال، توتال القوة المسحوبة
العميل: طب حضرتك تنصحني أسجل إيه في الرخصة، همه طالبين مني إن أنا أسجل، لأني أنا هاخد واحدة فول أتوماتيك كاملة
المهندس منسى: بص على صفحتنا هتلاقي استهلاك الطاقة بتاعها موجود
العميل: آه.. لكن مسجلة أنا شفت استهلاك الطاقة حوالي وات
المهندس منسى: إنت لو هتاخد مثلاً، شوف كده خش على الصفحة نفسها هتلاقي جدول المواصفات في كل حاجة، إنما أنا أرد عليك على الاستفسارات السريعة
العميل: طيب الاستلام على طول لو أنا جيت اشتريت
المهندس منسى: آه دي بضاعة حاضرة كله
العميل: طيب يعني الأفضل إن أنا أسجل 4/3 حصان في مواصفات المكنة
المهندس منسى: أنا مش عارف اللي إنت هتسجله إيه؟ بص قلت لحضرتك عدتها 3 مرات خش على جدول المواصفات هتلاقي كل حاجة موجودة في الجدول
العميل: طيب هوه مكان حضرتكم فين بالضبط؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: يعني مدينة نصر في فرع؟
المهندس منسى: آه
العميل: لأن أنا من الشرقية اتجاهنا إحنا مدينة نصر أفضل يعني
المهندس منسى: تيجي تنورني، أنا هبعتلك المعلومات بتاعت فرع مدينة نصر في رسالة حالاً
العميل: طيب ماشي يا فندم متشكر جداً
المهندس منسى: مع السلامة
العميل: الله يبارك فيك مع ألف سلامة