مكنة تعبئة رز وسكر اوتوماتيك من شركة المهندس منسي
مكنة تعبئة رز وسكر اوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : أهلاً بحضرتك، بقول لسعادتك إيه في مكنة تعبئة رز أو سكر عندك؟
مهندس منسي : إن شاء الله
العميل : كام طن في الساعة حضرتك
مهندس منسي : هي عملية الطن في الساعة ده بيتحدد على الخامة اللي إنت هتغلف بيها
العميل : ما هو أكياس زي أكياس الرز الموجودة في السوق حضرتك البلاستيك
مهندس منسي : آه… آه… ده بيبقى الخامة نفسها بنشوف السماكة اللي هتطلبها إيه وبنقولك، هو مثلاً بيبقى أقل حاجة 2.5 طن
العميل : 2.5 طن في الساعة
مهندس منسي : آه
العميل : طب حضرتك دي تعمل كام… أتوماتيك ولا نص أتوماتيك؟
مهندس منسي : أتوماتيك آه كاملة
العميل : وزنها كام طن المكنة؟
مهندس منسي : وزنها حوالي نص طن، بتسأل عشان هتحطها في حته عالية يعني
العميل : آه.. آه هي هتتحط في مصنع في مكان يعني في الدور التالت
مهندس منسي : هوه الميزة عندنا بقى إن المكن بتاعنا تقدر تفكه 600 حته وتركبه تاني، مش هنقولك لأ المكنة ديت إحنا جايبنها كده أوعى تفكها ولا حاجة، لأن إحنا مهندسين، فبنصنع، ففاهمين بنعمل إيه؟ فنقدر نفكهالك ونطلعهالك إن شاء الله حتى الدور العاشر
العميل : طيب حضرتك متشكر جداً، دي حضرتك تعمل كام؟
مهندس منسي : جنيه إن شاء الله
العميل : 2.5 طن في الساعة
مهندس منسي : آه…
مهندس منسي : دي أقل حاجة فيها، إنما لو إنت عايز 5 طن مافيش مشكلة، ولكن هتبص تلاقي الخامة بتاعت اللحام بتفك منك حاجات من دي
العميل : يعني إنت قصدك آخد المكنة الصغيرة أحسن؟
مهندس منسي : صغيرة إيه؟ هي نفس المكنة اللي بتعبيلك 2.5 طن ممكن تعبيلك 4 طن، يعني بجيبلك أقل سرعة فيها
العميل : آه.. آه لكن المكنة اللي حضرتك بتتكلم عليها ممكن تتطلع أحجام أكبر يعني ولا هوه حجم واحد؟
مهندس منسي : لأ ده أكبر حجم تعمل كده وكده
العميل : يعني مثلاً لو عايز أعمل 5 طن في الساعة أخدلي مكنتين، لو عايز 10 طن آخدلي مثلاً 3 ـ 4 مكنات كده يعني
مهندس منسي : مضبوط آه
العميل : طب المساحة بتاعت المكنة كام × كام؟
مهندس منسي : بتبقى حوالي 1.25 متر × 1.25 متر × ارتفاع 1.75 متر أو 2 متر
العميل : آه… وبيشتغل عليها عامل واحد ولا 2 ولا كام؟
مهندس منسي : لا هوه عامل واحد آه
العميل : طب حضرتك الأكياس اللي بتتطلع عشان أبقى فاهم الأكياس اللي بتطلع هوه العامل بياخدها يرصصها صح كده؟
مهندس منسي : آه إنت عايز المكنة ترصصهالك؟
العميل : آه أنا عايز المكنة ترصص وكل حاجة بحيث أشيلها كده مرة واحدة كذا كيلو معبئة يعني
مهندس منسي : دي حاجات بقى وحدات بتتركب على المكنة
العميل : مكن تاني يعني؟
مهندس منسي : حضرتك بتيجي تجيبلنا رسم المكان بتاعك…
العميل : لأ المكان بتاعي مفتوح عبارة عن 200 ـ 300 متر مفتوح يعني، المكان كله مفتوح والسقف فلات يعني مافيش أي عوائق خالص
مهندس منسي : آه… فبنبدأ نقولك على الوحدات ونبدأ بقى نرسم مع بعض الوحدات المكن بتاعك ونرسم المكان ونقولك آه إنت محتاج كذا.. كذا.. كذا.. كذا، يعني أي إضافة تانية بعد المكنة هيبقى صعب عليا إن أنا أقولك عليها في التليفون
العميل : هوه علش سؤال بره الموضوع شويه بعد إذنك يعني، هوه الموضوع ده مربح، أصل أنا إيه عندي مكان في عمارة في الدور الثالث يعني عايز أستثمره، فاقترح عليا الموضوع ده، فالموضوع ده مربح ولا ما منوش فايدة؟
مهندس منسي : ما هو أنا مش سوبر ماركت، إنت بتكلم مهندس بتاع تصنيع
العميل : ما هو إنت أكيد بتبيع يعني وعارف الناس بتعمل إيه
مهندس منسي : أنا ببيع وخلاص بس مش عارف همه بيعملوا إيه يعني
العميل : آه… هي تعبي أي منتج، يعني تعبي رز، تعبي سكر، تعبي ملح تعبي حاجة… ولا لازم حاجة معينة
مهندس منسي : آه…
العميل : لغاية كام جرام حضرتك بتعبي، أقل حاجة كام جرام؟
مهندس منسي : 100 جرام
العميل : من أول 100 جرام لغاية جرام؟
مهندس منسي : لغاية 1000 جرام
العميل : من 100 ـ لغاية كيلو، يعني ماتعبيش مثلاً شكارة 5 كيلو
مهندس منسي : لأ اللي تعبي شكارة 5 كيلو مكنة تانية
العميل : والمكنة التانية دي ما تعبيش 100 جرام
مهندس منسي : آه اللي بتعبي 5 كيلو تعبي الـ 100 جرام آه
العميل : آه يعني في مكنة تعبي 100 جرام لغاية 5 كيلو
مهندس منسي : أيوه
العميل : ونفس ولا يختلف
مهندس منسي : لا دي بـ 3 في حدود ربع مليون جنيه
العميل : طب الفايدة في إيه حضرتك، يعني 5 أضعاف بتتكلم يعني
مهندس منسي : آه ستايل تاني وأسلوب تاني خالص ووضع تاني مختلف يعني
العميل : يعني دي كام طن دي؟
مهندس منسي : دي وزنها في حدود طن وربع كده يعني
العميل : بتطلع برده الدور التالت
مهندس منسي : آه… نقدر نفكها… لأن إحنا اللي بنصنعها، نقدر نفكها ونطلعهالك
العميل : إنت بتصنعها في مصر يعني؟
مهندس منسي : لأ بتتصنع قطع الغيار بره وبنجمعها في مصر
العميل : آه بتجيبوا قطع الغيار من بره وبتجمعها في مصر، قطع الغيار بتتصنع فين حضرتك؟
مهندس منسي : إحنا في مصر مش عارفين حتى نصنع مسمار
العميل : آه بس التانية بتصنعها في إيطاليا ولا في الصين ولا فين؟
مهندس منسي : وات إيفير إنت وراحتك، اللي أنا بدهولك ده على سعر الصين، لو عايزني أصنعهالك في إيطاليا أصنعهالك في إيطاليا وأحسبلك فرق
العميل : أيوه.. أيوه…
مهندس منسي : إنما هي مش فارقه كتير، لأنه في الحالة ديت إحنا بنصنع لحسابنا، مش بنجيب مكن جاهز وتننا جايين، الإيطالي نفسه بيروح ينصنع في الصين زي حالتنا كده، ويكتبلك عليها….
العميل : أنا فاهم، أنا فاهم حضرتك، على فكرة أنا مهندس سيارات وقاعد في اليابان واخد بالك
مهندس منسي : المنتج الصيني لما بيجلنا اليابان بيبقى منتج عالي الجودة جداً يعني، المشكلة في المستورد اللي بيروح الصين بيجيب أوضع حاجة يعني زي ما حضرتك عارف يعني
العميل : الله ينور عليك
مهندس منسي : فأنا ما أعرفش المنتج اللي إنت بتجيبه بقى مستواها شكله إيه؟ أما مجرد الصين لوحدها مش مشكلة، إنما يا ترى الجودة عالية ولا الـ…..
مهندس منسي : ما هو ده الفرق في إيه؟؟؟ إن إحنا بنستورد قطع غيار ولا بنستورد مكن، لو بنستورد مكن أنهي شركة هتدينا أرخص، إنما قطعة الغيار على اسمنا، لإن إحنا ماركة، مش ….
العميل : طب الضمان بتاعت المكنة أد إيه يا فندم؟
مهندس منسي : إحنا ماركة المهندس منسي، فالماركة بتاعتنا منتشرة، يعني إحنا بنحافظ على اسمنا، فدي ماركة….
العميل : إنتم بقالكم أد إيه يا باش مهندس؟
مهندس منسي : اديني فرصة بس أتكلم الله يرضى عليك، على طول تقاطعني في الكلام
العميل : طيب.. طيب اتفضل
مهندس منسي : فإحنا النهاردة ماركة، فالماركة بتاعتنا منتشرة وأثبتت جودتها، فالضمان لمدة سنة ضد عيوب الصناعة، و10 سنين توفير قطع الغيار لحساب العميل
العميل : الضمان يعني لو حاجة تلفت خلال سنة بتغيرها، قطع الغيار لـ 10 سنين توفرلي قطع الغيار اللي أنا عايزها
مهندس منسي : آه وبنراهن على إنك تبقى مهندس مكنتك خلال 6 أشهر
العميل : آه يعني أنا أصلح المكنة بنفسي يعني
مهندس منسي : إن شاء الله
مهندس منسي : لو احتجت كده، إنما لو عايزنا إحنا نصلحهالك ده إحنا محبب على قلبنا مش مشكلة ولا حاجة
العميل : الله يخليك، حضرتك الدفع كاش ولا فيه تقسيط ولا نظام الدفع إزاي؟
مهندس منسي : كل شغلنا كاش
العميل : آه يعني ما بتاخدش مثلاً تقسيط ولا بتقسط ولا حاجة؟
مهندس منسي : لا ممكن ناخد 50% و50% عند الاستلام
العميل : يعني كاش برده، لا يعني أنا لو جيت آخد المكنة البضاعة مش حاضرة؟
مهندس منسي : البضاعة حاضرة إن شاء الله
العميل : يعني مثلاً لو حبيت آخد المكنة أم أو أم دي دفعت فلوسها ألاقي الحاجة موجودة
مهندس منسي : إن شاء الله
العميل : إن شاء الله
العميل : ماشي يا باش مهندس، اسم سيادتك إيه؟
مهندس منسي : المهندس منسي
العميل : ماشي يا باش مهندس، ألف شكر لحضرتك
مهندس منسي : مع السلامة
العميل : مع ألف سلامة، مع السلامة