ماكينة تعبئة وتغليف السكر والأرز الاوتوماتيك من شركة المهندس منسي
ماكينة تعبئة وتغليف السكر والأرز الاوتوماتيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس معايا
مهندس منسي : أيوه
العميل : لو سمحت عايزين نستفسر عن أسعار ماكينات تغليف الرز والسكر وكده، أنا من الأقصر معاك
مهندس منسي : أهلاً بيك
العميل : أهلاً وسهلاً، عايزين نسأل على أسعار مكن تغليف السكر والرز
مهندس منسي : آه… ماشي
العميل : إيه أنواعه…
مهندس منسي : عندنا موجود آه، في أنواع نص آلي وفي آلي، يعني أنواع نص أتوماتيك وأتوماتيك
العميل : آه… حسب الحجم ولا الحجم واحد
مهندس منسي : ما هو شوف إنت عايز تعبي من كام لكام؟
العميل : أنا عايز النص كيلو والكيلو
مهندس منسي : آه يبقى ممكن تاخد مكنة كيلو ولا إنت عايز مكنتين مكنة نص كيلو ومكنة كيلو؟ هي المكنة الكيلو تعبيلك نص كيلو مرتاح
العميل : يبقى خلينا في الكيلو
مهندس منسي : إن شاء الله
العميل : عامله كام الأتوماتيك والنص؟
مهندس منسي : هي النص أتوماتيك بتعمل يعني
العميل : آه…. والأتوماتيك؟
مهندس منسي : والأتوماتيك يا سيدي بتعمل
العميل : تمام ماشي، خلاص اليدوي، اليدوي دلوقتي اتمحى بمعنى أصح؟
مهندس منسي : مافيش حاجة اسمها يدوي، أصل اليدوي معناه كوز كوباية بتعبي بيها
العميل : آه.. طب النص أتوماتيك دي إيه نظامها، بتكايل بوحديها وتعبي لوحديها مثلاً؟
مهندس منسي : لأ بص يا سيدي إنت بتعمل إيه؟ إنت بتاخد معاها حاجة اسمها سير لحام، بتروح الكيس أهوت تروح حاطه تحتيها أول ما تحطه تحتيها تروح معبياهولك
العميل : تمام
مهندس منسي : بعد ما عبيته تروح حاططها على سير اللحام يخودها يلحمها ويوديها الناحية التانية، إنت ما تقعدش تستنى لغاية ما يلحم
العميل : آه…
مهندس منسي : هوه في ناس بيعملوا إيه؟ يجيبوا مكن اللي هوه بتاع المنازل دوت يقعدوا يستنوا لغاية ما يلحم وبعد كده… إنت كده بتستهلك 2 عمال، لأ أنا عايز أسرع الإنتاج، إزاي؟؟؟ تروح تاخد الكيس تعبيه وتروح رامي على سير اللحام، يقوم سير اللحام ده ياخد المكنة يلحمها ويوديها الناحية التانية
العميل : تمام ماشي ألف شكر يا باش مهندس، وبالنسبة للطابعة معاها ها؟
مهندس منسي : طابعة إيه؟؟ تاريخ الإنتاج؟
العميل : آه تاريخ الإنتاج طبعة الكيس
مهندس منسي : آه طبعة تاريخ الإنتاج دي بتبقى لوحدها، بس رخيصة يعني مش غالية ما تقلقش
العميل : تمام ماشي الله يخليك، الله يبارك لك
مهندس منسي : الأقصر بلد جميلة
العميل : آه والله عايزين نستثمر فيها شوية شغل
مهندس منسي : أنا رحت رحلة الأقصر وأسوان ونزلنا الأقصر كانت بلد جميلة ممتازة
العميل : يا باشا إنت رقمي معاك وفي أي وقت تعالى…
مهندس منسي : ناسها ناس طيبيين قوي
العميل : الله يخليك، إنت في أي وقت اديني رنة وأنا أجيلك مكان ما إنت قاعد يا باشا
مهندس منسي : حبيبي ما اتحرمش منك يا غالي
العميل : ونوجب معاك والله
مهندس منسي : الله يبارك لك يا رب
العميل : الله يخليك
العميل : في أسعار رز بالنسبة للتجار
مهندس منسي : ما أنا أسعار الرز دي مش تبعي، أنا مكن وخامات بس
العميل : أنا عارف.. كاستفسار بس
مهندس منسي : صدقني المدام بس هي اللي تعرف
العميل : على العموم لو في حاجة رقمي معاك اديني رنة بس عشان أبقى عارف
مهندس منسي : ماشي يا غالي
العميل : معلش لو برخم عليك
مهندس منسي : ماشي يا باشا
العميل : ماشي يا باشا اتفضل.. اتفضل.. سلام