ماكينة تعبئة السكر الكيلو والنص كيلو من شركة المهندس منسي
ماكينة تعبئة السكر الكيلو والنص كيلو من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك مين معايا
العميل : معاك فتحي القطان من المنزلة دقهلية
المهندس منسي : أهلاً وسهلاً
العميل : أنا والله حضرتك يا باش مهندس كنت مقيم في السعودية وجاي أعمل مشروع هنا في مصر تعبئة مواد غذائية، حضرتك طبعاً مختص بالماكينات ديت
المهندس منسي : إن شاء الله
العميل : أنا عايز الماكينة اللي بتعبي السكر اللي هي النص والكيلو، مش بتعبي هي السكر والرز سوى ولا كل حاجة لوحدها؟
المهندس منسي : هي يا تعبي رز، يا تعبي سكر، يا تعبي مكرونة… ولكن هي تعبي كل المنتجات دي، ولكن إنت تعبي الرز مع السكر؟
العميل : لا أنا هعبي الصنفين دول بس
المهندس منسي : عادي هي تعبي رز، وسكر، وملح، وبقوليات بجميع أنواعها…. كل المقروشات
العميل : الأوزان بتاعتها تبقى إيه؟ من كام لكام؟
المهندس منسي : من 50 جرام لغاية كيلو
العميل : وما بتعبيش خمسات؟
المهندس منسي : تقدر بقى تاخد 5 وحدات وتعملهم كنترول واحد
العميل : طيب الماكينة دي تتكلف كام يا باش مهندس؟
المهندس منسي : تعمل
العميل : لأ أنا عايز الأتوماتيك الحاجة العالية
المهندس منسي : آه… عايز أتوماتيك كاملة يعني؟
العميل : أيوه
المهندس منسي : تعمل
العميل : يعني 6 × 18، يعني حوالي 118 ألف
المهندس منسي : لا 108 بس
العميل : طيب الماكينة دي بتبقى كام فاز؟
المهندس منسي : كل المكن بتاعنا متصمم على 220 إلا لو العميل طلب غير كده، لو العميل طلب 360 بنغيرها له 360، لكن المكن بتاعنا كله متصمم على 220 لأنه أغلب المتعاملين بيطلبوا 220 اللي هي كهربا البيوت العادية
العميل : طب بالنسبة لي أنا المكان بتاعي 31 متر عندي حتة 31 متر، الماكينة تقضي بالسيور بتاعتها؟
المهندس منسي : هي الميزة في المكن بتاعنا إحنا اللي مصممينه، إحنا صممنا المكن، عملنا الديزاين وعملنا الرسومات بتاعته وصنعنا قطع الغيار بره وجمعناها هنا، فلما صممنا المكن صممناه بناء على الخلفية بتاعت العميل بتاعنا، لأن العميل بتاعنا قالنا إن كهربتي كهربا بيوت عادية، قولنا حاضر، قال المكان عندي ضيق وما يستحملش قلناله حاضر، واخد بالك، قال أنا عندي الإمكانيات المادية قليلة، قلناله حاضر…. فعملنا كل المكن اللي عندنا بناء على حالة العميل المصري متأيفة يعني تأيفة مضبوطة
العميل : يعني المكان يا باش مهندس 31 طول 7 × 4 يبقى حلو؟
المهندس منسي : زي الفل، ده مكان واسع كمان، ده مكان برح
العميل : طيب، لما آجي أعمل رخصة أعملها إيه بقى؟
المهندس منسي : تعبئة وتغليف مواد غذائية
العميل : أكتب بس تعبئة مواد، ولا محل تعبئة مواد غذائية؟
المهندس منسي : لأ ما تكتبش محل بقى، ما همه اللي هيقولوا لك ده محل، ولا ورشة، ولا مصنع… همه اللي هيقولوا، لأنه المصنع له شروط، لو إنت هتعمل مصنع لا يقل بأي حال من الأحوال عن 300 متر
العميل : تمام طب لو ورشة، هتبقى لا تقل عن 100متر
المهندس منسي : طب لو محل، هتبقى في حدود الكلام اللي بتقول فيه ده، وطبعاً كل ده راجع على مزاج الحي عندكم
العميل : طيب…
المهندس منسي : أما بالنسبة لنا في جمهورية مصر العربية فإنت ما تشتغلش بالك بعملية الرخص ولا تقلق منها لسبب بسيط، لأنك ممكن تقدم عليها النهاردة وتشتغل النهاردة، ما تستناش إنك تتطلع الرخص، همه بيشجعوا الصناعة، للحق والحق يقال
العميل : المحامية اللي قدمت على الرخصة كتبت محل تعبئة مواد غذائية
المهندس منسي : مافيش مشكلة
العميل : سكر ورز وكلام من ده
المهندس منسي : مافيش مشكلة عادي
العميل : عشان لما أجيب سكر من الشركة القابضة من حقي أجيب منها، لو كتبت محل؟
المهندس منسي : مش عارف قصتهم إيه في الحصص، أما بالنسبة أنا شايف إن أغلب الناس اللي بتعبي بيجيبوا من الحر وبيجيبوا من هنا عادي لأنه فروق مش كتيرة يعني
العميل : تمام.. إنت مكانك فين يا باش مهندس؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : الماكينات دي تجميعك حضرتك ولا تصنيعك؟
المهندس منسي : بص يا سيدي، إحنا عملنا الديزاين، ورسمنا قطع الغيار وصنعناها بره مصر في وات إيفر أياً كانت البلد، لأنه في ناس يقولولك فين بره؟؟؟ لأ ما هوه أنا بختار البلد اللي تديني نفس الجودة بتاعتي، وتديني في نفس الوقت الملائم عشان خاطر أعرف أبيع كويس، وبعد كده جمعنا المكن ده في جمهورية مصر العربية العزيزة الكريمة الجميلة
العميل : تمام… أنا هبعتلك علي الواتس عشان أنا من المنزلة بعيد عن القاهرة، ممكن تبعتلي صور الماكينة لها سيور، أتوماتيك، بتلحم كل حاجة…
المهندس منسي : والله يا سيدي أنا رأيي خد بنصيحة أخوك وتوكل على الله يعني
العميل : تمام
المهندس منسي : أنا رأيي إنك النهاردة بتشتري مكنة وبتعمل مصنع وبتصنع، فالنهاردة لو أنا هتعب أسبوع أو هتعب شهر في مقابل هرتاح مدى الحياة إزاي؟؟؟ هقول لحضرتك، أنا دلوقتي قاعد متمطرأ في الأنتريه، وطبعاً القيمة ليك، ومزاج عال وقاعد أشرب نيسكافيه وقدامي شويه مكسرات وعمال أسمع مين اللي بيتكلم أحسن
العميل : تمام…
المهندس منسي : بالتأكيد هتعجيب مكنة فاشلة لسبب بسيط، لأنه اللي بيتكلم أحسن ما بيصنعش أحسن
العميل : تمام…
المهندس منسي : أما اللي بيصنع أفضل هوه ده اللي ما بيعرفش يتكلم اللي هوه إحنا، إحنا مصنعين ومهندسين فاهمين بنعمل إيه، فإنت كده بدور على تاجر، التاجر بيعمل إيه؟؟ بيقعد يحلي لك في الكلام، أنا من أصل ريفي فلاحين
العميل : تمام
المهندس منسي : فكنت أروح سوق الخميس فأنا من طبعي كده دماغي ملاينة فكر كده، فكنت أروح أشوف الفلاح الغلبان يا حول الله ما بيعرفش يتكلم، ما بيعرفش يبيع، فكان مين اللي بيبعله، التجار، الراجل يا حول الله كان يبقى واقف بالناشيه بتاعته وعايز يبيعها، فالتاجر ييجي يبيعها له أغلى من سعرها بمراحل، ليه؟؟؟ التاجر بيعرف يتكلم ….. 600 كلمة ويقعد يحور ويعمل…
فرأيي أنا الشخصي لما أحب أشتري الحاجة أروح الأول مجمع تليفونات الناس أتصل بيهم أتأكد إن الناس دي موجودة، أبدأ سيرش على السيرة الذاتية بتاعتهم، الناس دي تعاملهم مع الناس إيه؟؟ هل فعلاً سبورت خدمة ما بعد البيع؟؟ هل فعلاً ناس نظيفة؟؟؟ هل فعلاً….
العميل : تمام
المهندس منسي : أنا رأيي إن حضرتك تتعب شويه وتيجي تشرفنا بالزيارة تتفرج على المكن بضاعة حاضرة على الطبيعة، تقوم تشوف المكن ده فعلاً كويس، فعلاً مضبوط، تشوف الناس التيكنيكال اللي حواليك اللي همه بيفرجوك، تشوف ناس فعلاً عايزين يشتغلوا ولا مش عايزين، لأنه التيكنيكال دول همه اللي هيخدموك خدمة ما بعد البيع
العميل : يعني الصيانة بتاعتك مستمرة يا باش مهندس بعد البيع على طول
المهندس منسي : ما هو أنا بقولك الأول اتأكد من الناس تيكنيكال، همه دول اللي هيقعدوا في وشي مدى الحياة، إنما البيعة بيعة قالبه وقومه وسلام عليكم
العميل : تمام…
المهندس منسي : البيعة ما هو أنا هبيع وأشتري وخلاص خلصت، إنما مين اللي هيخدمني خدمة ما بعد البيع؟؟ التكنيكال، أقعد مع التكنيكال أشوفهم إيه وضعهم، عيال شلطية ولا عيال كويسة…
وطبعاً اعرف كده إنه أي واحد بيجمع حواليه اللي من شلته، إزاي؟؟؟ يعني أنا راجل دلوقتي متربي في مندرة قاضي عرفي، بالتأكيد هجيب ناس كلها عندها مبادئ وأخلاقيات، واللي معندوش مبادئ وأخلاقيات همشيه واحد تاني يهمه المكسب، يلم أي حد يبرمج الزبون
العميل : طب سؤال أخير
المهندس منسي : اتفضل
العميل : الماكينة الأتوماتيك تتطلع كام طن…
المهندس منسي : عملية تتطلع ديت أكبر غلط لسبب بسيط، لأنك النهاردة لما تيجي تركب عربية هتبص في العداد بتاعها هتلاقي 240، إنت عمرك مشيت على 120؟؟؟
العميل : لأ إنت المكنة… هي تطلع أد إيه؟؟؟
المهندس منسي : هي الإنتاجية بتاعت أي مكنة في العالم كله تعمل لغاية 70-80 كيس في الدقيقة، ولكن في الآخر إنت عمرك هطلع 70-80 كيس في الدقيقة؟
العميل : لأ
المهندس منسي : الإنتاجية تحدد بناء على الآتي: بناء على لحمية الكيس نفسها، بناء على الكيس نفسه بيلحم على درجة حرارة كام في سرعة كام، بيتكلم كمان في معامل الإنتاجية كمان إن المكنة سرعتها بتتحدد على الخامة نفسها اللي بتتعبى، الهرولة بتاعتها بتنزل الكيلو في خلال أد إيه؟؟؟ إنما المكنة نفسها… ما تسألش حد.. واللي يقولك 70 و 80 يبقى بيهزر، يبقى راجل مش فني، مش فاهم
العميل : هي متوسط تعمل أد إيه يا باش مهندس؟
المهندس منسي : يا حبيب قلبي المتوسط ده يتحدد بناء على عدد من العوامل، أول حاجة الخامة اللي إنت هتركبها، خامة البلاستيك نفسها، أو خامة الكيس
رقم 2 الخامة اللي إنت هتعبيها، إنت هتعبي سكر، السكر ده ناعم ولا خشن، لو خشن هينزل بسرعة، لو ناعم هينزل ببطء
العميل : أنا كده فهمتك يا باش مهندس معلش
المهندس منسي : فهمتني، فإحنا نقول من إلى، فإنت دايماً خد… أوعى تسمع اللي يقولك إيه: 80 كيس في الدقيقة، 100 كيس، عليها 240… هوه في الآخر…
هوه في الآخر كله بيتحدد بناء على إيه؟؟ بناء على المعاملات بتاعت الكيس، والخامة، والجو المحيط، والعامل نفسه أكتفيتي ولا مش أكتفيتي، إزاي؟؟؟ ما النهاردة الخامة خلصت، فأنا عايز أركب الرول بسرعة
العميل : طب وبالنسبة للبلاستيك إنتم بتوفروه ولا برده بنجيبه من حتة تانية؟
المهندس منسي : عادي.. لو عايز تاخده من عندي، لو عايزه تاخده من بره خده، ولكن أنا الخامة اللي عندي أنا بطبع بطريقة أحدث أنواع الطباعة في العالم اسمها روتوجرافيك، واخد بالك
العميل : تمام
المهندس منسي : في بره خامة جودتها أقل من عندي، وسعرها أقل، والعميل عندنا ما بياخدش باله من الجودة والحاجات دي بس، أنا مش بقولك مثلاً عشان تيجي تاخد من عندي.. لأ دي بره وعندي، أنا عندي أغلى، ولكن في المكن أنا عندي أرخص سعر مش في مصر، أرخص سعر في العالم كله، يكفي إن أنا ببيع من الصين، وعندي فرع في الصين ببيع منه بسعر مصر
العميل : طيب تمام… إنت من رأيك الـ 31 متر ده ممتاز؟
المهندس منسي : زي الفل
العميل : ماشي يا باشا، أنا إن شاء الله هرتب نفسي، إنت حضرتك المدير ولا صاحب الشركة؟
المهندس منسي : والله أنا المؤسس
العميل : المهندس
المهندس منسي : أنا المؤسس، والمصمم، وصاحب الشركة، ورئيس مجلس الإدارة، وأنا….. في جمهورية مصر العربية الجميلة العظيمة أنا اللي شايل الليلة
العميل : سيف رقمي الواتس دا عندك على أساس ….
المهندس منسي : ما هو مش أنا اللي هتعامل معاك، أنا بس استشاري ليك دلوقتي، واخد بال حضرتك، فأنا هبعتلك تليفون المبيعات وحضرتك هتتعامل معاهم
إحنا عندنا حدائق القبة، مدينة نصر، باب الشعرية، 6 أكتوبر
العميل : لا يا باشا أنا عايز أقابلك إنت عشان أغدى معاك، تغديني ده مشوار كبير
المهندس منسي : يا حبيب قلبي ده شرف كبير ليا، بس هوه الوقت بس بالنسبة لي هوه اللي صعب، مرة هنا، مرة بره مصر، مرة في الفرع بتاع إسكندرية اللي إحنا بنعمله، مرة في فرع العاشر اللي بنعمله، مرة مش عارف فين…. فظلمك معايا، إنما لما تقابل أفراد المبيعات هيسبورت عليك، وإنت لو احتجتيني في أي حاجة أنا تحت أمرك
العميل : ماشي شكراً يا باش مهندس، أنا رقمي عندك أهون حضرتك وكلمهم وقولهم
المهندس منسي : هبعتلك أنهي فرع في رسالة، الفرع اللي يعجبك
العميل : ماشي يا باشا
المهندس منسي : ماشي يا غالي
العميل : ماشي مع السلامة