ماكينات تعبئة التوابل والارز والمكرونة من شركة المهندس منسى
ماكينات تعبئة التوابل والارز والمكرونة من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل:شركة المهندس منسي
المهندس منسى: أيوه
العميل:حضرتك كنت عايز أستفسر عن ماكينة تعبئة التوابل أتوماتيك
المهندس منسى: هوه في نص أتوماتيك وفي أتوماتيك كامل
العميل:يعني إيه نص أتوماتيك؟
المهندس منسى: نص أتوماتيك يعني حضرتك بتحطلها الحاجة في القادوس وبتديلها كيس وهي تعبيه، بعد ما تعبيه تحطه على سير السير دوت ياخد الكيس يلحمه ويوديه الناحية التانية
العميل:آه والأتوماتيك؟
المهندس منسى: الأتوماتيك بتعمل كل حاجة لوحدها
العميل:آه بكام الأتوماتيك يا باشا؟
المهندس منسى: ، ضرب بقى × سعر الدولار المصري بكام
العميل:ده آخر سعر ليها
المهندس منسى: إحنا أسعارنا نهائية دايمة
العميل:اضرب كده يا حاج × 18.5
المهندس منسى: 18 وبس
العميل:لأ 18.5
المهندس منسى: آه.. لأ إحنا بناخد على 18 بس،يعني ضرب × 18 = 81000
العميل:طيب التعامل معاك كله نقدي ولا في تقسيط؟
المهندس منسى: لا عندنا كل كاش صدقني
العميل:طب خط المكنة ده يشتغل على كهربا 3 فاز ولا كهربا عادية؟
المهندس منسى: لا كهربا عادية
العميل:طيب صناعة إيه؟
المهندس منسى: إحنا مصنعنها في الصين لحسابنا، يعني إحنا مهندسين، فرسمنا الرسومات وعملنا قطع الغيار وجمعناها، يعني ما رحناش اشترينا مكن من الصين وجبنا مكن وجينا نبيعه، يعني عملنا فكر جديد، زي مثلاً المهندس الألماني وزي المهندس الإيطالي
العميل:تمام.. طيب يعني كده قطع الغيار متوفرة عندك بتاع الماكينة؟
المهندس منسى: أكيد ده مكنا ويحمل ماركتنا
العميل:تمام يا باشا
المهندس منسى: إحنا عندنا فرع بيبيع مكن في قلب الصين
العميل:بالنسبة لشهادة الضمان بتاعت الماكينة
المهندس منسى: ضمان لمدة سنة ضد عيوب الصناعة، و5 سنين توفير قطع الغيار لحساب العميل
العميل:طب وبعد الـ 5 سنين؟
المهندس منسى: يا باشا المكنة سهلة جداً أسهل مما تتخيل، إنت بعد سنة ـ بعد 6 أشهر مش هتحتاجني
العميل:ليه بقى؟
المهندس منسى: لأن إحنا اللي مصميمنها، فمسهلين الدنيا على الآخر، مبسطين الدنيا على الآخر، إنت لما تشوف المكنة لما تيجي تجربها وتشغلها هتنبسط قوي
العميل:طيب المكنة ديت ممكن تعبي حاجة غير التوابل؟
المهندس منسى: آه تعبي كل أنواع المقروشات، وكل أنواع الحبوب
العميل:يعني تعبي رز وسكر…
المهندس منسى: تعبي رز وسكر ومكرونات كل حاجة، وكل اللي يقابلها
العميل:تشتغل على أي مقاسات أكياس ولا ليها نوعية أكياس معينة؟
المهندس منسى: لا عادي تقدر تغير في الكيس براحتك
العميل:مش المقاسات، تخانة الكيس نفسه؟
المهندس منسى: السماكة؟؟
العميل:سماكة الكيس
المهندس منسى: عادي إن شاء الله حتى تعمل معاك من أول 50 ميكرون لغاية 200 ميكرون لو عايز
العميل:يعني أي كيس يشتغل على المكنة تمام
المهندس منسى: آه
العميل:إنتاج المكنة تعبئة المكنة في الساعة أد إيه؟ تعمل كام طن؟
المهندس منسى: هي مش عملية طن بقى، العملية عملية إيه؟؟ إنها بتنتج أد إيه في الدقيقة مثلاً
العميل:بتنتج أد إيه في الدقيقة؟
المهندس منسى: الإنتاج الفعلي في حدود 50-40 كيس في الدقيقة
العميل:إنما هي أوردي بتنتج أكتر من كده
المهندس منسى: تمام على حسب السرعة اللي بضبطها عليها
العميل:على حسب السرعة.. ولكن السرعة بتتحدد بناء على الهرولة، الهرولة بتاعت الحاجة،يعني سيولة المادة في الماكينة
المهندس منسى: أيوه
العميل:سيولة المادة داخل الماكينة
المهندس منسى: أيوه، يعني إنت مثلاً العربية بتاعتك هتلاقي العداد بيقول 240
العميل:طبعاً
المهندس منسى: عمرك مشيت على 130؟
العميل:مشيت على 130
المهندس منسى: بس هتمشي على طول على 130؟ مش هتقدر
العميل:طبعاً
المهندس منسى: فهمتني إزاي، يعني في ناس هيقولولك السرعة 60 و 70، ما هو ده كلام كله تجاري ما ينفعش
العميل:لا إحنا عايزين الكلام الفعلي، يعني نعتبر الكلام الفعلي 40
المهندس منسى: يعني هي المكنة تقدر تعملك 70 و 80 و 120، بس في الآخر الأكياس هتطلع مفتحة
العميل:أيوه مش هتاخد وقتها في المكوى كويس
المهندس منسى: آه مضبوط
العميل:تمام… طب إيه نظم الأمان اللي موجودة في الماكينة؟
المهندس منسى: فهمني يعني إيه نظم الأمان؟
العميل: يعني في حالة مثلاً تيار الكهربا داخل شديد…
المهندس منسى: لا.. لا.. ما تشغلش بالك من الحاجات دي كلها، المكنة اللي عملها دارس في ألمانيا، يعني واخد هندسة من ألمانيا
العميل:تمام
المهندس منسى: فالحاجات دي كلها بص حتة زلطة، إحنا بنراهن بقالنا في السوق أكتر من 11 ـ 12 سنة بنراهن على ماتور واحد غيرناه
العميل:ماتور الماكينة كام حصان يا باشا؟
المهندس منسى: بيبقى حوالي 4/3 حصان، نص حصان
العميل:يااااه ده بسيط قوي
المهندس منسى: آه ما هو إحنا عاملين تعويضات
العميل:عندي المفارم بتاع اللحوم المفرمة 3 حصان
المهندس منسى: آه بص يا سيدي، هي القضية إنت عايز تشغل مكنة ولا طالع جبل مثلاً؟
العميل:لأ أنا عايز أشغل ماكينة
المهندس منسى: بس، يبقى النهاردة لما نيجي نتكلم هندسياً، أنا النهاردة عندي ماتور مثلاً 4/3 حصان، وعندي جيربوكس، الجيربوكس بينقلي القوة، بينقل 1 ¬ 14، يعني دلوقتي لما أنقل 4/3 حصان، نقول نص حصان عشان تبقى أسهل علينا شويه، نص حصان × 1/14 القدرة النهائية بتاعتي 7.5 حصان
العميل:القدرة النهائية 7.5 حصان
المهندس منسى: مثلاً اللي خارج بقى اللي طالع ليا، 7.5 حصان، أنا مش محتاج الـ 7.5 حصان في حاجة ولا محتاج القوة دي كلها في حاجة
العميل:أنا محتاج الـ 4/3 بس
المهندس منسى: مش محتاج القوة دي كلها في حاجة، لأن الماتور بيطلع الأول على جيربوكس، بيطلع الأول على حاجة اسمها بدال، البدال بينقل على جيربوكس، فالبدال وظيته إن يقلل السرعة ويزودها
العميل:تمام
المهندس منسى: ولكن القوة بتيجي فين؟؟ بتيجي من نقل الماتور نفسه في الجيربوكس
العميل:تمام
المهندس منسى: بقولك بقالنا دلوقتي 11-12 سنة صدقني مافيش ماتور… يعني إحنا عندنا شويه مواتير، صدقني مافيش ماتور ركبناه
العميل:تمام…،المساحة بتاعت الماكينة تستغل مكان أد إيه؟
المهندس منسى: المكنة نفسها متر وربع × متر وربع × ارتفاع مترين وربع، مترين و 5 كده
العميل:آه
المهندس منسى: بص المكنة نفسها سهلة والدنيا متسهلة والمكنة معمولة ومصممة خصيصاً للعميل العربي، العميل اللي مريح دماغه، ومبسط الدنيا على الآخر، معلوماته في المكنة ضعيفة جداً، المكان عندك لو مزنوق تقدر تطلعها فوق أو تنزلها لتحت براحتك… أنا رأيي إنت تيجي تتفرج عليها على الطبيعة أفضل
العميل:تمام.. ما هو أنا كده كده لازم نجيلك وتفرج عليها
المهندس منسى: المكنة دي فيها طباعة ولا ما بتطبعش
العميل:بتطبع تاريخ الإنتاج
المهندس منسى: تاريخ الإنتاج بس…،آه
العميل:وبالساعة ولا من غير؟
المهندس منسى: ساعة إزاي؟؟
العميل:ساعة الإنتاج
المهندس منسى: كل دي وحدات بتتركب لو عايز تركب وحدة إنك تعمل الساعة والدقيقة ومش عارف إيه كل دي كماليات مع المكنة
العميل:آه لكن مش أساسيات فيها
المهندس منسى: لا مش أساسي، هي مكنة تعبئة وتغليف أتوماتيك
العميل:لكن هي فيها الطبيعي بتاعها برده طباعة بتاعت الصلاحية؟
المهندس منسى: دي وحدة بتضاف، لو إنت طلبتها هنضيفها لك، لو ما طلبتهاش خلاص
العميل:الاكسبيار عليه فلوس؟
المهندس منسى: آه الاكسبيار، بـ ، الوحدة اللي بتطبع تاريخ الإنتاج والإكس باير دي بـ لوحدها،يعني كده الماكينة من غير الإكس باير، لو حبيت تركب إكس باير لوحده بـ
العميل:تمام يا فندم
المهندس منسى: بص حضرتك هوه الكلام من بعيد لبعيد ما ينفعش لسبب بسيط لأنك إنت دلوقتي معرض للي بيتكلم أحسن، إنت كده مش بدور على اللي بينتج أحسن
العميل:طبعاً
المهندس منسى: لأنه ماركتنا ضربت الرقم القياسي في العالم
العميل:أنا يا باشا على فكرة أنا ما اتصلتش بيك إلا لما دخلت على جميع شركات التعبئة في مصر وشفت ماكينات، فأنا عجبني التصميم بتاع الماكينات بتاعتكم، ليه؟؟ عجبني فيه البساطة مش أي حاجة تاني
المهندس منسى: لأ ده أنا عايزك بقى كمان لو إنت بدور على النت اكتب المهندس منسي في الصين الدولي، إحنا كنا عارضين في معرض الصين الدولي، كنا بتنافس في الصينيين، اتفرج على الناس اللي اتجمعوا علينا
العميل:أيوه
المهندس منسى: هي العملية عملية فكر أكتر ما هو أصنع إزاي؟؟ هي فكر، حد دارس كويس قوي وفاهم بيعمل إيه
العميل: طبعاً، هوه في باب الشعرية المكان؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل:يعني نجيلكم في أي فرع من الفروع دي
المهندس منسى: إن شاء الله
العميل:ماشي يا باشا شكراً
المهندس منسى: مع السلامة