خط إنتاج تعبئة سكر آلي من شركة المهندس منسي

خط إنتاج تعبئة سكر آلي من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : ماجد جرجس معاك يا فندم

المهندس منسي : آه إزيك يا عم ماجد

العميل : الحمد لله يا فندم أخبارك حضرتك إيه

المهندس منسي : الحمد لله

العميل : تمام… لو سمحت أنا عاوز خط إنتاج.. على فكرة أنا لسه شاري خط إنتاج تعبئة سكر آلي من مصنع في أكتوبر شركة حاجة باك كده

المهندس منسي : كويس جدع

العميل : فكنت عايز خط إنتاج زي ده يا فندم

المهندس منسي : آه موجود عندنا آه

العميل : طب الخط ده عبارة عن إيه؟ صناعة مصرية ولا مستورد؟

المهندس منسي : دي ماركة يا عم ماجد

العميل : ماركة إيه يا فندم؟

المهندس منسي : ماركة المهندس منسي، دي ماركة عالمية، مش ماركة مصرية، يعني ماركة انتشرت في العالم، براند

العميل : طيب معلش أنا هغلب حضرتك

المهندس منسي : يا عم خد راحتك

العميل : يعني متقفل هنا ومتصنع هنا ولا…..

المهندس منسي : بنصنع قطع الغيار في أي بلد ما تفرقش معانا، هتقولي مصنع قطع الغيار في الصين، أنا بصنع قطع الغيار في أي بلد

العميل : أنا بتكلم على جودة عالية صيني بس جودة عالية….

المهندس منسي : آه إنت بتتكلم في ماركة دلوقتي يا عم ماجد

العميل : تمام…

المهندس منسي : إحنا مهندسين ناجحين، ولسنا تجار

العميل : تمام.. تمام يا فندم تمام

المهندس منسي : دي ماركة الحمد لله الماركة الوحيدة العربية في مكن التعبئة والتغليف

العميل : ما أنا بسمع عن حضرتك

المهندس منسي : واسمنا الحمد لله رانن بره وعامل بره شغل حلو قوي، لأن أوردي إحنا عندنا فرع بيبيع مكن في قلب الصين

العميل : طب بالنسبة لخط إنتاج الزيت يا فندم، طبعاً العبوة بتتقفل آلي طبعاً، بغطا آلي وكله تقفيل آلي

المهندس منسي : إن شاء الله، هوه إنت عايز تعبي عبوات…

العميل : إزاز آه لتر زيت

المهندس منسي : عايزها أتوماتيك ولا نص أتوماتيك؟

العميل : لأ أتوماتيك كاملة

المهندس منسي : أتوماتيك في 2 نزل وفي 4 نزل وفي 12 نزل في 24

العميل : لا… لا خلينا 4، 4 نزل يعني 4 عبوات يعني

المهندس منسي : آه… 4 عبوات في الضربة آه

العميل : تمام… دي بكام يا فندم؟

المهندس منسي : دي بتعمل

العميل : يعني في حدود كده

المهندس منسي : آه احسب سعر الدولار النهاردة لأن إحنا بنحسب بالدولار لأن الجنيه عمال ينزل وحالته بالبلا الأزرق…

العميل : بس يا فندم أنا هاخد الماركة دي بس المكنة.. المواتير اللي فيها لا مآخذة يعني تكون مواتير يعني…

المهندس منسي : بص يا عم ماجد صلي على النبي، أنا ما بحبش أتبع اللي هوه تحلية البضاعة، إنت معنى إنك بتتعامل مع ماركة، معنى إنك بتتعامل مع شركة محترمة، ينفع تروح تقول لتوشيبا أنا هاخد منك بس عايزك تحطلي المكثفات تكون مش عارف إيه…؟؟ ما ينفعش

العميل : لا ما ينفعش فعلاً.. فعلاً

المهندس منسي : إنت في الآخر بتتعامل…إنت بتبيع ماركة.. إنت بتبيع ماركة..

العميل : فاهم طبعا علي خير ان شاء الله