خط انتاج الرز والبقوليات الأوتوماتيك كامل من شركة المهندس منسي
خط انتاج الرز والبقوليات الأوتوماتيك كامل من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : إزيك يا باشا
مهندس منسي : أهلاً بيك
العميل : انا علاء الشربيني
مهندس منسي : أهلاً وسهلاً
العميل : أهلاً يا باشا، حضرتك أنا عندي بس استفسار صغير، عايز أعمل خط إنتاج رز وبقوليات وكلام من ده، المكنة إنتاجها أد إيه في الساعة؟
مهندس منسي : هوه في نص أتوماتيك وفي مكنة أتوماتيك كاملة
العميل : آه
مهندس منسي : إنت عايز مكنة إيه؟
العميل : يعني هي صيني ولا؟
مهندس منسي : لأ دي ماركة، براند عالمي
العميل : الأتوماتيك دي عامله كام؟
مهندس منسي :
العميل : يعني على بتاع النهاردة؟
مهندس منسي : هوه إحنا بنعمل دلوقتي على سعر 16
العميل : يعني تقريباً كام مثلاً؟
مهندس منسي : في التسعينات كده
العميل : ماشي… اللي هي بقى أعلى حاجة؟
مهندس منسي : أعلى حاجة ممكن تعمل في حدود 00
العميل : بتعمل أد إيه في الساعة؟
مهندس منسي : بتعمل في حدود 3-4 طن في الساعة
العميل : ماشي حضرتك أنا مجهز المكان إنتم ليكم شروط في الكهربا؟
مهندس منسي : لا ما تقلقش إحنا كل مكن ماركتنا كله بدون استثناء بيشتغل على كهربا البيت العادية
العميل : عادي يعني؟
مهندس منسي : آه
العميل : ولا إيه؟
مهندس منسي : آه على الكهربا العادية آه
العميل : أصل أنا كلمت شركة قبل كده قالتلي لأ ده إحنا عاوزين كهربا عالية
مهندس منسي : قالتلك إيه؟
العميل : عايزين 3 فاز
مهندس منسي : إحنا بقى مش عايزين 3 فاز، إحنا عايزين كهربا عادية خالص ما تشغلش بالك بأي حاجة
العميل : طيب ماشي… والتسليم يا باشا بقى؟
مهندس منسي : موجودة بضاعة حاضرة
العميل : طيب يا باشا، ديت رقم واحد، لو في خط إنتاج معرونة برده ولا هي شاملة؟
مهندس منسي : لو في إيه؟؟
العميل : لو في مكنة ممكن تعبي مكرونة مثلاً…
مهندس منسي : هي نفس المكنة بتعبيلك كل حاجة
العميل : طيب من كيلو لخمسة كيلو؟
مهندس منسي : لا دي بتعبي من 100 جرام لغاية كيلو
العميل : ماشي.. ما إحنا برده عايزين مكنة…
مهندس منسي : عايز مكنة تانية يعني بتعبي 5 كيلو؟
العميل : آه
مهندس منسي : المكنة اللي تعبي 5 كيلو تعمل 5
العميل : يعني كام برده فلوس من الآخر برده؟
مهندس منسي : دقيقة واحدة
العميل : مع حضرتك
مهندس منسي : يا سيدي 5 رؤوس… آه ماعييش آلة حاسبة، طب بقولك إيه أديك حفظت الأرقام أهوت اضرب بقى بعد ما تقفل معايا ضرب الأول 5 × يبقى ، اضرب بقى × 16 جنيه
العميل : طيب ماشي، الكلام دلوقتي جميل، أنا أجهز مكاني وآجي أقابل حضرتك مثلاً
مهندس منسي : آه تقابلني أو تقابل أي حد من المبيعات، إحنا عدد من الفروع
العميل : طيب فين مكان حضرتك؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : مافيش حاجة قريبة ليا، أنا من المنصورة
مهندس منسي : منين في المنصورة؟
العميل : شربين
مهندس منسي : أهلاً بيك
مهندس منسي : أنا من ميت غمر
العميل : يا باشا أهلاً بيك، مافيش أي حاجة جنبنا هنا؟
مهندس منسي : في المنصورة؟
العميل : آه
مهندس منسي : أتمنى ذلك والله، بلدي ومش فاتح فيها
العميل : شفت بقى النظام، خلاص يا باشا أنا دلوقتي بس بخلص الرخص وهخلص الكلام وأصلاً كلمت كام فرع بس بقى إيه أسعار تانية في 120 وفي 130 والكلام ده
مهندس منسي : إحنا أرخص أسعار في العالم كله مش في مصر بس
العميل : يا باشا ماشي ما الرخيص بيكسب قليل ويبيع كتير
مهندس منسي : أيوه، وأجود مكن، وأفضل مكن، إحنا كنا في الصين في المعرض الأخراني المعرض الدولي بتاع الصين كنا بنافس الصينيين
العميل : ماشي.. أظن يا باشا…
مهندس منسي : أظن ما بعد نروح الصين ونفرش هناك في معرضهم وننافس الصينيين ده يعني كده يعني إحنا عدينا يعني
العميل : طيب يا باشا أتشرف باسم حضرتك بس؟
مهندس منسي : المهندس منسي
العميل : ماشي.. ماشي.. ما هي الشركة طيب، ماشي يا باشا، يا باشا إحنا سعيدين بيك والله
مهندس منسي : الله يخليك
العميل : أقرب وقت إن شاء الله يا باشا هكلمك
مهندس منسي : أنا هبعتلك بقى تليفون الفرع بقى تابع معاهم
العميل : خلاص ماشي حضرتك، ألف سلامة
مهندس منسي : مع السلامة